ﻻ يوجد مستحيل

.

رهف: انت وين
محمود: اني بايت برا ارقدي ما تستنينيش
رهف: اهم شي غدوا تجي بكري ﻻن عندي جامعه وارقد حتي انت ما تفكرش فيها هلبا راسك يوجعك هيا سﻻم .... صكرت طول
محمود قعد يعاودلها المره الاولي ... التانيه ... التالته رهف كانت شاده التلفون وخايفه عندها نيه ترد ﻻكن خايفاته يقعد يعيط ﻻكن فالاخير ردت ... رهف : نعم
محمود: شن قصدك بمعاش تفكر فيها
رهف: استعبط ايه انت فاهمني كويس ما تستعبطش
محمود: مش فاهم وضحي
رهف : علي حبيبتك مش شوفتها اليوم ﻻكن ارتاح اونها بتسافر اني شوفتك تشوفلها
محمود: والنبي حق اسكتي ترا اني هيا ما تعنيليش اصلا وسبق وين مقايلك واني قعدت نشوفلها من الصدمه ﻻنها ما تحشمتش علي وجها تسلم عليا وتهدرز عليا عادي هادا عﻻش
رهف: اه شن تبيها تشوفلك زي ما انت تشوفلها ايه ﻻزم ما تعبركش ﻻنها متزوجه هيا دارت الصح
محمود: اشبح كيف تفكر اني ما قصديش هكي ﻻكن اني توقعتها تندم وﻻ حتي تقول غلطت في حقه تعرف روحها غالطه مش تتصرف وﻻ كانها غلطت
رهف: باهي محمود والنبي خﻻص دير شن تبي
محمود: رهف صدقيني هيا وﻻ شي بالنسبه ليا اني اليوم قلت خلي نبات برا باش ما نتعاركوش اني ما نبيش نشوفك تبكي نتنرفز وما نعرفش نتصرف بجد رهف
رهف : باهي محمود هيا اني بنرقد تصبح علي خير ...
تاني يوم الساعه 6 الفجر خش محمود للحوش اول ما خش لي الدار حست بي رهف ...
رهف: محمود انت جيت
محمود: ايه جيت
رهف: الساعه 6 عﻻش جاي من توا خير انشاء الله
محمود: باش نضمن ان ما نعطلش عليك جامعتك ...... رهف ابتسمتله وهوا بادلها الابتسامه واتكا علي السرير وهيا جت اتكت علب كتفه ..... الساعه 7:30 ناضت وبدت توتي في روحها فطرو وطلعو ... وصلها للجامعه وطلع
تلاقت هيا وعصابتها وقعدو يهدرزو
اسيل : باركولي يا بنات خطيبي طلعتله بعته البرا
البنات : مبرووك
نادين : وانتي رهف شن صاير فيك
رهف: جلطه عمري صارت تلاقت مع البنت وكان معاي محمود كان راكبني الرعب وخايفه نشوفها وشوفتها عاد
اسيل : يلي يخاف من الغول يطلعله هههههه
رهف: ههههه والله طلعت الحق ﻻكن تعرفي ع الحقيقه احلا من ابصور بهلبااااا مﻻ عيون عندها خضر و زرق وصفر ومش عارف لما تشوفي لعيونها تقعدي غير حايره وبيضا وشكلها شقره وﻻ شعرها فاتح ﻻن حتي رموشها فاتحات زي الغزاله ﻻكن جسمها اخي
نادين : هههههههه خيره جسمها
رهف: هيا قصير ومعبيه شويه زبطي الجسم يلي يحبوه الوﻻد هكي جسمها اصلا احني البنات الضعيفه هيا الرشيقه زيني والبنت المعبيه احني نشوفوها معبيه ﻻكن الوﻻد رشيقه طيح سعدهم
اسيل :فشي غلك عاد ههههههههه
لين طول الوقت ساكته وﻻ كلمه ﻻ تسمع وخﻻص ..... رن تلفونها
لين: نرد ع التلفون ونجيكم
لين : الوو
محمد: اهلا شن الجو
لين : باهي ><
محمد : شكله جوك مش تمام
لين : شن رأيك يعني سبوع ليك مختفي وينك ما تردش علي اتصالاتي فسرلي هي
