ﻻ يوجد مستحيل

.

نزلت رهف طول ...ركبت فالسياره لقت محمود شاد تلفونه
رهف : خير شن في خلعتني
محمود شافلها وشاد ضحكته ....... رهف: قول شن في
محمود يكلم فيها وبيضحك : اني عندي مرض
رهف: مرض شن باسم الله وحطت ايدها علي وجها
محمود : مرض مانحبش نخش الحوش لو انتي مافيشي
رهف تنرفزت من بسالته وبدت تضرب في بي شنطتها
محمود قعد يضحك: ههههههههههه خﻻص خﻻص خليك ضد العنف
رهف: مبردك ومبسل دمك
محمود: رجعي ايدك علي وجهي ما كنا حلوين اهو
طبعا هما قاعدين مدرسين قدام حوش نادين جت رهف بتنزل صكر عليها الباب ..
رهف: محمود خيرك نبي ننزل
محمود ولع السياره وطلع : ﻻ مافيش نزول
رهف: خيرك ما تفهمش نبي ننزل انت تخطف فيا معناها
محمود: ههههه ايه بنخطفك من زيك واحد يخطفك ويمشي يعشيك
رهف: شن بتعشيني
محمود: يلي تبي انتي نعشيهولك وبعد ما تتعشي نروحو وتلبسي الشورت هداكا هههههه
رهف عطاته ضربه بالشنطه مره تانيه: سخيف هيا اني نبي شاورما
محمود:حاضر يا ابله
تعشو وبعدين روحو محمود جاه اتصال قعد يتكلم فالتلفون خش لقي رهف ادور في حاجه ..... محمود: شن ادوري فالشورت
رهف: هههه مبردك ندور فالشنطه
محمود: اني عشيتك ودرت الاتفاق ﻻكن انتي ما لبستيش الشور وفي شرط جزائ ..... رهف : محمود برا ملح مشغوله
محمود شد ايدها لوها : ههههه قولي اسفه هيا
رهف: اه اطلق ايدي توجع توا تكسرهالي محمود
محمود: بسرعه قولي اسفه
رهف : اسفه ااااااسفه اااي اطلق ايدي
محمود: ههههه شاطره .... وطلقها ..
تاني يوم محمود كان راقد جت رهف فتحت عليه الضي والروشن
محمود بعياط: خير امك عليا ماتخليش الواحد يرقد
رهف:تي مش بنزردو مع عيلتي وﻻ نسيت
محمود: حرام عليك الساعه7 ونص
رهف : يا الله نوتو روحنا احني زرادينا هكي من الصبح نمشو غادي ونديرو في سندويشات وشاهي بالنعناع ع الحطب ونتغدو غادي توا تشوف هياجه راهو زرادينا جو
ناض صلي ومشي للكوجينه لقي رهف توتي في حاجات
رهف: هيا غير ﻻزم نطلعو البس توتا
محمود: وانتي هكي بتمشي تي تحلمي (كانت ﻻبسه توته وسبيدرو
رهف: عيلتي بس يا همي
محمود: مداما عيلتك باهي خلي نمشي نغير
ركبو السياره ومحمود ماعنداش نيه يمشي ومش عاجبه لبس رهف وصلو لحوش اهل رهف وطلعو السيارتين مع بعض مشو لي قطعه كانت لي امالي رهف طبعا محمود عجباته فيها استراحتين وفيها ملعب كوره معشب ومنظم وفيها جيها زارعين فيها وفيها جها العاب صغار دراجيح وهكي .... ومحمود قاعد يتفرج علي القطعه درس السياره ولما نزل شاف هلبا سيارات استغرب
محمود:اللطف قريب 10سيارات شن كل واحد جاي في سيارتين
رهف: ﻻ هادو سيارات عمامي وعماتي
محمود: نحسابه رزده مع عليتك مش مع الشعب كله
رهف : ههههه محمود خﻻص هادو عيلتي هيا نخشو
المهم كانو الرجاله في استراحه والنساوين في استراحه فطرو وخش محمود وعم ساره احمد (يلي سافر معاها لتركيا ) خشو كملو نوووم
وقت صلاه الجمعه جو بينوضوهم ﻻكن هما في سابع حلمه مشو للصﻻه وسبيوهم ..... رهف قعدت مع عماتها وبنات عمها وسالت علي محمود قالولها ما مشاش لي الصلاه .... مشت رهف لي استراحه الرجاله لقتهم يصلو قعمزت تستنا فيهم ولما كملو محمود طول فنص في رهف وقلها: استراحه الرجاله هادي شن اديري هني
رهف: جايه بنشوف عمي واصلا مافيش راجل غريب كلهم عمامي
احمد: اسكت انت جايه لعمها هههههه
رهف قعمزت جنب أحمد : ايه جايه لعمي والله
احمد نحا التيشرت متاعه : بالله يا رهف عفسيني هههههه وﻻ ديريلي مساج ضهري واجعني هلبا الحق
رهف بدت ادير لي عمها فمساج ومحمود متنرفز لين خﻻص ما يبيش حتي يشوفلهم يشوف لي الجيها التانيه وبعدين عيط وقلهم: نوضي بري مع النساوين انتي وانت تحشم علي وجهك والبس حوايجك
احمد: هههههه خيرك هادي بنت خوي من حقي نتمسج شويه ههههه
محمود: بري مع النساوين انتي تتفرجي علي قاعده .... طلع محمود من المربوعه ....
احمد: بري شوفيه تنرفز شكله
طلعت رهف لقت محمود واقف بعيد مشتله ...
رهف: محمود خيرك
محمود: انتي ما تتحشميش علي وجهك
رهف: هادا عمي ودرتله مساج شن فيها وادوي باهي وسيباته
محمود كان مضايق قعد مقعمز تحت وحده من الشجر لين اتصلو بيه قالوله تعالى بدو يشوو ... رجع محمود للاستراحه
المهم كلو وشربو و هدرزو ومحمود عجبه جو احمد عم رهف ... محمود قعد يدور ف رهف قالوله تلعب في طايره مشي للملعب لقاها تلعب و وﻻد عمها وبنات عمها معاها ما عجباش تنرفز وكان ماشيلها شافها طاحت و واحد من وﻻد عمها مدلها ايده ونوضها وجاهم يجري محمود دف الولد ودار روحه مشغول لي رهف
محمود: انتي كويسه؟
رهف : ايه ﻻكن كتفي وجعني بس
محمود: باهي تعالي معاي نبيك

....... يتبع