မိမိအကောင့်ထဲသိုဝင်ရောက်လာသော သုညပေါင်းများစွာအားအတောမသတ်နိုင်သည့် အပြုံးဖြင့် Screen အားစူးစိုက်ကြည့်နေချိန် ...ရုတ်တရက်ပွင့်သွားသောရုံးခန်းတံခါးနှင့်အတူ မြင်လိုက်ရသောအေးစက်စက်မျက်နှာတစ်ခုကြောင့် ဦးဖြိုးဇေယျလန့်သွားရကာ laptopကိုကပျာကယာပိတ်လိုက်ရသည်။လာလေ့မရှိသောဧည့်သည်ကြောင့် ဦးဖြိုးဇေယျအံ့ဩသွားရသော်လည်း ဟန်လုပ်ပြုံးကာထိုင်ရာမှထပြီးထိုသူနားလျှောက်သွားချိန်မှာတော့...
"ဘာကိစ္စများရှိလို့CEOကိုယ်တိုင်........."
အဖေ့ကိုကြည့်သောမလေးမစားအကြည့်များ သူ့ကိုကြည့်သောမြေခွေးလိုမျက်လုံးများသည် ဘုန်းဟန်,၏အာရုံထဲတစ်ကွက်ချင်းပြန်ပေါ်လာချိန်မှာတော့ နက်ပြာရောင်pantsထဲလက်ထည့်၍ခြေစုံရပ်ေနသောCEO၏ခြေထောက်တစ်ဖက်သည်မြောက်တက်လာပြီး ဖြိုးဇေယျ၏ ရင်ဝထံသို့။
ဖြိုးဇေယျစကားပင်မဆုံးလိုက်ပါ။
ဖုန်း!!!!!
အရှိန်အားတစ်ခုပါတာကြောင့်ဖြိုးဇေယျလာရာလမ်းအတိုင်းနောက်ပြန်ဆုတ်၍လွင့်ကျသွားလေ၏။ တစ်ဆက်တည်းမှာပဲဦးဝေလင်းကတံခါးလော့ခ်ချလိုက်သောအခါ CEOကရင်ဘက်ဖိ၍ချောင်းတဟွတ်ဟွတ်ဆိုးနေသူနားကပ်သွားပြီး..ကြမ်းပြင်ပေါ်မှလူကိုမျက်လုံးအောက်စိုက်ကြည့်လိုက်ကာ...
"အာ...ခင်ဗျားကကျွန်တော့်ထက်အသက်ကြီးတာပဲ...ကန်တော့နော်...သောက်ဆင့်မရှိတဲ့ကောင်"
ကန်လည်းကန်ခံရဆဲရေးလည်းခံရတဲ့အတွက် ဖြိုးဇေယျမျက်နှာကြီးနီမြန်းလာပြီးဒေါသတွေထွက်လာရသော်လည်းမည်သည့်တုံ့ပြန်မှုမှမပြုနိုင်ဘဲ အောက်ဆီဂျင်ပြတ်မသွားဖို့သာအသက်လုရှုနေရ၏။
ဘုန်းဟန်,ဆိုဖာပေါ်တွင်သွားထိုင်ပြီးခြေထောက်နှစ်ချောင်းကိုစားပွဲပေါ်ယှက်တင်ထားရင်း ထိုသူအားခပ်ပြုံးပြုံးဘဲကြည့်နေလိုက်သည်။ ခေတ္တအကြာထိုသူထံမှစကားသံထွက်လာ၏။
"မင်း..မင်း...ဒါဘာသဘော..."
ဘုန်းဟန် မျက်နှာကိုရှုံ့မဲ့ပစ်လိုက်ပြီး....
"ဟင်း......ညိုချောပြလိုက်ကွာ"
ထိုအခါညိုချောကနံရံမှီထိုင်နေသူနားသွားကာ ဆောင့်ကြောင့်ထိုင်ချလိုက်ရင်း...တင်ထွန်းနိုင်၏ဝန်ခံမှုပါသော video နှင့် တင်ထွန်းနိုင်ဆီမှရလာသော video တို့ကိုတစ်လှည့်စီဖွင့်ပြလိုက်လေ၏။ video နှစ်ခုကိုကြည့်နေသောလူ၏မျက်နှာပေါ်တွင်အမျိုးမျိုးသောအရိပ်များဖြတ်ပြေးနေခြင်းကို CEOကအမိအရလိုက်ဖတ်လျက်ရှိသည်။
YOU ARE READING
ဘုန်းပြည့်ချမ်းဟန် (Complete)
Fantasyဘုန်းပြည့်ချမ်းဟန်ဆိုတာ ချမ်း, တစ်ယောက် တည်းရဲ့အမည်နာမပဲဖြစ်စေရမယ်...။ 1.10.2021 >> 6.2.2022
