و احنه كاعدات ننتظر قدرنا
كلشويه نسمع كومت مناطق سقطت
صارت الغزوه اسرع من كل التوقعات
كل شويه نسمع منطقه كامله سلمت
اي
للوحده الصبح كل االيمي نامن
اني ظليت صاحيه انطر قدري
حتى بابا و ماما نسيتهم
اني اعرف صوت سيارت ابو مزاحم
سمعت سيارته اشتغلت
باوعت من الشباك شفته حرك و طلع
و بسيارته زوجته و كم مره كبار بالسن محد اختارهن
اني انخمش كلبي
و فرعت شعري و كمت ابجي و اندعي
يا مغيث الضعفاء اغثني
و اباوع ع سيارة ابو مزاحم
صدك وصلت يم سيارة مسلحه وكفوها
اني فرحت غافلت التحرسنه و ركضت
لسيارة ابو مزاحم
لكيت ابو السيطرة هو نفسه الشاب الي
اختارني
الشاب الي مخلي شريط عتاد ع صدره
سحب اقسام و صاح عليّ وووين
كتله فدوة لشبابك اعتق ركبتي لوجه الله
كالي هااا هاي انتي
كتله اي بشاربك اني
كالي اذا بشاربي تسمعين كلامي و تطيعين امري
كتله تمام
كال لابو مزاحم اطلع
كتله و اني
كالي شتفقنه
كتله حباب و الله اني طفله و ما عندي احد بهاي الدنيا غير عمي ابو مزاحم
فدوة خلي اروح وياه
كالي لو تسمعين كلامي
لو انادي عليج و اخليهم يهدرون هسه دمج
اني لا حول و لا قوة
و ابو مزاحم بس يباوع و ما حجه اي كلمة
كاله اطلع
طلع ابو مزاحم و عافني و مشه
هذا الشاب اكو سيارة مسلحة يمه
كالي اصعدي بالبدي و انجطلي بلا كلام
صعدت
دفعني حيل
اتمددت ع ظهري و كمت كل شويه اشيل راسي اباوع ع سيارة ابو مزاحم
دا اشوفها تبتعد و تختفي
هذا الشاب شافني احوص و كل شويه اشيل راسي
عاد شال بطانيه و شمرها علي
و غطاني كلي بيها
انوب شغل السيارة و حرك و طلع
مشه بيه هواي
طسات و طرق وعره
ساعه
و وكف
شلت راسي
شفت خرابه بنص الصحراء
بس اني وياه و الفضاء الفارغ
اني كلت يا ويلي بعد شمتانية
هذا ناويها وياي ع شر
بعده ما واكف
طفرت من االسيارة كلت حتى لو اموت لو اتكسر ولا اسلم نفسي لهذا الحيوان القذر
وكعت ع الارض و كمت ادحرج
مثل الطوبة
هو من شافني
طفرت داس بريك
و نزل يركض عليه
اني جسمي كله اتجرح من الكاع
و اتجلخ حتى وجهي و اختلط الدم ويه التراب
بالكوه وكفت اريد اركض
كان يوصل الي و دفعني من ظهري
و جفاني ع وجهي
و نام فوكاي
.. يتبع
أنت تقرأ
السبية بلا سبي
Proză scurtăقصة واقعية، تتحدث باللهجة العراقية عن محنة فتاة افقدتها الحرب اعز ما تملك بهذه الحياة
