Unicode
ကနေ့ သည် ဒေါနရန်ကုန်သို့ရောက်တာ သုံးရက်မြောက်နေ့ဖြစ်သည်။ သို့သော် ဒေါက်တာက လုပ်ငန်းထူထောင်မယ်ဆိုလား ဘာထောင်မယ်ဆိုလား အဲ့တာသွားထောင်နေတာနဲ့ ခုထိ မြို့ရောက်ကတည်းက ကျုပ်ကို ဟို ၁၂နှစ်သား ဖိုးလုံးနှင့် နှစ်ယောက်ထဲ ထားထားပြီးထွက် ထွက်သွားသည်မှာ နေ့တိုင်းပင်ဖြစ်သည်။
ရန်ကုန်သည် ကျုပ်အတွက်ေတာ့ရွာမှာကဲ့သို့ ပြဿနာကို မီးထွန်းရှာစရာနေရာမှာ မပေါပေ။ဘာပဲဖြစ်ဖြစ်မရှိရှိတာတော့ရှာရမှာပဲ ။ကျုပ်ဆိုသည်မှာလည်း ပြဿနာကိုခါးဝတ်ပုဆိုးကဲ့သို့ မြဲအောင်ဝတ်နေရမှ နေသာထိုင်သာရှိသည့်သူမဟုတ်ပေလား။
ပျင်းပျင်းနှင့် ခြံထဲ လှည့်လည်ကြည့်နေစဥ် ခြံထောင့်ရှိ မချစ်စု သရက်ပင်ကြီးမှာ ကျုပ်အား သူ့ကိုတက်ပါ တက်ပါဟုမြှူဆွယ်နေပြန်၏။ အင်းး...ဒင်းစိတ်တိုင်းကျ တက်ပေး ရမှာပေါ့လေ။ ကျုပ်က သိပ်တက်ချင်လွန်းလို့ရယ်တော့မဟုတ်ပါဘူးနော်...။အဟန့်။
"ဖိုးလုံးရေ ဟေ့ဖိုးလုံး...အဲ့က မနိုင်မနင်းတွေကိုချထားခဲ့ပြီး ဒီက ငါ့ကိုလာမစမ်း အဲလေ.. ငါ့ဆီလာစမ်းကွာ..''
ခြံထဲရှိ နှင်းဆီပန်းအိုးများအား မနိုင်မနင်းမရွှေ့နေရာချ နေသည့်ဖိုးလုံးမှာ ကျုပ်ထံ အပြေးနှင်လာပြီးပါးစပ်မှလည်းပွစိပွစိနှင့်။
"ဘာတုန်းဗျာ...ခင်ဗျား ဘာဖင်ယားဦးမလို့လဲ...ဒီမှာခင်ဗျား အိုကြီးအိုမနဲ့ ပေါက်တီးပေါက်ရှာတွေတော့မလုပ်စမ်းပါနဲ့ ဦးလေးဒေါနရာ သူဌေးလေးလာရင် ခင်ဗျားက ဆူခံထိတာမဟုတ်ဘူး ကျုပ်က ဆူခံရမှာဗျ ..''
"မင်းဘိုးအေ.. ဦးလေးဒေါနရမှာလား ငါက မင့်သူဌေးထက်တောင်နှစ်နှစ်ငယ်တယ်ကွ ကိုကြီးဒေါနလောက်တော့လုပ်ပါ...''
"ဟ ဒါတော့ ခင်ဗျားက အိုစာတာကိုး..ကျုပ်ဟာကျုပ်ခေါ်ချင်သလိုခေါ်မယ်ဗျာ ခုခိုင်းစရာရှိလား မရှိရင် ပြန်မယ် ကျုပ်အလုပ်ရှိသေးတယ်ဗျ...''
" မင့်အတော်နားညီးတဲ့ကောင်ပဲ ပါးစပ်ကလည်း မုဆိုးမဖင်ကြီးလိုပဲ ပွစိပွစိနဲ့ ...''
CZYTASZ
ကျွန်တော့်ယောကျ်ား သူကြီးသား...
Romansရွာရဲ့ တာဝန်ကျဒေါက်တာလေး သူရိန်ရှင်းနောင် နှင့် သူကြီးသားလေး ဒေါနရောင်တို့ရဲ့ အလွဲလွဲအချော်ချော်အချစ်ဇာတ်လမ်း... ပထမဆုံးရေးဖူးတဲ့ လက်ရာလေးဖြစ်တဲ့အတွက် အရေးအသားမပြေပြစ်ရင် ကြိုပြီးတောင်းပန်ပါရစေ ။ အမှားများပါလျှင်လည်း ချစ်သောမျက်စိဖြင့် ရှုလို့ဝေဖန်န...
