عشق بلا رحمة (( روايات ليبية)) 🔞🔥🔥🔥

🔥🔥الحلقة الخامسة🔥🔥

#عشق_بلا_رحمه
البارت 5
نوكوميس"فتاة القمر"♕

______________________________

هل من مزيد؟؟  ،  اكتفيت من ضرب؟  وين البشريه؟ وين الحب في الموضوع؟ وين الرحمه؟  وين القلب النظيف الصافي؟ 

فتحت عيونها بهدووء مألم تحسست رجلها اللي توجع فيها وغمضت عيونها من الالم الغير طبيعي،  فتحتهم مره تانيه حتى تشوف لي قيصر اللي كان راقد ع الكنبه وصدره عاري بسروال توته شعرها مخرب ع وجها وفي يده سلاحه وفي اليد التانيه سيجاره.
مزال مش سيبها حتى وهيا بتموت؟ مزال مش مستغني عليها!! امتى تنوض الصبح وتلقاه مش جنبها وتعرف وقتها انها تخلصت منه؟؟مستحيل نوران مش ح يجي هاليوم لطلما قلبه ينبض باسمك، للحظه ذكرت شن صار معاها وفي بالها هل هاله مزالت حيه؟ او ماتت؟
مستغربه في كل شخص في العيله،لما ذكرت الموقف،كيف كانو كلهم يتفرجو،ولا ارجوان اللي كانت السبب في كل شيء؟ حتى الاب ماقدرش يتكلم! اي عيله ظالمه هاذي!

__ حسيت بيده الدافيه فوق من شعري يمرر فيها، شفتله بنضرات يمكن اول مره نشوفله بنضره خاليه من جميع المشاعر،برغم كنت ديما نشوفله بمشاعر الكره، حسيت ب شفتاه فوق من وجنتي، وتمتم بنبره هاديه حنينه غير عن عادته "آسف معذبتي، بس انتي جبرتيني"

شداته نوران من يده بقوه حتى تقرب وجها من وجهه
" كل ما حولت نحن ليك،تخليني نكرهك اضعاف"
هالكلمه هزت كل شعور في قيصر، حتى عيونه ولو شرار من الغضب، شدها من حنكها بيده
قيصر: نحب كرهك لطلما فيه متعه ليا
باسها من فمها بوسه قصيره وامشي للحمام..اكرمكم الله
_اقتنعي نوران انه حبه ليك امر مفروغ منه لو يقدر يحطك في مكان ويسكر عليك،مش ح يقصر ولو خطوه
رفعت راسها لي فوق تستنجد بمن هوا احن،بمن هوا ارحم،
نزلو دموعها وهيا تدعي وطالب برحمه، مسحتهم بكف يدها
نوران" مش وقت الدموع نوران وقت الاعترافات وبس"

طلع قيصر من الحمام،حتى يدخل لي غرفة الملابس بسرعه ولبس حوايجه وطلع بدون اي كلمه....
شافت نوران للفراغ، وتنهدت براحه كبييره واخيرا طلع من جنبها ف وجوده يوتر فيها..
طق الباب مرتين حتى ينفتح بهدوء، بينما نوران كانت الطالع في الشخص اللي بيخش، و كالعاده ديما كميليا هيا اللي تجيها في الاوقات صعبه..
قعمزت نوران بشويه وهيا تتأالم.. حتى تقعمز جنبها كميليا اللي سرعان ما ابتسمت لما شفتها في صحه جيده 
كميليا: الحمد لله ع سلامتك
نوران: الله يسلمك،
كميليا: قيصر طلع
نوران: عارفه، انشاء الله مايرد
كميليا: تعرفي انك اكثر انسانه ناكره للمعروف شفتها في حياتي؟
نوران شافت لي رجلها حتى.تقول وهيا تضحك بسخريه: هذا المعروف؟ "واشرت ع رجلها الملفوفه ب شاش ابيض..
كميليا: قيصر يجرح ويداوي
نوران: شن قصدك!
كميليا: البارح كان معاك بدون ماتغمضله عين، وهوا اللي طلع الرصاصه من رجلك وهوا اللي.لفهالك وهو اللي هتم بيك ورقد جنبك وهوا اللي عطاك دواء وانتي،
نوران: واني شني؟
كميليا: وانتي تهمسي باسم ساامي 💁‍♀️
نوران: بجديات وانتي شن عرفك؟
كميليا: اني كنت واقفه جنب قيصر عشان لو حتاج شيء
نوران: غريبه قيصر مابادرش في اي ردة فعل؟
كميليا قوست شاربها: مش عارفه
نوران: ع المهم شن صار في هاله
كميليا: هذيكا اللفعه خدت جزاتها
نوران عيونها دموع:قصدك مااتت
كميليا هزت براسها بمعنى اي
نوران حطت يديها ع وجها: ياربي اي عيله هاذي تقتل بدم بارد وين عايشه اني؟
كميليا: بيني وبينك تستاهل
نوران حولت يديها وشاف لي كميليا بعيون حمر من البكاء: حتى انتي بديتي زيهم؟
كميليا؛ حتى انتي في يوم من الايام ح تبقي زيهم
نوران: يارتني لو نقدر نفجر الحوش باللي فيهم
كميليا: بديتي زيهم لدرجه انك تفكري في طريقهم الوسخه؟؟
نوران: اطلعي بنرقد
وقفت كميليا حتى تقول وهيا تساوي في هندابها" تمام طالعه، بس احتما ترقالك الحراره في الليل ارجوك ماتبديش تهلوسي ب اسم هذاك الكلب
نوران: سامي مش كلب خوه الكلب اللي خداني منه بالحرام
ضحكت كميليا بصوت عالي ع كلام نوران وشافتلها باشفقه وطلعت، قعدت نوران مش فاهمه ردت فعل كميليا الغريبه وعلاش يحاولو يخفو عليها كل هالحاجات؟
اووف عقلها بات لا يستوعب، هيا مريضه نفسيا وجسديا استهلكت كل طاقتها البارح ح ترقد الشويه حتى ترجع كل معلوماتها..
________________________________