ﻻ يوجد مستحيل

الاخيره

رهف , هيا محمود انزل ضروري
محمود نزل معاها بلا نيه .... خشو للحوش
رهف:قعمز هي
محمود: اوووف اختصري بسرعه
رهف:غير قعمز محمود خيرك
محمود : اهو قعمزنا هيا شن تبي اختصري بسرعه
رهف:نبيك تسمعني من البدايه لي النهايه اني من اول ما تزوجنا وعندي صاحبه ديما تنصح فيا واني ناخد بي كلامها وانت مع مرور الايام بديت تلمح انك تحبني وهيا قتلي ارزني وتجاهليله
محمود: شن تبي توصليلي بالزبط وضحي
رهف: علي يلي صار امس
محمود: فوتي يلي صار امس هيا اني طالع
رهف: تبي تفوته انت يلي صار امس معناها يلي قلته انت مافيش منه
محمود: قتلك يلي صار فوتي كان جوي مليح وبديت نلبز وبعدين شن يلي همك انتي
رهف: جاوبني بي ايه او لا يلي قلته امس مزبوط ولا مش مزبوط باش نفوتك ونفوت يلي قلتهولي
محمود: علاش تبي تعرفي انتي شوفنا ردت فعلك خلاص
رهف:محمود اني حكيتلك شن صار رد عليا كلامك امس مزبوط ولالا
محمود: مزبوط هيا استريحتي هيا حولي خلي نمشي
رهف: اه ريحتني علي فكره حتي اني
محمود وقف وتلفتلها وهوا مبتسم :حتي انتي شن
رهف:حتي اني زيك زي يلي قلته انت امس
محمود: ايه مش فاهم انتي خيرك
رهف:نحبك
محمود بابتسامه عريضه :الله اكبر
رهف:سمع الله لمن حمده
محمود : هههههههههه ربنا ولك الحمد
رهف: محمود انت مش هتسافر ولا
محمود: اول شي قولي حبيبي مش محمود واكيد مش هنسافر ونخلي كبيدتي بروحها دكرتيني امي عازمتنا نتغدو عندها وتي روحك
....مشو وتغدو وكان محمود جوه مليح ويبصر ويضحك مع الكل جي ولد عمه وقعد محمود يلعب فالولد الصغير
عمه محمود : لالا محمود في شي لالا مش محمود هادا
اخت محمود : والله جيتي ع الجرح صار مش اني بس ملاحظه ههههه هادا بني ادم مش محمود ههههههه
محمود: ههههه اسكتو خيرلكم راه
عمه محمود؛ رهف تعالي شوفي حراره راجلك يضحك وتحملنا اسلوب وتحملنا لاكن ان يجي يلعب مع عيل الموضوع في شي
رهف: علاش قبل شن يدير لي الصغار
اخت محمود : يحدفهم بي يلي جنبه شبشب طاسه مالقي اي شي جنبه كلهم يخافو منه
رهف شافت علي محمود وهيا مجلوطه
عمه محمود : ما تنجلطيش ماخفيا كان اعظم
محمود : ياعمتي خلاص استري عليا عاد شهدره لا
اخت محمود : تي انتي خليتي بني ادم قبل يعيط ويضرب فالصغار ومرا يعقوب طلع لي الشارع حرقه بالولاعه وكان متعجرف مايدير في حساب لحد
محمود: هيا نوضي اقلبي وجهك عطيتك وجه
عمه محمود :رجع محمود ههههههه
محمود: تعطو عليا في فكره غلط
رهف: خوفتوني منه معاش نبي نروح معاه ههههههه
محمود وجها بدي اصفر
عمه محمود : الولد مات ههههههه
ام محمود: لالا يلي درتيه فيه يا رهف هلبا من اول ما تزوجك صب عليه الرزق وخدمته مشت وهوا تحسن مفروض تشكرها حتي ان يخدم باش يرفعها شهر عسل مليح
محمود : وووه حرقتي المفاجاه يام ماكانتش تعرف
محمود شاف لرهف وابتسمو لبعض
اخت محمود: هيييه.هييه انتو الزوز احني اهني بلا جو غراميات توا هههه
المهم بعد هدرزه طويله روحو رهف ومحمود طول الطريق يهدرزو ويضحكو

مرو الايام وزادو تعلقو ببعض وفالصيف رفعها شهر عسل سبوعين فتركيا وسبوعين في ايطاليا باش يعوضها علي شهر العسل..
اسيل اطرت ادير عرسها قبل بوقت لان خطيبها طلعتله بعته برا ..
ورهف ومحمود قعدو جبايب حلوين ومتفاهمين وعاشو سعداء ..

العبره:
مش كل شي يصير ويكون مش كويس يعني هيقعد مش كويس السعاده انت تصنعها .. الصبر وانك تحاول وتوسع بالك تقدر توصل لي يلي تبي طالما ان ربي موجود مافي شي صعب عليه.. مش كل شي مش كويس هيقعد مش كويس كلنا نقدرو نتغيرو ونطورو من انفسنا ...

انشاء الله تكون القصه عجبتكم ..