من مشه من يمي سحبت اصبعي
و خليت عيني بالخرم اباوع عليه
كمت ادعي لله يخلصني من هاي الشدة
الولد مشه من وصل للسيارة وگف
امبين دا يفكر بشي
انوب رجعلي
اني فرحت من رجعلي مره ثانيه
كنت يراد يغمى عليه من الوحشه و الغربه و الهضم
من اجه يمي طلع موبايله و فتح الكفر
و طلع السيم كارت و انطاني تليفونه
كتله شنو هذا؟!
كالي اتسلي بيه و لهي روحك
كتله رحمله والديك
انته شسمك؟
كالي وليد
كتله اني دنيا
كالي دنيا اذا شفتي غيري اجه
ضمي نفسج و لا تسلمين روحك لاي مخلوق
تره الي يكمشك ما يرحمك
كتله اوكه
بس مو تعوفني هنا و تنساني
كالي بعيني و مشه
اني من راح و ابتعد
و ايست منه
انتبهت لروحي ميته من الجوع
اني جنت بعز ابوي مدلللة
جنه بس 3 نفرات و صينية الصبح انخلي بيها اشكال و ارناگ
و انوع بالالوان حتى تنفتح شهيتنه
انوب هسه بس بصل كدامي
و اني اصلا ما اكل البصل و لا اطيق ريحته
كعدت امكابله الكونيه
لحد ما مصارين بطني كامت تتكطع
اخذت راس بصلايه
ضربته بيدي فلشته
كمت اكل
و عيوني ساح منهن الدمع
انوب كمت اجر بصله بعد بصله
و الهم عبالك اكل تفاح
المهم
حتى العطش راح مني
و الماي الي عندي استعملته لغسل وجهي و من اروح للحمام
ما شربت منه
طلعت موبايل الولد
شفت امخلي صورة الرئيس صدام
راح احجي حجي شويه بيه نبره طائفية و عنصريه بس هو هذا الواقع
اني سنيه من عائله سنيه
و منطقتنه منوعه من سنه و شيعه و كلحنه عايشيين ب امان و استقرار
محد يسئل عن الدين و المذهب كلحنه متحابين بالله بديرتنا
ماكو فرق بيناتنه
و بصراحه حتى من سقط النظام
ظلت صور الرئيس صدام امعلكه ببيوتنه
اني مواليد 2000 ما لحكت ع ذاك الحكم
بس وعيت ع هذا الشي
وعيت هماتين الشيعه اليمنه غير الشيعه الي بالوسط و الجنوب
ذولاك مجوس و صفيون و فرس
هيج اكو انطباع براسي راسخ
اي من شفت الصورة بستها
و اتذكرت ابوي و امي و كمت ابجي
لانهم ثنينهم ما اعرف شنو مصيرهم
انوب تعبت نمت
العصر كلش قريب المغرب
كعدت من النوم باوعت من الخرم
بس الهوه يطلع وحيف بالابواب
ماكو حياة السماء و الطارق
لا انس و لا جان و لا حيوان
طلعت الموبايل اكلب بيه
اكول العاب كمت العب بيهن
و من صار المغرب
وحده كلبي انقبض
شعلت لايت الموبايل
وره ساعه من جنجن عليه الليل
شفت ضوه مال سيارة من بعيد جاي باتجاهي
كلت ياااويلي
اشلون خطأت هذا الخطأ
و خليت ضوه الموبايل معلوك
و كشفت مكاني؟!
... يتبع
اكو بعض الاحبه يكلي سوي تاك بالبارت القادم
يا ريت من الاصدقاء ان يتابعوا حسابي
او يدزوا طلب صداقة
حتى من انزل اي بارت
يوصل اشعار الكم
أنت تقرأ
السبية بلا سبي
Cerita Pendekقصة واقعية، تتحدث باللهجة العراقية عن محنة فتاة افقدتها الحرب اعز ما تملك بهذه الحياة
