إختباء الديجور.
.
أمه:ومشت خلف دُجى اللي شايل ديجور لغرفته وحطه على سريره-نسيت اذكره بعلاجاته شكله جاته نوباته
التفت دُجى لوالدته بنظره غاضبه اجبرتها على الصمت
امه: ومسكت كف دُجى بتأنيب-والله نسيت
دُجى: مانسيتي تدوري وراه ولا نسيتي ترمي لحافه ولا اوراقه ولا نسيتي تغيري كل شي بالغرفه لكنك نسيتي تعطيه العلاج؟ انت خايفه عليه وتبيه يتحسن ولا تنبشي عشان تعرفي السبب بس؟
امه:وكان غضب دُجى نادر تماماً يظهر لها-بغسل لحافه واعطيه له وبسوي له اكل وانتظره يقوم، بعطيه علاجاته كل يوم بنفسي بس لاتزعل انت بعد مني
دُجى: ورمى جمله اثقلت قلب امه-تدري؟ عمري ماعتبرتك امي من كثر ماتتصرفي زي الأطفال ولا عندك حس المسؤوليه حتى وانت عارفه ان ديجور حاول ينتحر لعده مرات
ترك دُجى البيت من جديد وبلا شعور ركب سيارته وهو مايعرف وين يروح لكن يبي يبعد بقدر مايستطيع
.
"وأنا لا أخشى عتابي بل انقطاعه، ولا أقلق بشأن غضبي إنما من تراكمه، ولا أخاف من الآخرين بل من نفسي".
.
وقف دُجى امام منزل شخص كان يملك كل شعوره
دق الباب عده مرات وهو يتمنى ان الباب ماينفتح ويبان ضعفه بهالوقت تحديداً
وقبل تتراجع خطواته انفتح الباب لشخص كان واضح من لبسه انه على وشك النوم
ألبيرت:بقهر بان بنبرته-شجابك؟
دُجى:تأمل تفاصيل جسد ألبيرت الصغير تحت قميصه الأبيض الطويل لثواني قبل يدفه مبعده عن الباب ويدخل-لازم يكون في سبب عشان اجيلك؟
ألبيرت: يعني مو جاي تعتذر على السخيف اللي كان معك وقاعد تهتم فيه لدرجه انك تتجاهلني عشان شعوره؟
دُجى: الشخص السخيف اللي مو عاجبك اكون انا وهو اخوان
عقد ألبيرت حواجه-وليش ماتتكلم وتخليني بهالغباء
دُجى: اقترب من ألبيرت اللي توتر رامي جسده بين يدينه-شفيك؟
دُجى:ماقدر اتكلم قدامه
ألبيرت:ارتفعت يده حاضنه جسد دُجى اول ماحس بحزنه-ليش؟
دُجى:تراجع وجلس ب اقرب مكان-لأنه تعبان يعاني من اكتئاب وهلوسات ومتلازمه كواسيمودو
ألبيرت:جلس امامه مراقب اصابع دُجى الراجفه بسبب غضبه اللي كابحه-ايش متلازمه كواسيمودو؟
دُجى: وسواس قهري بأنه مشوه وبشع ويخاف احد يشوفه
ألبيرت:لكني شفته وكان مافيه شي
دُجى: لأن هالشي مايشوفه غيره، ورده فعلك اليوم وخوفك اثبت له انه مشوه فعلاً
ألبيرت:احمر وجهه ب احراج-اعتذر لكنه خوفني ماتوقعت احد يتخبى بمكتبي....
دُجى:اعرف انك ماخفت من مظهره لأن شكله مافيه شي
اقترب ألبيرت ليحتضن أصابع دُجى بكفه-لاتتحمل فوق طاقتك
دُجى:توسطت عيونه عيون ألبيرت- ماني متحمل فوق طاقتي لكن انا الشخص الوحيد اللي ديجور واثق فيه للأن وحسيت اليوم اني خذلته لما تركته ونسيت حالته وضيعت كابه
.
