ﻻ يوجد مستحيل

.

مر سبوع محمود مسافر ورهف في حوشهم ..
مرضت ام محمود ارتفع السكر عندها ورفعوها للمستشفى ..
محمود طبعا روح طول ... وتاني يوم يجري مشي لي امه فالمستشفي طول
محمود: خوفتينا عليك يام
ام محمود: قالو مرتفع السكر وحتي ضغطي مش كويس
محمود : سﻻمتك يام
ام محمود : الله يسلمك وين رهف قداش ما استاحشتها
محمود: في حوشهم
ام محمود : جيبها نشوفها مستاحشتها يشهد الله قداش ما نحبها
محمود: ﻻﻻ فوتيها متزاعلين
ام محمود : اكيد انت الغالط
محمود: الله يعلم
ام محمود: اليوم ترضيها وتجيبهالي
محمود : خليها يام
ام محمود : ﻻﻻ جيبها عﻻش تغشش فيا توا
محمود : خﻻص حاضر
خشت الممرضة ... الممرضة: يا حاجه سكر متاعك تمام ﻻكن الضغط مرتفع وممكن توصل حتي الجلطات ﻻزم تقعدي تحت المراقبه ..
روح محمود دوش ونضم اموره ومشي لحوش رهف خش وهدرز علي بوها وهكي وبعدين نادا رهف وخﻻها بروحهم
قعمزت رهف ساكته وكانت متنرفزه مابتش حتي تشوفله .. محمود جي قعمز جنبها ...
رهف من غير ما تتلفت قتله : خليك ف مكانك بعيد
محمود: شن دخلك نبي نقعمز جنب مرتي
رهف: امم مرتك مش مرتك اني
محمود: مرتي ونص
رهف: شن جاي تبي اختصر
محمود: بنروحو هيا ..... رهف: ﻻﻻ برا روح بروحك
محمود: بناخد مرتي وبنروح . .... رهف: مش لعبه عندك اني
محمود: هيا ارجعي معاي لو مش علي خاطري علي خاطر امي مرقدينها فالمستشفي وتسال عليك ما نبيش نجلطها ونقلها انتي ما تبيش ترجعي
رهف قعدت فتره ماردتش ... محمود شدها من ايدها :هيا عاد
رهف : ابعد من عليا اني هنرجع معاك ﻻكن علي خاطر عمتي ﻻن نحبها وهيا دارت كل خير معاي مش علي خاطرك
محمود: هيا اماﻻ نروحو :-) :-) :-) :-)
رهف : مش مروحه علي خاطرك
المهم وصلو الحوش خشت رهف لي الدار ومحمود قعد فالكوجينه يدور شن ياكل بعدها مشي لي الدار لقاها مصكره بالمفتاح قعد يطق
محمود: رهف افتحي ...... رهف: ارقد برا فرشتلك فدار المعيشه
محمود: ما نبيش نرقد برا افتحي الدار
رهف : تصبح علي خير
محمود : رهف افتحي خيرك ما تفهميش نبي نرقد اهني
فتحت رهف الباب يادوب ما طلعت راسها
رهف: تصبح علي خير معاش تزعجني
محمود: نبي نرقد معاك
رهف: تحشم علي وجهك وبرا
محمود: ههه ما تفهميش غلط والله مستاحشك والله
رهف صكرت الباب طول استغربت من كلمته
رهف: خﻻص برا ارقد اني عارفه انتي جبتني علي خاطر امك
محمود: غير اقتحي بالباب بنقولك حاجه .... فتحت رهف الباب
محمود : والله جبتك علي خاطر استاحشتك وامي سبله بس استاحشت نتعارك معاك و انرفزك ههههه
........ يتبع