كلت ياااويلي
اشلون خطأت هذا الخطأ
و خليت ضوه الموبايل معلوك
و كشفت مكاني؟!
اتذكرت وليد
كال اذا اجه واحد غيري
اختفي و ضيعي نفسك
اني محدده نكره مال كلب بالخرابه
بس ضيگه عليه لان اني جسمي مليان
فرحت ركض الها و حشرت نفسي بيها
حسيت القفص الصدري اتطبك و نفسي انكطع
و المشكلة نص جسمي بعده بره
السيارة طبگت ع الخرابه
اني اعصر بروحي عصر
بالكوه طلعت
متربه و ريحتي تكتل كتل
و ملابسي اصلا متمزقه من طفرت من البدي
باوعت ماكو مكان البد بيه
شلت طابوقة
و قررت اتكاون وياه لو اقتلهم لو يقتلوني
صدك بدوا يدفعوا بالباب
اني من انزاحت الباب
و صارت صدك
ذبيت الطابوكه
و كمت اعيط و ابجي و اصيح يمممه الحكيني
و كان يجيني الصوت دنيا اني وليد لتخافي
اني وجههي مترب و نزلت عليه الدموع
و خشمي يكت مي من البجي
مسحت وجههي صرت كاني مهرج
و البسمه انرسمت ع وجهي كلش فرحت من كال اني وليد
دخل شايل وياه دبت مي
و علاكه سودة
لكفت الدبه شربت نصها
انوب جريت من ايده العلاكه
اتوقعت لو دجاجه لو مشويات لو اكله زينه تلزم عظمي
فتحت العلاكه
طلع بيها طماطه و خيار و شويه ريحان
كتله صدك تحجي صارلي يومين ما ضايكه الزاد جايبلي طماطه و خيار و خضره
شنو صخله اني
شكد قبيص و بخيل اووي منك صدمتني
وليد مد ايده لجيبه طلع نص كرصت خبز
و خله بيها شويه طماطه و خيار و ريحان و لفها
و انطاها الي
اني كانه انطاني شيش تكه مو هاي الاكله البسيطه
لهمتها لهم
كتله
الله و اكبر عليك نص خبزه جايب شنو هذا البخل البيك يا ربي
كالي لج انجبي اشو اكلتيني حاصل فاصل
كتله اسفه بس و داعت امي و امك جوعانه
كالي ما اكدر اجيبلك لحوم او خبز و هاي الاشياء
لان الحيوانات و الوحوش و الافاعي تشتمها من بعيد و تجي عليك
كتله اااف فهمتك
ليش اجيت
كالي اجيت حتى اكضي وياج هاي الليله
حتي متخافين و اودعج لاربعة ايام ما اجيك
كتله شنووو
كالي اي
الوضع بالقرية كلش متكهرب بسببك و الكل تدور عليك
و اخاف تصير عليه الشكوك
و يلحكوني لهنا و يقتلونه سوه
كتله امووت اذا ابقى هنا وحدي حته لو ليله وحده مو انوب اربع ايام
اخذني وياك بعد ما اكدر ابقى
اني موتي و حياتي صارن سووه
كالي اصبري اني بعون الله راح اشوفلك حل و ما اعوفك منا لمن اخلصك من هاي المحنه
تعالي هسه خلي انسولف شويه
كتله كبل كلشي
الدولة و الحكومة ما تكدر توكف بوجهه هاي العصابات
ابتسم بسمة غرور و اانفه
و كال لا اغلب المحافظات اتحررت و صارت لدولة الاسلام
و بعد كم يوم و ينزف خبر تحرير بغداد
و حجها بنفس الثقه الي سمعتها بالمره السابقه
كتله تسمحلي اسئلك سؤال؟
كالي اسئلي
كتله امبين عليك خوش شاب و طيوب
اشلون انطاك كلبك و قتلت ابن بلدك و سلبت سيارته
كالي منو كالك اني قتلت شخص ؟!!!
كتله لعد اشلون اخذتوا كل هاي السيارات
كالي يول همه انهزموا و عافوا معداتهم
لا قتال و لا بطيخ
الكل سلم و انهزم
كتله هاااا يعني اكول ليش السيارات كلهن انضاف
لا ثقوب طلقات و لا متضررات
كالي اي انهزموا من اسود الخلافه مثل النعاج
انوب كعدنه شعلنه نار و سولفنه
عرفت انه خريج كلية ادارة و اقتصاد قسم احصاء من جامعة القادسية
و يشتغل حاليا محاسب بشركة مال اثاث بالموصل
و هواي سوالف تخصه
مشه الوقت مثل لحظة او رمشة عين
انوب بنص الليل سمعت حركة بره خفت اتقربت من يمه زايد
و كتله خايفه و اريد اختل بحماك
تخليني؟!!!
أنت تقرأ
السبية بلا سبي
Short Storyقصة واقعية، تتحدث باللهجة العراقية عن محنة فتاة افقدتها الحرب اعز ما تملك بهذه الحياة
