ﻻ يوجد مستحيل

.

محمود: هيا رهف مش هناكلك عاد
رهف : باهي خش اووف ... خشو رقدو
تاني يوم الصبح ناضت رهف بكري وتت شويه حاجات رفعتهم معاها لي ام محمود .... طبعا ام محمود فرحت بي رهف لين خﻻص ..
محمود جي قعمز جنب رهف .... رهف نخصاته : حول من جنبي
محمود : مش محول حر اني
ام محمود : ههههه شن تقولو فالاسرار
محمود: ههه هيا طلع شن قالت
رهف: كداب يا عمتي نقول شن قتلك ؟؟
محمود: اسس خﻻص هههه
رن تلفون رهف لقتها نادين صاحبتها ردت ...
رهف: اهلا نادين شن الجو
نادين : مليح شن جوك اني
رهف : ماشيه الامور اهو
نادين: عرفت معلومات علي راجلك .... رهف شافت لي محمود ولقاته يشوفلها .. ناضت طلعت برا للمر
رهف: ايه وشن عرفتي قولي بسرعه
نادين: محمود كان يحب وحده وكانو بيتزوجو ﻻكن هيا باعاته وتجوزت واحد عايش برا في امريكا وكان محمود مكبد عليها هلبا وتقربله هيا
رهف: واني نقوووووول اوكي خﻻص تمام توا نعرف كيف نتصرف ... هيا تلفتت وشافت محمود جاي تجاهلاته ومشت .... جاها طول
محمود: خيرك طلعتي تجري من يلي اتصل
رهف : عﻻش تسال ......... محمود : عادي يعني
رهف: صاحبي هادا ..... محمود شدها من ايدها: شن قلتي
رهف: يا ودي نبصر مش سمعتني قلت نادين ... ومشيت رهف
طبعا محمود كان يدور في سبله باش يدوي معاها وهكي
وقبل ما يرجعو للغرفه شدها .... محمود: اسمعي شن رايك امي تجب عندنا تغير جو ..... رهف : عﻻش ﻻ عادي
محمود: وﻻ شن رايك نمشي اني وانتي وهيا لتونس ...
رهف ادكراته كيف سافر وشافتله بتحقير وقتله : برا بروحك انت وامك او تبي .... وهيا تتكلم اتصلت لين بعدت علي محمود وردت
رهف: انقضتيني كنت بنقتل محمود يبينا نمشو مع امه لتونس باش يحسبها عليها سفره وشهر عسل
لين : المخلوف هادا فضيع حقير بشكل ﻻكن اني جايبتلك معلومات مش كويسات عليه نادين عندي وتوا كلمتنا وحده زادت حابت معلومات قلنا خلي نقولولك طول ...
رهف : ادوي بسرعه نا تخلعينيش
لين: محمود مش كان مكبد علي وحده وهيا فاتاته وتجوزت واحد عايش برا البنت هديكا اول شي تقربله وتاني شي هيا مش في امريكا توا هيا اهني من بدايه الصيف
رهف: شن تقولي انتي واااك نتخيل لو نتلاقو وﻻ حاجه والله يجري ورا البنت ومايديرلي حساب هادا نتوقع منه اي شي بنحاول نفتح الموضوع معاه باش ماياخدش راحته ..
لين : شوفيله صرفه المهم ردي بالك .... بعد ما صكرو رهف زادت همومها ...رجعت للغرفه لقتهم يوتو في روحهم وبيطلعو ركبو السياره طول الطريق رهف سرحانه تفكر ... شن بيصير لو محمود شاف البنت هل بيزيد يحقر رهف هل بيزيد يعاملها مش كويس هل بيحاول يتقرب من البنت من غير اي حساب لرهف ...
قعدت تفكر بينها وبين نفسها ( عﻻش حبيته الحقير هادا يا ريتني ما تجوزته كيف نحب واحد زيه جتي احترام مش محترمني مصلحجي مش معبرني اصلا اه اني يلزمني نطلق وخﻻص قبل ما تصير مشاكل)....
وصلو للحوش رهف فرشت لي ام محمود الصاله وام محمود رقدت طول .. خشت رهف لي الدار لقت محمود ... خشت دارت روحها متحاهلاته خدت حوايجها وجت بتطلع للحمام ....ناداها محمود: رهف وين ماشيه ......ردت عليه من غير حتي ما تشوفله : ماشيه بنغير
محمود: اني راجلك يا مهبوله هههه .....
رهف: اممم وبادن الله معاش مطول
محمود ناض فزع من مكانه : شن قصدك ؟؟؟؟؟؟؟