إختباء الديجور.
.
ورغم تعب ألبيرت اللي تمسك بالجدار بسبب دواره
بدأ ديجور بالتلفت بخوف من اللي حوله ليطلع مسرع تارك ألبيرت خلفه
توجه بلا شعور لمكاتب الدكاتره باحث عن دُجى
وكأن اللي حوله كلهم يناظرونه برعب رغم استغراب الجميع من خوفه وخطواته السريعه
الى ان وصل لمكتب دُجى اللي وقف بصدمه اول ماشافه
دُجى:ديجور!!
إختبئ ديجور خلفه وجسده بكامله يرجف
دُجى:احتضن ذراعه اللي محاوطته-شفيك؟ احد سوى لك شي؟
ديجور:وكان صعب جداً محاوله تمالكه لأعصابه ورجفته-شافوني كلهم سحب كابي وشافوني
دُجى:وعقد حواجبه والتفت لديجور-من اللي سحبه وعلى اي اساس يسحبه؟
ديجور:دكتور الماده
دُجى:تنهد وقفل الباب واقترب ليشيل كمام ديجور-خذ نفس عميق محد بيشوفك هنا
أخذ ديجور نفس عميق تحت نظرات دُجى اللي ابتسم واقترب ليمسح دموعه-شكلك حلو ولطيف والله
ديجور:اخذ كابي الجديد
دُجى:بجيب لك غيره
ديجور:لا أبي هذا
دُجى:انزين شسم اللي يعطيك الماده؟
ديجور:ماعرف
دُجى:طيب أوصف لي شكله
ديجور: وعقد حواجبه وبدأ يتذكر ملامحه بسبب عدم تدقيقه-كان لابس كاب وشعره خفيف و خشمه ينزف اتوقع انه مريض ب....
دُجى:وسع عيونه بصدمه-وين مكانه؟
ديجور:بقاعه.....
دُجى:وفتح الباب مُتناسي ديجور اللي بدون كمام او اي شي يغطي وجهه
.
ركض دُجى ليوصل ل ألبيرت الدايخ وبجانبه إحدى الطلاب يحاول مساعدته
دُجى:اقترب منه-كان باين انك تعبان ليش تعاندني؟
ألبيرت:تنهد وخبئ وجهه بصدر دُجى-تقدر ترجعني البيت؟
دُجى:سند جسد ألبيرت-اشيلك؟
ألبيرت:والتفت للطالب الموجود-لا طبعاً
...:اذا تبي مساعده بسندك معه
سند دُجى ألبيرت مع مساعدته وقبل يطلع جات عينه على كاب ديجور الطايح بالأرض لكن ماقدر يترك ألبيرت التعبان ليجيبه
توجهو للمكتب الهادي وتفاجئ دُجى لعدم وجود ديجور
دُجى:وتلفت بخوف-وين راح؟؟
ألبيرت:اللي جلس بتعب بعد ماوقف نزيف أنفه-مين؟
دُجى:تنهد لفكره انه تركه ناسي الباب مفتوح وبلا شعور نطق-اخاف يكون تعب هو بعد يالله مو ناقصني
عقد ألبيرت حواجبه لكن انتبه لشخص مختبئ تحت مكتبه
ألبيرت:شهق بخوف ووقف ليسقط على الأرض بسبب دوخته وصدمته لوجود شخص تحت مكتبه
