إختباء الديجور.
.
ضم جسده تحت نظره ألبيرت المصدومه محاول تخبئه وجهه وجسده وبدأ يردد بصوت مرتفع-لاتشوفني لاتشوفني....
اقترب دُجى وانحنى لمستوى ديجور-بخليه يغمض عيونه اطلع
ديجور:وكان متجاهل دُجى تماماً
دُجى:التفت لألبيرت-تقدر تعطيه ظهرك وتغمض عيونك؟
نفذ ألبيرت طلبه بدون مناقشات رغم استغرابه
دُجى:قوم مافي احد بيشوفك خليته يغمض
تجاهُل ديجور لدُجى لأول مره أثبت له انه زعل منه وهالشي أنب ضميره- انا أسف ديجور مااقصد اني اطلع واترك الباب مفتوح
رفع ديجور رأسه-نسيتني؟
دُجى:تنهد-لا مانسيتك لكن توترت وألبير تعبان وخفت..
ديجور:خفت عليه ونسيتني؟
دُجى:اقترب ليمسح على شعر ديجور-اعتذر منك
ديجور:جيب كابي وبسامحك
دُجى:ابشر قوم الحين والبس كمامك
طلع ديجور وعيونه تراقب ألبيرت اللي خايف انه يشوفه ولبس كمامه
دُجى:اقترب لألبيرت سانده ليوقف من جديد
ألبيرت:وعيونه كانت تراقب ديجور بصمت وهالشي وتر ديجور
دُجى:همس-لاتناظره
ألبيرت:وليش؟
دُجى:بعدين أقولك
ألبيرت:الحين
دُجى:قلت بعدين
ألبيرت:وتنرفز من تجاهل دُجى-ومين انت لجل تتأمر علي؟
التفت دُجى لألبيرت اللي ماكان يفصلهم الا القليل
دُجى:مين أنا؟
ابتعد ألبيرت ساحب شنطته رغم تعبه وطلع تارك دُجى خلفه
ديجور:لمح حزن دُجى-من هذا؟
دُجى:رسم طيف ابتسامه لديجور اللي كلمه-ألبيرت
ديجور:تحبه؟
دُجى:تجاهل سؤال ديجور-عندك محاضرات غير هذي؟
ديجور: لا وتراني ماسامحتك عشان تسولف معي
دُجى:جمع اغراضه- تعال نشوف كابك ونرجع البيت
ديجور:اعتقد انك ماخلصت
دُجى:ابتسم ساحب ذراع ديجور-ماحب اعطي محاضرات اذا تعكر مزاجي
ديجور:وعيونه كانت تراقب دُجى اللي يحاول يخفي حزنه خلف ابتسامته كالعاده-
لكن وقف دُجى بصدمه لما انتبه لاختفاء الكاب وبدأ يتلفت-انا متأكد اني شفته هنا
ديجور:ولما شفته ليش ماجبته؟
وقف دُجى بصدمه أمام ديجور اللي عيونه كانت تحرقه بسؤالها
ديجور:نسيتني؟
دُجى:عجز عن الإجابه لذا فضل الصمت على اعذاره الغير مُقنعه لديجور
ديجور: تراجع لكن سبقته يد دُجى اللي نفضها ديجور اول مالمسته
دُجى:تنهد- خلينا نتفاهم بالبيت طيب؟
