[Unicode]
ကျောင်းချီ မြေအောက်ခန်းဆီ သွားခဲ့စဉ်တည်းက ဓာတ်ပုံအယ်လ်ဘမ်ကို မြင်ပြီးပြီဖြစ်သော်ငြား နှစ်ယောက်သား ထိုဓာတ်ပုံများကိုတူတူကြည့်ရသည့် ခံစားချက်ကတော့ လုံးဝကို ကွာခြားလွန်းနေခဲ့သေးသည်။ ယခု ထိုစဉ်က ကင်မရာမန်းဖြစ်ခဲ့သော ယခုလက်ရှိသူ့ခင်ပွန်းကိုလည်း ဘေးတွင်ထားကာ ရိုက်နိုင်ပြီ။
အမျိုးသားနှစ်ယောက် ပင်မအိပ်ခန်း၏ အိပ်ရာကြီးပေါ်တွင် ဘေးချင်းကပ်ယှဉ်လှဲကာ ဓာတ်ပုံများကို တစ်ပုံချင်းစီကြည့်ရှုနေခဲ့သည်။
အချို့ဓာတ်ပုံရိုက်ချက်များမှာ လှပလွန်းသည်။ ရှပ်အင်္ကျီဖြူဖြင့် လူငယ်လေးကျောင်းယန်မှာ စိမ်းလန်းစိုပြည်လှသော ပရုတ်သစ်ပင်အောက် မတ်တပ်ရပ်နေပြီး သစ်ကိုင်းပေါ်တွင် ထိုင်နေသော လိမ္မော်ရောင်ကြောင်ကလေးကို မော့ကြည့်နေသည်။ သူနှင့်ကြောင်ကလေးပေါ် နေရောင်ခြည်က ဖြာကျနေပြီး ရွှေအိုရောင်သမ်းနေ၍ နတ်သမီးပုံပြင်ထဲရှိ မင်းသားတစ်ပါးနှင့် နတ်သူငယ်ကြားမှ တွေ့ဆုံမှုအတိုင်းပင်။
အချို့ကတော့ ဘတ်စကတ်ဘောကွင်းတွင် ရိုက်ခဲ့သည့် ရိုက်ချက်လိုမျိုး အလျင်စလို လျှပ်တစ်ပြတ်ရိုက်ထားခဲ့တာ သိသာလှသည်။ ကျောင်းချီမှာ လျင်မြန်လွန်းစွာ ပြေးနေခဲ့၍ တစ်ကိုယ်လုံးမှာ ပုံရိပ်ယောင်အရိပ်အတိုင်းပင်။ ဘေးတွင်တော့ မိန်းကလေးများမှာ ရှက်သွေးဖြာလျက် အားပေးနေကြသည်။
နေက်တစ်ပုံကတော့ ကျောင်းသူတစ်ယောက် ပွဲချိန်တစ်ဝက် နားနေချိန်အတွင်း ကျောင်းချီကို ဓာတ်ဆားရည်ဘူး ပေးနေသော်လည်း ကျောင်းချီက လက်ယမ်းပြရင်း ငြင်းနေသည့် ဓာတ်ပုံဖြစ်သည်။ မိန်းကလေး၏ မျက်နှာမှာ "ဝက်ခေါင်း" ဆိုသော စုတ်ချက်များနှင့် အမှတ်အသားပြုခံထားရံ၏။
[T/N: တရုတ်လို အရူး၊ မိုက်မဲသော အဓိပ္ပါယ်ပါ]ထို့ကြောင့် ကျောင်းချီ သူမ မူလပုံစံကိုတောင် မမြင်နိုင်တော့ပေ။
"ဘာလို့ သူ့မျက်နှာပေါ် "ဝက်ခေါင်း" လို့ရေးရတာလဲ"
"သူက ရုပ်ဆိုးလွန်းတာကိုး၊ ကိုယ် သူ့ကိုကြည့်တိုင်း မျက်လုံးတွေလောင်မြိုက်သလို ခံစားလာရလို့ ဖုံးထားလိုက်တာ"
ကျန်းချန်ဖေးက ဖြောင့်မတ်မှန်ကန်သည့်ပုံစံနှင့် ဘွင်းဘွင်းလင်းလင်းကို ပြောလာခဲ့သည်။
YOU ARE READING
My Lover With Split Personalities [မြန်မာဘာသာပြန်]
RomanceStart Date - 18.05.2021 End Date - တစ်နေ့တွင် ကျန်းချန်ဖေးသည် ကားမတော်တဆမှုကြုံခဲ့ရသည်။ ကံကောင်း၍ ဒဏ်ရာကြီးကြီးမားမားတော့မရှိခဲ့ပေ။ သို့သော်ငြား ကားတိုက်သည့်အရှိန်ကြောင့် ကမ္ဘာအစစ်၏ သူ့ဦးနှောက်သိမြင်နားလည်နိုင်မှုမှာ မတော်တဆမှုမတိုင်ခင်တုန်းက ဖတ်နေ...