عشق بلا رحمة (( روايات ليبية)) 🔞🔥🔥🔥

🔥🔥الحلقة الرابعة عشر🔥🔥

#عشق_بلا_رحمه
البارت 14
نوكوميس♕فتاة القمر♕

عز الدين:  الله قداش تشبهيلها نفس العيون ونفس الخشم انتي بنت منو!!
نوران شافت لي قيصر بعدم فهم،  رد قيصر بدل منها حتى يقول بصوت جدي
قيصر:  بنت اسلام ياجدي
عز الدين مستمر يشوفلها او خلينا نقولو انه كان يفصل في كل تقاسيم وجها
حازم:  شن يخرط؟
جوزيف:  شكله جدك بدي يخرط رسمي
احسان:  بوي!  شن تقوول!
عز الدين:  ح نتأكد من الموضوع بنفسي
قيصر بيطربق من نضرات جده لي نوران، همس في وذنها
قيصر:  اركبي للدار
نوران:  بس..
قيصر:  اركبي ويصولك عشاك لي عندك
نوران هزت براسها واعطت نضره اخيره لي عز الدين وركبت  وهيا مش فاهمه شن اللي يصير. 
بينما الكل كان مش فااهم شي وحتى ارجوان اللي مايغيب عليها شي مع الاسف كانت زيها زي قيصر وزي حازم وكذلك ايفانا  وحوزيف واحسان مش فاهمين، بس فيه شخص كان مورق لي كل شي، ويراقب من بعيد بصممت،..

بس منو هالشخص!!

____________________________________

في مطبخ القصر..

ايلا: ماما؟
سكينه: شني!
ايلا: شن فيه؟
سكينه: الهي في عملك واسكتي ماليك علاقه بشي
ايلا: لي امتى بنقعد زي الاطرش في الزفه؟؟ نبي نفهم توا شن فيه
سكينه: شن هوا اللي بتفهميه؟
ايلا: وعلاش كنتي تتصنتي عليهم!
سكينه ضربتها على كتفها: اسكتي وماخصك بشي والهي في خدمتك
قاطع فضوول ايلا قيصر وهوا خااش
قيصر: سكينه
سكينه بخوف: نععم؟
قيصر: ارفعي لي نوران عشاها فوق
سكينه: حاضر
لتفت قيصر عشان يمشي بس رجع مره تانيه
قيصر: سكينه!
سكينه: نعم!
قيصر: ارفعي العشاء لي نوران من فم ساكت اي سوؤال تسأله ماتجوبيش عليه الا بمنعرفش
سكينه: اكيد
قيصر برفعة حاجب: سكينه اني مورق لي كل شي ديري بالك تلعبي معاي
سكينه كأنه حد صب عليها ميه سخونه من الرعب يمكن كانت مش قادره حتى توقف ع رجليها
سكينه هزت براسها ووجها احمر😥
طلع قيصر وخلى وراه شخصين، ايلا اللي كانت مش فاهمه ولا شي، وسكينه اللي مرتعبه من خووف.

____________________________________

حطت نوران تولين ع السرير وغطتها حتى تقعمز جنبها وهيا تفكر في كلام جدهم! شن كان يقصد ولمنو كنت نشبه! يعني الكلام كان اكبر من انه يستوعبه عقل نوران الصغير، للحظات كانت بتجن كانت تدفع نص عمرها بس باش تعرف شن اللي يقصده بكلامه.
طق الباب مرتين وكانت سكينه جايبه معاها العشاء ف خطر في بال نوران انه مافيش حد يقدر يحكيلها غير سكينه بحكم انه ليها سنين اهني ، حطت سكينه العشاء لي نوران وكانت ح تطلع لو ماوقفتهاش نوران بصوتها الصافي من اي خبث
نوران: سكينه
سكينه: نعم
نوران: بنسألك سوؤال
سكينه: تفضلي
نوران: شن قصة جدهم؟ وعمهم اللي روح من انجلترا!
سكينه سكتت حتى يطرق كلام قيصر داخل مسمعها ف قالت في نفسها " انتي مش قد اللعب مع قيصر وانتي عارفه انه على خاطر نوران يقتل ويحرق اي شخص بدون مايهتم"
نوران: سكينه
سكينه: نستأذن منك نوران خانوم ، طلعت سكينه تحت انضار نوران تماما اهني نوران عرفت انه قيصر منبه عليها ماتقول شي، ف محاولتش تضغط عليها الانها مش ح تقوول،  التوتر والفضول والقهر والالم والحزن والف شعور متلخبط داخلها كانت ح تتفجر بس مش قادره ادير شي شافت اللي السفره اللي قدامها من جميع الاطباق كانت حاطه سكينه وبغل وقهر حدفت الصفره بيديها عشان تصبح حطااام، 🖤 ماوقفش الامر اهني وبس انما نوران نست وجود تولين اللي كانت راقده في سبات عميق، وبدت تخبط في كل شي يجي قدامها من كراسي وطاوله حتى الزيانه وكل شي لوحاته،الغرفه بالكاد كانت تنشبح...