[Unicode]
မိသားစုကြွယ်ဝမှုအတွက် သားနှင့်ဖလှယ်ခဲ့သော ယောက္ခထီးကိုမြင်လိုက်ရ၍ အင်ပါယာအရာရှိသည် မကြောက်မရွံ့ဖြင့် ဂိတ်တံခါးကိုဖွင့်ရန် ခလုတ်နှိပ်လိုက်သည်။
ဒါက အထက်တန်းလွှာတိုက်ခန်းအဆောက်အဦးဖြစ်သည်။ တံခါးဘဲလ်သည် အဆောက်အဦး ဂိတ်ကိုဖွင့်နိုင်ပြီး ဧည့်သည်တစ်ယောက် ဓာတ်လှေကားထဲရောက်ချိန် ပိုင်ရှင်က သူတို့သွားချင်သည့် အထက်ဆီရောက်ရန် အတည်ပြုပေးဖို့လိုသည်။
ကျောင်းချီစောင်ကို ဖယ်ကာ အပြေးသွားလိုက်သော်ငြား ဖန်သားပြင်က ဓာတ်လှေကားအထဲကို ပြနေလေပြီ။ သူချက်ချင်း သူ့လောင်ကုန်းလက်မောင်းကို ဆုပ်ကိုင်လိုက်သည်။
"ခဏနေကျ ငါ့အဖေလာရင် ကိုယ်ဝန်ကိစ္စအကြောင်း တစ်ခွန်းမှဟလို့မဖြစ်ဘူးနော်""ဘာလို့လဲ" ကျန်းချန်ဖေး နားမလည်နိုင်ပေ။
Omega ကိုယ်ဝန်ရရှိမှုသည် အခမ်းအနားကျင်းပသင့်သည်။ တစ်ကမ္ဘာလုံးတောင် သိသင့်၏။ ကျောင်းချီက သူ့အဖေသာသိသွားရင် ကလေးနှင့်ခြိမ်းခြောက်မှာကို စိုးရိမ်တာလား။ ဒါ ဖြစ်နိုင်သည်။ အဘိုးကြီးက လောဘကြီးရာ ကိုယ်ဝန်ရနေသည့်သားကို ပိတ်နှောင်ထားပြီး အရာရှိအား စစ်တပ်တစ်တပ်နှင့် ဖလှယ်ခိုင်းလောက်သည်။
ကျောင်းချီကတော့ ကျန်းတာ့တျောင်းခေါင်းထဲ ဘာများဖြစ်နေလဲမသိဘဲ အသည်းအသန်ကြိုးစားကာ ဆင်ခြေများပြုလုပ်နိုင်ရန် မျှော်လင့်နေမိသည်။ သူ smart brain ကိုဖွင့်လိုက်၏။
"အန်နီ၊ ယောက်ျားတစ်ယောက် သူ့ဇနီးရဲ့ကိုယ်ဝန်အကြောင်း တခြားသူတွေကို မပြောဖို့အကြောင်းရင်းကဘာများလဲ"အားကိုးရသော အန်နီက အလျင်အမြန် ရှာဖွေလိုက်သည်။
"သုံးလမတိုင်ခင်ထိ ကိုယ်ဝန်ကိုကြေညာလို့ မရဘူးဆိုတဲ့ အယူသီးမှုကို သုံးလို့ရပါတယ်"ဉာဏ်ကောင်းတယ်!
"အဟမ်း၊ ခင်ဗျား ပထမသုံးလအတွင်း ကိုယ်ဝန်အကြောင်း အပြင်လူတွေကို ပြောလို့မရဘူး၊ ပြောလိုက်ရင် ကလေးကို ဆုံးရှုံးသွားနိုင်တယ်"
ကျောင်းချီ smart brain ၏ ပုံရိပ်ယောင်စခရင်ပေါ်ရှိစကားလုံးများကို ခပ်တောင့်တောင့် ဖတ်ပြလိုက်သည်။
YOU ARE READING
My Lover With Split Personalities [မြန်မာဘာသာပြန်]
RomanceStart Date - 18.05.2021 End Date - တစ်နေ့တွင် ကျန်းချန်ဖေးသည် ကားမတော်တဆမှုကြုံခဲ့ရသည်။ ကံကောင်း၍ ဒဏ်ရာကြီးကြီးမားမားတော့မရှိခဲ့ပေ။ သို့သော်ငြား ကားတိုက်သည့်အရှိန်ကြောင့် ကမ္ဘာအစစ်၏ သူ့ဦးနှောက်သိမြင်နားလည်နိုင်မှုမှာ မတော်တဆမှုမတိုင်ခင်တုန်းက ဖတ်နေ...