ﻻ يوجد مستحيل

.

خداها علي جنب وهوا جوه مش تمام
محمود: خيرك انتي
رهف: خيرني شن في نلعب ما درت شي
محمود: معاك وﻻد وﻻ تتحشمي وتطلعي
رهف: وﻻد عمي هادو عادي وطانا تبي تطمن العب معاي ... ومشت وسيباته ..
خش محمود لعب في الفريق يلي ضد رهف واول ما خشو بنت عم رهف عطت لي محمود الكوره ومحمود سجل ومحمود والبنت طول عاد بدو ينقزو ويطقو في خمسات ..... رهف حدفت علي راس محمود الكوره وبقصد وقعدو يضحكو عليه..... رهف: نشتك بﻻ قصد
محمود زبطها علاش وعجبه الوضع واستانس وبدي كل شويه يحدف للبنت والبنت تحدفله بعد شويه دهش وجي بطلع بنت عم رهف سالته: محمود وين ماشي
محمود: دهشت العبو انتو ... ومشي وجت وراه رهف طول شداته وقفاته ... رهف: مش كنت تنصح فيا توا انت خيرك هي
محمود شاد ضحكته: خيرني نلعب ندير في رياضه باش نقعد سمبتيك ههههه وانفجر ضحك ...
رهف كانت متنرفزه : ما تستعبطش عليا فاهم شن نحكي
محمود: انتي قلتي العب معاي وما بيتش نردك
هما يتكلمو جي عمها احمد ......نادو الباقيين وتعالو السمك واتي
رهف شدت في ايد عمها وقالت لي محمود: برا نادي الباقي اني بنمشي مع عمي ..
محمود جبد رهف من احمد وقاله : برا نادين اونهم يلعبو ... ودف رهف قدامه: ماتتربيش انتي شكله
رهف: تستاهل مش كنت تحرقلي فدمي
محمود سكت المهم كلو وغيرو جو مع المغرب روحو

محمود فالسياره سال رهف : شن قصدك لما قلتي تحرقلي فدمي
رهف: ﻻ شي
محمود: ههههه قولي قولي
رهف: تستعبط انت عارفني ندوي علي بنت عمي
محمود: هههههههه حلوه بنت عمك
رهف تنرفزت وسكتت ماردتش عليه هوا ماعمره شكرها وتوا يشكر في بنت تانيه قدامها ديما ينتقد فيها وتوا يشكر في بنت ...
روحتت رهف دوشت وخشت بترقد محمود جي فتح عليها الضي رهف عيطت: صكر الضي بنرقد
محمود: من توا
رهف: ايه من توا
محمود: خليك نسهرو
رهف: ما نبيش نسهر معاك فوتني
محمود:مضايقك اني رهف؟
رهف: كانا مامشيتش تشوف شن ندير في بنعد واحد تنين تنين ونص تلاته .... خدت صاسه ميه وبلاته ..
محمود: حي علي امها توا نوريك عبا صاسه وبلها
قعدو يضحكو نحا التيشرت متاعه وقلها : ديريلي مساج حتي اني مش عمك بس ايوه راجلك اهم
رهف: اووووف نعانيك فيك طول الوقت .....بدت رهف ادير لي محمود في مساج
محمود: الله مساجك مليح تعبان ضهري خﻻص
رهف: ايديا وجعوني خﻻص راهو
محمود : هما ايدين وشغل
رهف:شن قصدك
محمود: لبس التيشرت شي شي خلي نرقدو تصبحو علي خير
تاني يوم ناضو وهيا كانت متنرفزه منه لين خﻻص الفطراته وقبل ما يطلع قتله تعالا بعدين ﻻنها بتمشي تاخد حوايج لي الجامعه ...
اتصلت بيها نادين : يا مصيبتك يا رهف
رهف: الناس تقول السﻻم عليكم وﻻ اهﻻ وﻻ اي شي اجلطيني شن بتحكي
نادين : حصلنا صوره لي حبيبه راجلك هيا حاطتها فالانستا متعها صوره ليها وهيا في أمريكا
رهف: ابعتيهالي توا نبي نشوفها حلوه وﻻﻻ
نادين: صارووووووخ جوي البنت ملونه عيون ملونات خضر وبيضا
رهف: ايح عليا اني وخﻻص المهم ابعتيها خلي نشوفها .. . بعد ما صكرت نادين بعتت لرهف الصوره وفعﻻ البنت حلوه زي ما قالت نادين بالزبط ....
العشيه خداها محمود بتاخد حوايج نزلت رهف لي محل مكياج ونست تلفونها فالسياره ..
اول ما خشت للمحل شافت .................. يتبع
من هوا يلي شافاته ؟؟؟؟؟