ﻻ يوجد مستحيل

.

مره فتره ومحمود ورهف كأن مش مخطوبين هوا ما يتصلش بيها هلبا وهيا نفس الشي هيا كانت تتحشم منه هلبا عاد اول مره تكلم ولد وهوا هكي عنده ﻻ مبالاه ما يتصلوش ببعض الا لو بيتفقو علي حاجه من ناحيه العرس ....
سافرت رهف وبدت تقضي لعرسها وتوتي سافرت لي تركيا هيا وعمها الصغير احمد عمها كان عمره 32 وجوه مليح ...
احمد: دهشتيني عﻻش اللبس هادا كله بترحلي بيه وﻻ شن
رهف : بعد سبوع ما نلقاش ما نلبس خلي ناخد
احمد:دهشتيني هيا نمشو نتعشو ونروحو ..
مشو تعشو وروحو وتاني يوم ناضت وكالعاده مشو هيا وعمها للمول وهيا ادور لقت وحده كانت معاهم فالجامعه وتخرجت كان اسمها ريان
رهف: شن قاعده حيا يا بنت هههه
رحاب سلمت علي رهف وعمها : قاعده يا حنه مزال نستنو هههه
طبعا عم رهف قعد يشوف لي ريان و رهف زبظاته ناوي يلخبط
رهف: ايه شن ريان جايا دهواري
ريان : ﻻ جايه اني وراجلي عنده خدمه
رهف شافت لي عمها وهوا وجها تلون : هههه هيجو
ريان : وين كنتي ماشيه انتي
رهف : نقضي لعرسي شن رايك تقعدي تساعديني
ريان: ايه نتونسو اني هداكا حطني وقالي لما تكملي كلميني
احمد : هيا اني نستادن لما تكملي اتصلي بيا رهف اوكي
مشي عمها وبدت هيا وريان يشرو خشو لي محل Garage ..
ريان : خودي الشورتات هادوم تلقيهم زي الرحمه
رهف : نهار احرف هاد قصار بكل هادو دوريلي وحدات حتي فوق الركبه بشويه مش هادو ..
ريان : هههه عينك هادو حلوات ويطلعوك حلوه و فالنو يبدو مﻻح هههه وبعدين خيرك متحشمه يعني راجلك عادي ..
رهف: ﻻ ما نقدرش فوتيهم
ريان : ضمي فمك وخودي واهو ركبتلك عليهم تيشرتات خفاف ..

المهم مشو وقضو وخدو كل شي.... قعدو بالزبط 8 ايام في تركيا ومن اول روحت بدت تقرا للامتحانات طول الوقت قرايا ..

وبدو الامتحانات وكان ضغط كبير عليهم كلهم الا اسيل ﻻن حافظه المنهج من كتر القرايا.... تمو الامتحانات وبدي ضغط تاني بالنسبة لي رهف بدت تجهز لي عرسها......
ﻻكن يلي صار بعد زواجها حاجة هيا ما كانتش متوقعتها ...........
شن يلي صار بعد زواج رهف ومحمود ؟

..... يتبع