ﻻ يوجد مستحيل

ﻻ احتمل بروده

لين فهمت رهف شن ﻻزم ادير ...
رهف: خﻻص تمام هنبدا فالتنفيد من اليوم
لين: غدوا بتطلع النتيجه توا نفوت عليك نمشو مع بعض
رهف: اوكي تمام ..
بعد ما صكرت من لين مشت رهف تتفرج ع التلفزيون ومع جو العصر ناض محمود وكان جوه مش كويس خش لي رهف وصكر التلفزيون ..
محمود : نوضي نوضي ديريلي قهوه
رهف تنرفزت لين خﻻص: مﻻ أسلوب عندك علاش صكرت التلفزيون وتاني شي ما نخدمش عندك تبي حاجه اطلبها باسلوب ..
محمود: كلمتي توا ؟ باهي لو سمحتي ديريلي قهوه يا اسلوب
رهف مشت وسيباته خشت لي دارها جابت السماعات وفتحت الاغاني......
محمود: ايوااا جو المراهقات فكيني منه انتي متزوجه استاقظي علي روحك وديري واجباتك تجاه زوجك
رهف: لما ادير واجباتك تجاه مرتك
محمود طلع وسيب الحوش
رهف مسكينه تحبه علي الرغم من ان ما يستاهلش ﻻكن فنفس الوقت مش هتخليله مجال ... وفي اليوم هداكا محمود بات برا
تاني يوم الصبح لبست وطرحت وتت روحها باش تشوف النتيجه واتصلت بمحمود ما كانش عندها نيا هيا يلي تتصل كانت تبي هوا يتصل يتاسف ﻻكن هيا مجبوره ..
تكلم في بﻻ نيا : محمود تعالا نبيك ترفعني باش نشوف النتيجه
محمود: اني كيف نايض كلمي اي حد يرفعك
رهف : باهي لين وخوها بيجو يرفعوني نمشي
محمود: بري بري ... وبعدها صكر طول
رهف## اه محقره نكرها ومتفها
جت لين وخدت رهف ومشو ولقو غادي باقي الشله .... شافو درجاتهم والحمد الله كلهم مصفيين اقل وحده فيهم لين ﻻكن المهم صفت ونجحت واسيل جابت التانيه ع الدفعه ......
رهف : مبروووك اسيل تستاهلي ... لين: الف مبروك والله مفروض الاولي ... نادين : ايه مشاء الله انشاء الله ديما متفوقه
اسيل : الله يبارك فيكم تعالو نتغدو عازمتكم ..
رهف: نبي شاورما .... لين : حتي اني .... نادين : نبي طابونا وبعدها نبي نسكافي ...
اسيل : نخدم عندكم وعند طلباتكم هههههه ...
المهم وهما مقعمزين يا كلو ناضت رهف بتغسل ايديها ... مشت وغسلتهم وهيا بترجع لي صاحباتها في واحد قعد يضايق فيها وبدت تسرع في مشيتها شدها من ايدها .... الولد: وين ماشي الحلو .... رهف: اطلقني يا حيوان ... وسحبت ايدها ومشت للبنات
اسيل : خيرك زي المخلوعه
رهف: في حيوان قعد يلحق فيا وبعدين شدني ...وهيا تحكي علي جيه الولد ..
رهف : اهوا اهوا التافه غير ما تشوفوﻻش
نادين : هادا اسعد
رهف : تعرفي ؟؟
نادين : ﻻ ﻻكن نعرف اسمه
لين : كلمي محمود قوليله يجي يتصرف معاه .... ناضت رهف وبعدت شويه علي صاحباتها واتصلت بمحمود فالبدايه ماردش بعد ما اتصلت الفين مره رد ....محمود: شن تبي
رهف: تعالا بسرعه لي الجامعه ضروري
محمود بهزوه : شن صقطي
رهف: مش وقتك غير بسرعه تعالا
محمود: قولي شن في توا مش جاي
رهف: في واحد اسمه اسعد يضايق فيا
محمود: وانتي منين عرفتي اسمه
رهف: توا هادا يلي همك عرفت اسمه من صاحبتي قتلي اسمه
محمود: اه باهي
رهف : شن اه باهي
محمود : ﻻﻻ شي
رهف: خيرك تتعامل ببرود راهو بجديات يضايق فيا وشد ايدي تعالا بسرعه ما تعطلش
محمود : مع الولاد اني وفالبحر مش جاي فسيارتي جيت مع الوﻻد
رهف: باهي قلهم في موضوع مستعجل واكيد يعطوهالك السياره
محمود : ﻻ ما نقولهمش خﻻص انتي روحي كلمي بوك وﻻ روحي مع صاحبتك هيا بنصكر الشحن بيتم ...
رهف قعدت واقفه في مكانها تنرفزت هلبا مشت للبنات
نادين : ها شن صار .... رهف : صاحبه دار حادت وهوا معاه اصلا رد عليا صاحبه قالي محمود يسحبو منه فدم (يا عيني ع الكدب)
نادين : باهي يلي سلم محمود .... رهف : لين وين
نادين : جاها خوها وروحت ..
رهف خﻻص بتبكي حي ع الموقف كيف بتروح توا
نادين : هيا بنات اني بنروح مع بنت عمي سﻻم
رهف واسيل : سﻻم
رهف: اسيل توصليني في طريقك
اسيل : سامحيني والله بياخدوني من اهني وبنمشو لحوش جدي طول كانا هادا نوصلك ....
رهف : ﻻ عادي حبيبتي توا نكلم اي حد
اسيل : اوكي اني تلفوني يرن اكيد هما وصلو ..
رهف اتصلت بعمها احمد وجي وصلها
روحت رهف لقت محمود كيف طالع من الدوش
رهف : عاجبك يلي صار هاا
محمود: بري وتيلنا ماكله و حجات وكتري من البيتزا
رهف : لي من
محمود : لي صحابي ...... رهف : يوكلو روحهم بروحهم
محمود: ماعندهمش نساوين ﻻكن اني عندي مرا اطيب
رهف : ماعندكش مرا اطيب طالما ان ما عنديش راجل يخاف عليا من الوﻻد ...محمود شافلها وهوا متنرفز وقال ..............
يتبع