ﻻ يوجد مستحيل

.

رهف: في حاجه ﻻزم نديرها اصبر
محمود : حاجه شن اللطف ههههه
رهف جابت التلفون وصورت مكان الحرقه
محمود: شن اديري مش فاهم
رهف: ماهو لما تنرفزني نتفرح عليها ونبرد
محمود شدها من ايدها : باهي اصبري توا خلي اني ندير حاجه تبرد علي قلبي هههه
رهف: ﻻﻻﻻ اطلقني محمود
محمود: سامحتك
رهف: باهي شن رايك ترفعني ناخد صبغه
محمود : وعﻻش شن اديري بيها شعر مليح
رهف: شن بندير بيها يعني اكيد بنطيب بيعا العشي
محمود : متعشي برا هي هههههههه
رهف: شني ﻻ عاد اني اليوم بنعزمك وبنديرلك كيكه بارده
محمود: اوووو عرض مغري خﻻص بنجي قبلت العزومه ﻻكن اهو في كيكه بارده قدامي خلي ندوق ترا
رهف: محمود معاش تعضني ﻻن تقعد زرقه تبي من يعضك انت
محمود شد روحه شويه وبعدين قعد يضحك معاش سكت
رهف: خيرك محمود
محمود: ﻻ شي ههههههههه
رهف: برا لخدمتك
محمود: اصلا طالع
طلع محمود ولما رجع لقاها راقده في سابع حلمه .....

جي اليوم يلي اهل محمد بيخطبو في لين..
ناضت لين الصبح فطرت وطبعا ضمو الحوش وبدو يوتو في الضيافه وهكي مع الساعه 3 ونص مشت للمزين .... شعرها قصاته ونضمت حواجبها ودارتلها مكياج بسيط جداً ومع 5 ونص روحو
لقت اسيل ونادين يستنو فيها ....قعدو يهدرزو لين جت الساعه 6 ونص ....خشت لبست وقفطانها كان اسود دانتيل كم طويل وضهره مفتوح والقفطان فوق الركبه بشويه ..
بعد ماطلعت .... اسيل : الله تهبلي خلي نكلم امك تجي تبخرك
لين : خايفه تعرفو وبعدين الحماره رهف وين
نادين : كلمناها قالت هيا فالمزينه وتستنا في محمود يجيها وبيجيبها اهني طول ...
بعدها بنص ساعه خشت رهف ...
نادين : غيرتي صبغتك تاني
اسيل : بدت شقره البنت ههههههه
لين : مليح طالع مع لون عيونها
نادين : ايه عﻻش ﻻ علي خاطر محمود هههههه
اسيل: ايه بالله وهما زي توم وجيري امته بتحبو بعض
رهف: تعرفو يا بنات شكلنا بدينا نحبو بعض شويه ههههه
نادين : انتو اغرب متزوجين الحق ههههههه
لين: لو جي يوم واعترفلك بحبه ردي بالك تقوليله حتي اني نحب طول حاولي تغيري الموضوع يشوف روحه عليك راهو
رهف: هههههه علاش نتجاهله وﻻ نغير الموضوع حتي اللحظه السعيده نضيعها
لين : ههههه تتعوض ما تخافيش ..... هما يهدرزو خشت امها قتلعا اطلعي لي الجماعه ....
لين شافت لي صاحباتها وهيا خايفه
اسيل : هيا توكلي علي الله شويه ونطلعو ...
بعد ما طلعت وشافوها وهكي خشت غيرت القفطان ﻻن محمد بيخش يلبسها لبسه قفطان طويل رقبته مش مفتوحه وفوقه جاكيت ..
وخش محمد ♥♥♥ لبسها الدبله وباس ايدها ولبساته الدبله وبعدين جابلها سلسله هديه لبسهالها وقطعو الطورطه مع بعض ..هما يقطعو فالطورطه لين وشوشت لي محمد : انت ما تمشيش الا بالعين الحمره
محمد قعد يضحك ..... المهو فاتت الليله حلوه علي الكل ..
محمود جي روح برهف وطبعا هوا مش شايف اللوك الجديد خداها من المزين لي حوش لين طول .... اول ما نحت رهف العبايه والوشاح قعد يشوفها وﻻ كلمه ﻻ
رهف: حفله الخطوبه كانت تجنن ولين ومحمد يهبلو ربي يهنيهم
محمود: انتي اليوم عندك زوز حفلات خطوبه
رهف : زوز شن محمود مش فاهمه ؟؟؟
....... يتبع