إختباء الديجور.
.
تثاقل جسد ديجور بين يدين دُجى اللي اغلق الباب ومشى للبيت لكن تفاجئ لوجود سيارة امام منزلهم
وقبل يقترب نزل كرسي ديجور ليخبئه
نزل وانتبه للشخص صاحب الشعر الأسود والعيون الزرقاء
دُجى:شجايبك هنا؟
...: في شخص يقابل ابوه كذا؟
دُجى: أب؟ سمعت عن هالكلمة بس ما اعرف ايش معناها
اقترب والده ساحب دُجى بقوه-لاتكثر كلام وين ديجور؟
دُجى: رفع يده ليضم وجه والده- ليش تذكرته لحاله؟
والده: وعقد حواجبه لتصرفات دُجى-
دُجى: ديجور ماراح يطلع من هالبيت تبغى تزوره ماراح امنعك لكن ماراح يطلع من هنا
والده: ماراح اخليه مع هذي المجنونه ببيت واحد و...
دُجى: اقترب اكثر مقاطعه- يمكن اكون انا كمان مجنون وادمر كل شخص يقترب لأمي وديجور
والده: ارتفعت يده صافعه خد ديجور بقوه- انت كيف تكلمني كذا؟
دُجى: ارتفعت يده متحسسه حراره خده- ليش متى كنت اب عشان اكلمك زي ماتبي؟ متى سألت عني وعن ديجور؟ هالمجنونه مين اللي اذاها لين وصلت لهالمستوى؟
والده: ليش واثق بنفسك كذا روح اسألها انا ليش اذيتها، وقبل تسأل هذا السؤال لاتنسى تسأل اذا اصلاً ديجور...
دُجى: دف والده بقوه مبعده بصوت مرتفع وكأنه مايبي يعرف الحقيقة- وريني عرض اكتافك ولا اشوف وجهك هنا ثاني
تراجع والده ومشى بخطوات بطيئه بجانب السيارة لامح جسد ديجور النحيل
وقبل يقترب وقف دُجى أمام باب السيارة
دُجى: ماراح تاخذه الا على جثتي
والده: همس مقشعر جسد دُجى- انتبه ممكن ينفذ صبري ويجي اليوم اللي تكون فيه جثه
وقف دُجى مكانه الى ان اختفى من أمامه
ليستند رأسه على نافذه السياره هامس- وتسألني ليش يا ديجور؟
فتح الباب ليحمل جسد ديجور لامح دمعته العالقه بين رموشه
توجه للبيت لتستقبله والدته
أمه: تعب؟
دُجى: تنهد-لا
أمه: اجل شفيه!
دُجى: ولاشي
امه: دُجى واضح انك تمر بوقت صعب لكن ديجور ماله ذنب ب...
دُجى: صرخ بصوت مُرتفع صدم والدته واجبرها على الصمت- اذا ماتفهمي تفكيري لاتتهميني
كل اللي ابيه اني احميه حتى لو كان غصب عنه وانجبرت اكرهه فيني
أمه: اقتربت لتضمه لصدرها- لاتسوي شي أكبر منك لجل لاتتأذى
دُجى: تنهد وقبل يحتضن والدته سمع صوت الباب وتراجعت والدته لتفتحه
أم دُجى: فتحت الباب ليظهر لها شخص قصير القامة بملامح باهته-مين أنت؟
