ﻻ يوجد مستحيل

*

ناضت الصبح اسيل كان تلفونها يرن ردت وهيا نعسانه ...
اسيل : الووو
هيتم : صباح الخير
اسيل : صباح النور
هيتم : شكلي نوضتك من نومك
اسيل : عادي مش مشكلة
هيتم :بقولك ان الوالد مريض ورافعينه لي دبي بنعاينوه واحتمال نطول واني برا
اسيل : ع الصبح اخبار مش كويسه بتعطل كم يعني
هيتم: مزال مش معروف يا حبي
اسيل : امته بتسافر حبيبي
هيتم : بعد سبوع وبنقعد كل يوم نجي ونشوف فيك
اسيل : ايه ادير معروف
هيتم : احم ما تبيش تقولي حاجة هههههه
اسيل : هههه هيا سﻻم خلي نرجع نرقد
هيتم :نحبك
اسيل: حتي اني ..... هيتم : انتي شن هههههه .... اسيل : نحبك .....هيتم : طيب فينا قلتيها ههههه .....
بعدها ناضت ومشت للجامعه كان عندهم امتحان عملي
طلعت لقت هيتم يتسنا فيها المهم مشت وهدرزو وبعدها اتصلو بيها البنات ومشتلهم وهيتم روح .....
اسيل : ها شن جاوبتو .... رهف : كويس تعتبر ...... لين : اني مش تمام امتحاني .... نادين : معقول الامتحان ..... تلفون رهف رن .... رهف : الوو ماما ....ام رهف: بوك جاي بيروح بيك .... رهف : انشاء الله خير ﻻكن عندي محاضره .... ام رهف: ﻻ خير غير تعالي ومحاضرتك اليوم معليشي توا صاحباتك يساعدوك .... وصكرت
لين: شن صاير .... رهف : بابا بيجي ما فهمت شي .... نادين : روحي وكلمينا قولينا شن صاير ...
روحت رهف .... خير يا ماما شن صاير
ام رهف : في مرا شافاتك فالعرس وجايه بتخطبك لولدها
رهف : امته صار هادا كله وأمته بيجو
ام رهف : جايين يوم الخميس
رهف : باهي مزال يومين عﻻش خليتيني نروح ضيعت محاضرتي
ام رهف: جبتك علي خاطر خالاتك جايين وبيساعدوني باش نضمو
رهف : كنتي تقدري تتصلي بالشغاله وتم
ام رهف : خالاتك قالو بنجو شن نلزهم يعني
المهم جو خالتها وضمو الحوش وبعدها دارو العشاء وروحو مع جو 9 ...رهف : خالاتي بنجيبوهم كل يوم بيتزا وشاورما ودلع طباخات
ام رهف : ايه ﻻكن لما بيجو امالي العريس بنطلبو من برا
رهف : من هوا العريس نسيت ما سالتش
ورهف انصدمت لما قتلها امها انه محمود .... الولد جي من الباب
تاني يوم في الجامعه رهف جت طارحه وطالعه طرف وفرحانه قريب اطير .... قالت لي صاحباتها علي كل شي ... لين : طلع ولد ناس واضح عليه يحبك .... نادين : شوفتي كيف وحتي هيا تحبه علي من تفوت علي بس ..... رهف : هههه خﻻص يا ودي المهم باش تجو . ..

جي اليوم يلي بتجي في ام محمود ...
رهف لبسه عادي جديا سروال اسود وفوقه تيشيرت مرسوم عليه بنت ادخن وفوقه جاكيت .... خشت اسيل : نهار احرف جاكيت ومصايب شن بتحصري اجتماع ....
رهف : مش عارفه شن نلبس الباب يطق ترا افتحي .... فتحت الباب لقتهم نادين ولين ...
نادين: خيرك ماغيرتيش لتوا هيا الجماعه لوطه
لين : تعالي نطلعلك شن تلبسي
المهم لبست سروال جينز فاتح ومعاه تيشيرت حلو ظهره مفتوح مكياج ع الخفيف وشعرها مفتوح ...
اما نزلت انصدمت شافت المرا نفسها متع العرس قعدت تفكر (معقوله كانت زابطتني من وقتها وكيف ما خطرتش علي بالي ) ..
ام محمود: مشاء الله تبارك الرحمان عليك طول وعين وزين
رهف: تسلمي عمتي هادا من دوقك ...

المهم بعد ما تم اللقاء هادا خﻻص اتفقو وقررو ان محمود بيشوفها النظره الشرعيه .... وكان الموعد بعد سبوع ...
تاني بوم فالجامعه حكت لصاحباتها كل شي صار
نادين : كان كل شي صار بسرعه وﻻ
اسيل : ﻻ هوا هداكا الولد ليه سنتين مكبد وماشي جاي عليها
رهف : لين خيرك اليوم جوك مش تمام
لين: محمد درهلي كبدي بجديات
رهف :ايه خيره
لين: مانحسش في معتمد علي روحه وما عمراش حسسني انه بيخدم علي روحه باش يجي يخطبني وﻻ هكي
رهف: ﻻ ما تشوفينيش اني واسيل راهو هيتم كبير 29 سنه واني محمود28 يعني الفرق بيناتنا كبير ﻻكن انتم هتكونو زي العصافير سنكم قريبه من بعض وهتتفاهمو اكتر
لين : انشاء الله :-(
يتبع........