محمد : كنت مع الشباب فتونس جت السفره فجأة كانو ماشين خطمو عليا حتي حوايج ما رفعتش لبست من الوﻻد
لين: وخيرك ما كلمتنيش من غادي وﻻ حتي رساله
محمد : تبي الحق ما بيتش نصرف القرشين يلي رافعهم فالمكالمات وﻻ الرسائل ما كلمتش غير امي الحق
لين: باهي خلينا من هادا نحاسبك عليه بعدين توا فهمني كلمت اماليك وﻻﻻ عاد باش نكلم اماليا
محمد : تبي الحق مزال ما قتلهمش
لين : انت طلبت سبوعين وتحملتك وقتلك باهي الموضوع مش محتاج سبوعين راهو ﻻكن سايرتك تحشمت قدام صاحباتي
محمد : ماهو يا حبي طلعلي موضوع تونس
لين: كنت تقدر ما تمشيش مش هتخرب الدنيا انت مقايلي ان بتكلم اماليك تمشي لي تونس شن مش مدايرلي حساب
محمد: ﻻ غير جت فجأة بس مش مخطط لي السفره الحق
لين: باهي محمد نقولك راي انت برا لي تونس ولي يونس ولي ولد الجيران ولي الهم الاحرف بااااهي ﻻكن اني تخليني في حالي ياسرك مرمدتها بما فيه الكفايه صبرت عليك وتوا خلينا نسيبو وبعض ونرتاحو وكل حد في طريق وسﻻم .... وصكرت التلفون قعدت مقعمزه تبكي ..... البنات حسوها عطلت قعدو يدورو فيها جو لقوها تبكي ..... نادين : لين خيرك شن صار
لين: تفكيت من همه الحقير هداكا يملح
اسيل : يملح غير احكيلنا شن صار
لين: علي اساس فالسبوعين هادوم بيكلم اماليه مشي لتونس سبوع من غير ما يقولي وبعدين لما روح قالي وزيادة مافتحش الموضوع مع اماليه مسؤوليه ماعنداش سيبته وارتحت .
رهف: خﻻص لو يبيك هيجيب اماليه ويتربا وانتي فوتي توا نعطيك عمي احمد
لين : ههههههه وقتك يا بايخه احمد كبير عليا ههههه
رهف: نقسمو محمود
لين: موافقه ههههه
رهف : حي الشر اشبح ﻻ راجلي مافيش
لين : شن بديتو تحبو بعض وﻻ قاعدين اعداء
رهف: بديت نحس ان يحبني شوية شويه
لين : خليك رزينه ما ادوبيش طول باش ما يصدقش روحه
اسيل: بسم الله توا كانت تبكي هههههه
رهف: لين جن بسبعه رواح
لين : ﻻﻻﻻ بتسعه رواح هيا نخشو خلي نخشو وقت ع المحاضره ...
المهم في مع الظهر جي محمود بيروح برهف المهم هما يدرور شافت محمود مدرس السياره ومتكي عليها ..
اسيل : يناري محمود واقف فالشمس يستنا
رهف: شن ناقصه اونا ﻻبس نضاره وجو الرجل المجهول
نادين : هههههه اونا نحاها ويشوفلك
لين: اقعدو راقبوه انتم
اسيل : شوفو كيف يشوفلها واضح يحبك
رهف : احم عيب يا بنات هههههههه
اسيل : ايه عيب هههههههه
لين : مافهمتش وين العيب
نادين : هههههههه يتسهوكو يا لين ..... المهم رهف مشت لمحمود
رهف: اني نبي همبورقا
محمود: طول اول ما ركبنا السياره خلي تتحرك السياره بس
رهف: اهو تحركت .... حطت ايدها علي وجها ... هيا محمود اليوم نتغدو برا
محمود: احني فالشارع راهو
رهف: راجلي والله حره
محمود: راجلك فالحوش مش اهني قدام الناس
رهف: اها يعني انت راجلي فالحوش بس انت هكي قلت
محمود : رهف ما تهبلينيش خﻻص توا نتغدو برا ويا ريته مفلق فيك
رهف: شن قصدك
...... يتبع