အတ္တနှောင်ကြိုး (အတၲေနွာင္ႀကိဳး)

Chapter 3 ( Jeon's အပိုင်အား တွေ့ရှိခြင်း)

အမှောင်ည၏ အောက်တွင် မီးရောင်စုံများစွာဖြင့် တန်ဆာဆင်ထားသော S မြို့တော်။

ညဘက်ပင်ဖြစ်လင့်ကစား လမ်းမပေါ်တွင်သွားလာနေကြသော ကားမီးရောင်စုံ၊ ဆိုင်ခန်းများမှ မီးရောင်များနှင့် Clubများမှ ထွက်ပေါ်နေသော မီးရောင်များနှင့် မြို့တော်သည် ညမြို့တော်တစ်ခုအလား။

'M-779' ဟုခေါ်ဆိုသော နာမည်ကြီး Night Clubတစ်ခု။

'M-779'သည် ဖွင့်ထားသည်မှာ မကြာသေးသော်လည်း ပိုက်ဆံရှိခေတ်လူငယ်များ၊ အမှောင်သမားများအကြားတွင် အလွန် နာမည်ကြီး၍ ရေပန်းစားလေသည်။အကြောင်းမှာ သင်လုပ်ချင်တာမှန်သမျှ လုပ်၍ရသလို သင်အလိုရှိပါက မိန်းမ၊ ယောကျာ်း၊ ဆေး ၊ အရက်နှင့် လက်နက်တို့ကိုပင်ဝယ်ယူနိူင်လေသည်။ တန်ကြေးအနေနဲ့ကတော့ သင့်အသက်ကို အာမခံလေးထားပေးရုံပင်။ သင်က အပြင်တွင် မည်မျှပင်ပိုက်ဆံပေါများ၍ အာဏာရှိနေပါစေ သင်၏ အာဏာမှာ 'M-779' အတွင်းဝင်ရောက်လာလျှင် အသုံးမဝင်ပေ။တနည်းအားဖြင့်ဆိုလျှင် နိူင်ငံ၏ ဥပဒေသည် 'M-779' အပေါ်သို့ မသက်ရောက်နိူင်။

'M-779'၏ မြေအောက်ခန်းတွင် လက်နက်နှင့် မူးယစ်ဆေး ရောင်းဝယ်နိူင်ပြီး ပထမအထပ်တွင် dance floor နှင့် အရက်ဘားတစ်ခုထားရှိလေသည်။ ဒုတိယ အထပ်တွင်တော့ Gay Bar ဖွင့်ထားပြီး တတိယထပ်တွင်VIP Coustmer များအတွက်ထားရှိလေသည်။ အပေါ်ဆုံးအထပ်တွင်တော့ လသာဆောင်သဘောမျိုး မည့်သည့်အရာမျှမရှိဘဲ ဟင်းလင်ပြင်အတိုင်းထားရှိလေသည်။

Club၏အပြင်ဘက်တွင် ရပ်ထားသောကားများ၊ ဆိုင်ကယ်များက Shoowroomတစ်ခုအလား အစီရီထားရှိလျှက်။

Jeonသခင်လေး မောင်းလာသောကားအမည်းလေးမှာ 'M-779'၏အရှေ့သို့ ထိုးရပ်သွားလေသည်။ သူသည်ကားပေါ်မှဆင်းလာပြီးနောက် Club အတွင်းသို့ ဝင်ခဲ့လေသည်။

Jeon ရဲ့ချောမောသော မျက်နှာပေါ်တွင် ဒဏ်ရာအချို့ရှိနေပြီး နဖူးစပ်တွင် ချွေးစအချို့ ကပ်ငြိနေလေသည်။ Jeonရဲ့မျက်နှာထားမှာ သုန်မှုန်နေပြီး Jeonသည် ခပ်မိုက်မိုက် bad boyလေးတစ်ယောက်ကဲ့သို့ ကြည့်ကောင်းနေလေသည်။

Jeon သည် ပထမအထပ်ရှိ ဘားသို့တန်းတန်းမတ်မတ် လျှောက်သွားလိုက်လေသည်။ ကောင်လေးအချို့နှင့် ကောင်မလေးတို့၏ မျက်လုံးများက Jeon သွားရာနောက်ကပ်ငြိလျှက်။