ﻻ يوجد مستحيل

انما لي الصبر حدود

محمود شافلها وهوا متنرفز وقال : انتي لابسه لبس زي هادا وما تبيهمش يضايقوك ...... رهف: والله كانا انت يلي رافعني راهو قتلي شن نلبس وشن ما نلبسش وتاني شي خيره لبسي
محمود : باهي خﻻص فوتي النهار هادا علي خير .... ومشي يوتي في الشنطه ..
رهف : ايوااا في مسلسل تركي احني تزعل وتوتي شنطك وتهج
محمود: اسكتي يا مرا تنقي من الصبح مش هاج وﻻ شي ماشي عشره ايام سبوعين للمغرب مع الشباب وراجع
رهف: مسافر قصدك !!
محمود : ﻻﻻ مسافر قصدي
رهف تنرفزت لين خلاص وبدت تبعكي وتعيط : تي عرسان وحتي شهر عسل ما مشيناش ما طلعتنيش حتي تدهويره بالسياره ما طلعتنيش حتي نتعشا برا واسلوبك ما ينفعش وتصرفاتك وصابره عليك تي بشر ونحس اني قتلي ما عنديش كيف نرفعك شهر عسل وتحملت وقدرتك ﻻكن انت والله ما تستاهل انت برا سافر واني بنمشي لحوش بابا ... وطلعت وسيباته اتصلت بي امها باش تجي تاخدها .... محمود اضايق هلبا من كﻻمها ﻻكن مع دالك كان مصر يسافر ...
جت امها رفعتها ورهف كانت تبكي حاولت امها تفهم منها ﻻكن رهف ما تكلمتش ..
خشت رهف لي دارها دوشت ورقدت طووول .. تاني يوم ناضت الساعه 2 .. كان راسها يوجع فيها صلت ومشت للكوجينا دارت قهوه وبريوش وقعمزت .... خشت امها
ام رهف : ما تشغلينيش عليك امس رقدتي زي الميته شن في
رهف: مافي شي يا ماما
ام رهف : متعاركه مع محمود وﻻ شن
رهف : ﻻﻻ مافي شي
ام رهف : عادي كل الناس يتعاركو ما تشغليش بالك نسيتي تلفونك امس فالسياره وصاحباتك اتصلو وحطيتلهم وقالو انهم جايين اليوم
رهف : احسن شي ...
فالعشيه جو البنات ورهف حكتلهم كل شي
لين : هادا حقير ما ينفع في شي
رهف : بكل الحق زودها
نادين : في من وراه مصيبه صدقوني
لين واسيل : كﻻن نادين صح
رهف: شن قصدكم شن في من وراه
نادين : اني استخباراتي قويه خلوني نجيب عليه معلومات ونتصرفو
اسيل: عصابه الرداء الاسود ها هههههههه
يتبع