ﻻ يوجد مستحيل

.

مر السبوع وجي الوقت يلي بيتﻻقو في محمود ورهف ...محمود انصدم بأن رهف هيا نفسها يلي فالجامعه قعد يفكر كيف امه عرفتها ... طبعا كان لقاء بارد جدت ...
محمود : انتي منين تعرفك امي ...
..رهف : ﻻ ما تعرفنيش اه ايه مره شافتني فعرس انصدمت لما عرفت انها امك ..
محمود ما كلمش أمه علي رهف هبا عجبتها رهف وخطبتهاله ورهف تحسابه محمود ﻻن يحبها خطبها ...ﻻكن العكس محمود ﻻ يحبها وﻻ مهتم قتله امك بنخطبلك قلها باهي وخلاص .... المهم بعد ما روح خشت لقت صاحباتها كل يستنو فالاخبار عاد ﻻكن اسيل ما جتش ﻻنها كانت تقرا ....
لين : بابا فالطريق هدا كله نستنو فيك بسرعه احكي عطلتو مع بعص
رهف: الهدرزه كانت اكتر من بارده حسيته مش مهتم وكل هدرزتنا اسئله ما حسيتاش يبي يخلق موضوع باش نهدرزو ..
نادين : عادي ماهو اول مره وغريب الوضع بس
رهف : امه قالت تبي العرس بسرعه بعد امتحناتي طول
لين : وشن باديري الامتحانات بعد شهر بالزبط
رهف:ممكن نسافر السبوع الجاي نفضي للعرس ﻻن بعدها مش هنفضا بنلها بالامتحانات
نادين: وتجهيزات العرس امته بتلحقي سبوع ما يسد شي
رهف : بنمشي ناخد ليا اني توا يعني سبوع 10 ايام نقضي كل يلي نبي وبعدين نبدا شويه شويه نطلع ندير حاجه موضوع التقديم والماكله والحجات هادي امي وخالاتي يتولو بي واني نكمل امتحانات يقعدلي سبوع قبل العرس ندير مراجعه علي البرنامج كله..
لين : يﻻ علي خير هيا اني بابا برا بنروح هيا نادين باش نوصلوك
المهم بعد ما روحو رهف توقعت محمود بيتصل بيها ويهدرز عليها قعدت تستنا في لين خداها النوم .... استاقضته الصبح علي صوت اختها تنوض فيها ....
وصلت لي الجامعه وكان واضح عليها نعسانه ...
لين : ههههه عيونك منفوخات من الطبخ مع الحبيب
رهف: ما هدرزناش ﻻكن اني سهرت
نادين: غريبه احني توقعنا انكم هتهدرزو
هما يتكلمو جت اسيل .... لين : اهو جي عبقرينو ..
اسيل : رهف تعالي ياويني هيتم جاي وشكلي يخوف عيوني منفخات لين:سهرانين الباين
اسيل : امس هدرزه اني وياه لي الساعه 4 الفجر
رهف : باهي تعالي هي ....... مشت اسيل باش تشوف هيتم قداش ما كانو يهبلو مع بعض مهتم بيها ويحبها ومهتم بقرايتها ..
لين : بيجي محمود اليوم وﻻﻻ
رهف: ﻻﻻ
نادين: باديرو تلبيسه وﻻﻻ
رهف : مافيش وقت الحق امتحناتي قريب ومافيش وقت ..
رن تلفون لين ...الو ..... محمد: خير يا طير ..... لين : اهلا><
محمد : خيرك ..... لين بعدت علي صاحباتها : ﻻ شي. .
محمد: باهي .... لين: ليك تلاته ايام ما كلمتنيش وﻻ دورتني نحسابه صايره حاجه .... محمد : ﻻ ما صاير شي .... لين : باهي باهي >
محمد: خيرك انتي .... لين: ﻻ شي ....محمد : ايه شن في جديد شن صار في الايام الفاتت .... لين: ﻻ جديد حقا صاحبتي انخطبت ... محمد: باهي امته دورك .... لين قعدت تقول فخاطرها محقره بدل ما يقول عقبالنا وﻻ يسكت يقولي أمته دورك ....
لين: امته ما ربي كاتب هي مش فاضية سﻻم .
لين رجعت لي صاحباتها حست روحها مضايقه هلبا محمد مش محسسها ان حق يبيها وناوي ياخدها ....
نادين: خيرك لين شن صار .... لين: محمد هكي يتصرف طلع كيف
رهف :خيره .... لين :نحس في يكلم فيا بالجو مبسلها الحق ...... يتبع
( مافيش اي تفاعل عاد في بنوته مشجعتني وشكرا ليها هلبا علي خاطرها نكمل كل ما نلقا تفاعل اكتر انزلكم جزء اطول واحﻻ والقصه فالايام الجايه هتبدا احﻻ وشن بيصير مع البنات وبالاخص رهف!)