عشق بلا رحمة (( روايات ليبية)) 🔞🔥🔥🔥

🔥🔥الحلقة الثامنة عشر🔥🔥

#عشق_بلا_رحمه
الپارت 18
نوكوميس ♕فتاة القمر♕

نوران مزالت واقفه وتشوفله من بعيد، كم استاحشت نبرة صوته الحنونه، والقاسيه في نفس الوقت، كم استاحشت طريقة كلامه، ضحكته،حتى ريحته، وكل شي فيه.

بينما قيصر كان يسلم ع جوزيف وحازم واحسان..  وهيا مش معبرها اصلا ولا بادلها بنضراتها. فات من جنبها وكأنها شيء لم يكن،  اهني نوران حست روحها بتموت من القهر، مع هذا انتي تستاهلي.
ركبت نوران لي دارها تحت نضرات قيصر النارية تجاها.

" ومن قال انه قيصر مكانش مستاحش نوران،انما كان قلبه يدق بقوه،خصوصي انه نوران كان الحمل زايدها جمال،بس مش معروف لو قيصر لاحظ انها حاامل؟ او لا؟؟"

_______________________________

احسان: قيييصر؟
قيصر: ها؟
حازم: لينا ساعه ننبحو؟
قيصر: والله؟ اي شن قلتو؟
جوزيف: اني طالع
قيصر: وين العزم؟
جوزيف: عندي عمل في شركه.
قيصر: اها بطريقك مر عليهم وشوف شن الوضع،
بينما حازم كان متعقد من نضرات قيصر الحااده كان فاهم او عاارف ميه في الميه،انه قيصر عارف بموضوعهم.بس منو اللي قاله؟
حازم: راجي جوزيف خودني معااك
قيصر: لا انت خليك
حازم: وعلاش.
قيصر: نبيك في موضوع،شويه ونجيك.
خدي قيصر شنطه وحطها ع كتفها وركب بسرعة البرق للجناح.

__________________________________

بينما نوران كانت واقفه ع المرايه وتشوف لي بطنها البارزه من خلال الكناتيرا اللي لبستها، وتتلمس فيها بيديها.
وماحستش بوجود قيصر اللي كان واقف يشوفلها من بعيد.
نوران حطت يدها ع قلبها من الخلعه: بسم الله امتى ركبت.
حدف قيصر شنطته ع السرير حتى يقول بصوت جاف.
قيصر: حامل؟
نوران: اي
قيصر خدي ملابسه من الدولاب: درتي اللي في رااسك؟
نوران: يعني؟
قيصر: كم ليك؟
نوران: اربعه شهور ماسكرتهمش.
قيصر: يعني تقدري طيحيه؟
نوران شافتله بصدمه: انت تتكلم بجديات؟
قيصر شافلها بنضره حاده اي بمعنى مانبصرش وخش للحمام حتى فهمت هيا لغة عيونه كوييس.
قعمزت نوران ع السرير الانها وبالمجمل معاش قدرت تووقف اصلا، حست بدموعها ينزلو.
بس علاش ينزلو دموعها بضبط؟؟
"الانها وبالمعنى الصريح هيا كانت تراجي في قيصر يجي يحظنها، يتغزل فيها بطريقته الاستثنائيه، يبوسها زي ماتعودت، خافت نوران من فكرة انه قيصر يمكن معااش يحبها؟؟  او معاش يكنلها اي مشاعر تجاها! بدرجه انه مزال مصر انه مايبيش اطفاال!."
حطت نوران يديها ع راسها وهيا تتطرد في الافكاار من عقلها اللي بدي يرفع ويجيب ويضرب اخماس في اسداس،حست بأنها مخنووقه ومحتاجه هواء، الانها بالفعل كانت مضايقه،يعني لقاء بعد شهور مفروض يكون معبي حب واشتياق،مش جاف زي اللي صار من شويه؟ 💔💘 "
خدت نوران كابها وحطاته عليها وطلعت للبلكونه . بينما طلع قيصر من الحمام لبس حوايجه وشافلها لي ساعات يمكن وفي نفسه كان بيموت من الشووق..منع نفسه انها تضعف قدام حبه ليها،لبس سبيدروه وطلع،
انما قيصر كان مخطط لي شي يخلي نوران هيا اللي تعترف وهيا اللي تتنزل وهيا اللي طالب بحبه.
يصير؟ ام كرامة نوران وكبريائها  وعنادها ح يمنعها؟؟