ﻻ يوجد مستحيل

.

محمود : شن رايك تفوتي القرايا وتنسهرو
رهف: سهر شن غدوا جامعه
محمود: نسهرو ندورو فيلم
رهف: فكره مليحه ﻻكن تكون سهره اصليه بوشار وتشبس ودلع اهم شي دوريتوس ونحضرو فيلم
محمود: باهي اماﻻ خليني نمشي نجيب حجات محل ابراهيم يصكر 11 وانتي ديري البو شار و ديري و الشورت اهم شي هههههه
طلع محمود مشي للمحل ورهف خشت دارت البوشار و تت عصير مسقع و اميا مسقعه وخشت لي الدار طول لبستله الشورت ومعات كت خفيف وقامت شعرها ديل حصان وحطت رائحه ومشيت لي دار المعيشه حطت البوشار والحجات وفعمزت تستنا في .... شويه وخش محمود ..... قعد يشوفلها وهيا مشتله
محمود : اووو ﻻبسه الشورت
رهف: هات خلي نصب التبس والحجات في صواني برا افتح للتلفزيون توا نجيك
محمود شدها : غير وين ماشيه استني يا حليلي اني وخلاص
رهف: محمود حول احسن ما نلبس عبايه توا هههههه
محمود: حولت حولت هههههه
المهم قعدو يتفرجو علي الفيلم مع بعض اول مره يحسو انهم حق فرحانين ببعض هكي قعدو يتفرجو لين خداهم النوم ....
تاني يوم الصبح رهف ومحمود ناضو الساعه1
رهف: يا حليلي ضاعت الجامعه بسببك
محمود: يا صباح يا فتاح ع الصبح عياط
رهف: اوووف اني الغبيه يلي خديت بخاطرك
محمود: نوضي البسي امي مكلمتني امي بنتغدو عندها
رهف: ما نبيش نمشي نبيك ترفعني لي وحده من صاحباتي
محمود: نرفعك لي نباش القبور سمعتيني شن قلت وﻻ خﻻص
رهف: امس كنت كويس اصلا صعب عليك تكون كويس فتره طويله
محمود ما ردش عليها وخش دوش ....
جو الساعه2ونص محمود ورهف مشو لحوش اهل محمود اول ما وصلو لو ام محمود ومعاها مرا وبنت كانت تسقد فيهم بيروحو ...درس محمود السياره ونزل هوا ورهف سلمت رهف علي ام محمود وعلي المرأة ولما تلفتت للبنت لقتها هيا هيا حبيبه محمود قبل جي محمود سلم علي ام وعلي ام حبيبته (سابقا) وعلي حبيبته (سابقا) اسمها هبه طبعا هبه وﻻ كانت معبره محمود يعني ما كانتش تشوفله فنضرات متع استاحشتك وﻻ اني ظلمتك وﻻ ندمت ﻻن بعتك بالعكس تكلم في وتهدرز وﻻ كانه كان حبيبيها ..
علي عكس محمود يلي من اول ما شافها عيونه طلعو فيها و واضح من نضراته ان قاعد يحبها هلبا ..... رهف كانت تراقب في نضرات محمود للبنت ﻻكن امها وامه موجودين ماقدرتش تتصرف ...
بعد ما روحو رهف وام محمود ومحمود خشو لي دار المعيشه قعدو يهدرزو طلعت رهف للكوجينه قعدت سرحانه
##رهف##
اني علي من نكدب بس هوا قاعد يحبها وروحه فيها اني ما عمره شافلي زي ما يشوفلها حتي لما يقولي كلمه حلوه بعد وين ﻻزم بعدها يفسد كل شي اني ما نبيش نقعد هكي احني ﻻزم نطلقو ونتفكا من الهم نرجع لحياتي اني يلي توهمت ان يحبني وتجوزته ...
رهف من غير ما تحس خشت ام محمود لقتها تبكي ....
ام محمود: خيرك يا بنتي شن في
رهف: عمتي عندي صداع قوي هلبا والله قلقني ومافيش دواء ينفع
ام محمود : بري اتكي توا نديرلك عصير ليمون كويس يخفف
رهف: ﻻﻻ عمتي مش ضروري بري انتي تغدي
ام محمود : نتغدو وبعدين ﻻزم نديرهولك باش تتحسني
المهم تغدو وضمو الكوجينه ودار قهوه وشاهي وقعمزو محمود طول الوقت ساكت ورهف سرحانه ..
ام محمود: خيركم اللطف نكدتو عليا انتم الزوز
رهف: والله يا عمتي اليوم فاتتني الجامعه قعدت راقده
ام محمود: عادي يا بنتي انتي شاطره ويوم واحد ما ياترش
محمود: هيا نوضي رهف نوصلك نبي نمشي لي الجماعه
ام محمود : مسرع عاد اقعدو خيركم
رهف: ﻻ هوا هداكا هيا بالسﻻمه عمتي ...وطلعو
قعدو طول الطريق ساكتين لين وصلو للحوش حد رهف وطلع طول ..
رهف قعدت تفكر لي امته بيقعدو هكي رهف قالت ﻻزم نتصل بي ونتفاهم معاه ..
محمود: شن نبي
رهف: امته بتروح نبي ندوي معاك
محمود: مش مروح
رهف : انت وين اصلا
محمود : اني ................... يتبع