ရှောင်းကျန့် သူ့ဦးလေးနဲ့စကားပြောပြီးတဲ့နောက်အချိန်ကာလတစ်ပတ်ကိုကြာသွားပြီဖြစ်သည်။
ပြီးခဲ့တဲ့ရက်တွေအတွင်းမှာ ဦးလေးကျန်းနဲ့ယန်လီတို့အကြောင်းကိုသူစဉ်းစားမိခဲ့သည်။ဒီနေ့မှာ သူနောက်ဆုံး ဆုံးဖြတ်ချက်ကိုချခဲ့ပြီဖြစ်သည်။ဒီကမ်းလှမ်းမှုကိုသူလက်ခံလိုက်တော့မည်။
"ဦးလေးကျန်းပြောတာမှန်တယ် ... ဒါ ငါ့အတွက်ဖြစ်နိုင်တယ်" ရှောင်းကျန့်တွေးမိနေသည်။
ဒါတွေပြီးရင် သူ့ဘ၀တစ်ခုလုံးလုံး၀ပြောင်းလဲသွားမှာသူသိပါသည်။ ဒါပေမယ့် ဒါတွေအားလုံးကိုရင်ဆိုင်ဖို့ သူအဆင်သင့်ဖြစ်နေပြီဖြစ်သည်။
ဒီအပြောင်းအလဲတွက်လည်းသူအဆင်သင့်ဖြစ်နေပြီ ဘာဖြစ်လို့လည်းဆိုတော့ သူ့ကိုချစ်တဲ့သူတွေကသူ့အနားမှာအမြဲတမ်းအားပေးနေလို့ဖြစ်သည်။
ရှောင်းကျန့်သူ့ဖုန်းကိုယူပြီး နံပါတ်တစ်ခုကိုခေါ်လိုက်သည်။
တတိယအကြိမ်မြောက်ဖုန်းမြည်သံကြားပြီးတော့ တစ်ဖက်ကနေရွှင်ပျတဲ့အသံတစ်ခုကိုကြားလိုက်ရသည်။"Hello ရှောင်းကျန့် , နေကောင်းရဲ့လား?" မော့လောင်ရှီးကစိတ်လှုပ်ရှားစွာပြောလေသည်။
"Hi, လောင်ရှီး ... ကျွန်တော်နေကောင်းပါတယ် ... လောင်ရှီးရော"
"လောင်ရှီးလည်းနေကောင်းပါတယ်"
"လောင်ရှီး ... ကျွန်တော် ...ကျွန်တော်ဆုံးဖြတ်ချက်ချပြီးပြီလို့ထင်တယ် ..." သူအရမ်းစိတ်လှုပ်ရှားနေတော့ ရှောင်းကျန့်ဘာပြောရမလဲမသိနေဘူး။
"အိုး တကယ်လား?? ဒါဆို ..... ဘယ်လိုဆုံးဖြတ်ထားလဲ?" သူမကမေးသည်။
မော့လောင်ရှီးက ရှောင်းကျန့်ဆီကသတင်းကောင်းကိုအစောကြီးကတည်းကမျှော်လင့်ထားပေမယ့် ဒီကောင်လေးကိုယ်တိုင်ပြောတာကိုသူမကြားချင်သည်။"ကျွန်တော် ကမ်းလှမ်းချက်ကိုလက်ခံဖို့ဆုံးဖြတ်လိုက်ပါတယ်"
"အမလေး ... ကျေးဇူးအများကြီးတင်ပါတယ် ရှောင်းကျန့် ...ကျေးဇူးအများကြီးတင်ပါတယ်" မော့လောင်ရှီးကအော်လို့ပြောလေသည်။
YOU ARE READING
The Only One For Me (Myanmar Translation)
Romanceအေးစက်စက်ပုံစံနဲ့လူတွေနဲ့ထိတွေ့ဆက်ဆံရမှာမကြိုက်တဲ့ အဆိုတော်သရုပ်ဆောင် ၀မ်ရိပေါ် .. လူတွေကိုအလွယ်တကူမယုံကြည်တတ်တာမို့လူတွေနဲ့အကွာအဝေးထားပြီးဆက်ဆံတတ်တယ် ... သူအိပ်မက်တစ်ခုတည်းကိုစွဲပြီးမက်နေတာတစ်နှစ်နီးပါးရှိပြီ ... အဲဒီအိပ်မက်ထဲမှာလည်းသူမှတ်မိတာက "ဝေ...