إختباء الديجور.
.
صرخ بصوت عالي هَوى:انت مجنون؟
طلع بعدها ديجور من الغرفة وعيونه توسطت عيون دُجى اللي كان واضح عليه الغضب
وقبل يتقدم لديجور اللي تراجع وقفته يد مُلهم-يمكن تكون دكتوري ومقدر امد يدي عليك لكن هذا مايعني اني ماراح امنعك
دُجى: نفض يد مُلهم-توقعتك ادمي داري ان ديجور عنده رهاب وشفت خوفه اذا احد شاف وجهه وانت تظهره للملئ؟
ديجور: دُجى مُلهم ماله دخل
دُجى: انت اسكت
ديجور: تقدم وسحب ذراع دُجى للخارج مُبتعد عن انظارهم تحت قطرات المطر
دُجى: اشوفك طالع ووجهك مو عائق؟
ديجور: وكانت عيونه تتأمل دُجى الغاضب
دُجى: ديجور انا قاعد اتك....
تقدم ديجور حاضن دُجى بلا مُقدمات
دُجى: ارتفعت يدينه بلا شعور لتشده-صاير معك شي؟
ديجور: شفت ابوي اليوم
دُجى: توسعت عيونه بصدمه- رحت معه؟
ديجور: كان يوريني البيت وكان مُلهم معي
دُجى: مُلهم ابن ال...
ديجور: حاول يمنعني انا اللي رحت
دُجى: وعجبك البيت خلاص؟ بتروح معه؟
ديجور: دُجى
دُجى: ارتخت ملامحه وعيونه توسطت عيون ديجور
ديجور: حياة مو امي؟
دُجى: وسحب ديجور بقوه-هو قالك كذا؟
ديجور: امي توف...
دُجى: تتوقع لو ما امي اخذتك بتكون بذاك البيت الكبير؟ ليش ماقال لك انها اخذتك من الجوع والاهمال اللي كنت فيه و...
ديجور: ورغم سوء توقعاته كانت حقيقه كلام دُجى مؤلمة- اسكت مابغا اسمع شي
دُجى: ماراح اسكت دامك سمعت من طرفه اسمع من طرفي
ديجور: رفع عيونه لمستوى عيون دُجى-ليش تدافع عنها؟
دُجى: لأنها امي
ديجور: وانا هذا ابوي
دُجى: رفع شعر ديجور المبلل من المطر- وابوي بعد لكني اقولك اللي ص.....
ديجور: انت متأكد انه ابوك؟
تراجع دُجى وكأن سؤال ديجور سقط على قلبه وكأنه زعزع يقينه بوالده بشك- هو قالك شي عني؟
ديجور: ولا جاب طاريك
دُجى: وانحنى بملامح وضح فيها كسرته- ليش قلت كذا؟
ديجور: السؤال ليش ماجاب طاريك؟ ليش ماحاول يرجعك له؟ ليش ماحاول يسأل عنك؟ ولا دور عليك؟ مو ممكن انتو الكذابين؟ مخبيين علي اشياء كثير مو يمكن في شي ثاني؟
دُجى: تنهد اول مالمح مُلهم واقف بعيد بتردد من التقدم اكثر وهمس-نتفاهم بالبيت؟
ديجور: لا
دُجى: ديجور لاتعاند انا ادري انك انصدمت وادري انك دايم تشك فيها بس انت عارف اننا نحبك و دايم معك
ديجور: رغم ان عمري ماحسيتها تحبني انت بعد ماقمت اثق فيك
دُجى: ومسك كف ديجور- عمري ماخيبت ظنك اوثق فيني بس هالمره وتعال اسمع
ديجور: ونفض يد دُجى-لكنك خيبت ظني
.
