عشق بلا رحمة (( روايات ليبية)) 🔞🔥🔥🔥

🔥🔥الحلقة العاشرة🔥🔥

#عشق_بلا_رحمه
البارت 10
نوكوميس♕فتاة القمر♕
____________________________

تركت لي ألما يكفيني سبعون عاما اين عدل هذا؟؟ الم يقل لي ذات مره انّ لا عيش لي بدونه؟
نوران،
وقفت بتعب ع الشباك نشوف في السيارات المصفحه متوزعه في كل مكان نشوف في رجال اعمال طالعين خاشين،  شفت الشماته في عيون البعض منهم والحزن في عيون القليل منهم شفت كمية فرحه في عيون ناس كونه قيصر كان شخص مهم في دوله،  شفت جوزيف يبكي وحازم كانت حالته لا يرثى لها ولا عليها كان مقعمز ع الارض ومسند راسه ع الحيط لي هدرجه كانو يحبوه؟  او الانه كانت مصلحتهم فيه مش اكثر!! لالا ماعتقدش انها مصلحه كان في عيونهم كسره كبيره، 
شفت شخص مش هامه قيصر ولا معدل عليه وكان فتحي بس ما ستغربتش هلبا ف كانت علاقتهم ببعض ديما مش تمام..... 

اما نوران ف كانت مش مصدقه الخبر القلب والعقل مش مستوعب الامر لطلما كانت حرارة هالكلمات داخل روحها زي البراكين،  طاحت ع الارض وحضنت نفسها بنفسها،  في الوقت اللي مافيش من يعانقها، و حتى ارجوان كانت منهاره ع خوها،
نوران شاده صورة قيصر في يدها:  وعلاش ماقتليش انك بتمشي؟  وعلاش خليت غصه في قلبي مش طبيعيه!  وعلاش؟  الف عتاب عليك حتى وانت ميت توا.  مسحت دموعها 💔 وقالت بغصه وصوت مبحوح " ع قد كرهي ليك ع قد مانحبك"!  حطت صورته ع قلبها ونهارت بالبكاء وهيا تشم في صورته وتشوفلها. 
  
         "بس وين كان قلبك نوران! لما كان معاك طول الوقت وتشوفي فيه قدامك وين!! اني نقولك وين،كنتي تكابري عليه وع نفسك انك ماتحبيشي وانه مافيش مشاعر داخلك ليه؟ وانتي اللي كنتي لما تشوفيه او تسمعي صوته يرجف قلبك ويقرع داخل صدرك زي الطبول!!
لكن معاك حق يمكن معاملته سيئه خلاتك تكرهيه تاره وتحبيه تاره اخرى"

___________________________

لتفتت نوران لما سمعت صوت تولين خلفها وهيا تقول بنبره شبه باكيه ..
تولين: بابا قيصر مات؟؟ يعني امشي معاش ح يرجع؟؟
استغربت نوران من طفله زي هاذي قادره تعرف كل شي طفله يبلغ عمرها ثلاته سنوات تعرف كل شي؟؟ كيف؟ تعرف شن معنى الموت !
نوران مستمره تشوفلها حتى ترجع تولين تقول بذات النبره
"علاش كلهم امشو؟،وعلاش انتي كذبتي عليا وقلتيلي انه بابا بيرجع وهوا مات"
ناضت نوران من مكانها ومزالت في يدها صورة قيصر، تمشي بخطوات متعثره قعمزت لي مستواها القصير حتى تقول بنبره هاديه متألمه في الوقت نفسه
نوران" بابا مامتش! هوا بس امشي فوق واحني بعد فتره بنمشوله" 
ع قد ما كان الموقف متألم كان الحجر يبكي منه
تولين حضنت نوران بقوه وبادلتها نوران الحضن ودموعها ينزلو بصمت حفرت راسها في رقبة تولين ادور ع ريحة قيصر فيها.

_____________________________

جوزيف واقف لابس نضراته الشمسيه السوده وكبوسه السوده اردف موجه كلامه لي حازم
"خيره بوك وكأنه اللي ميت مش ولده يهدرز ويضحك"
رد عليه حازم بنبره صارمه"تعرف شاد روحي عليه من بكري غر قدام الناس كان هذا ره فرغت فيه مسدس"
شده جوزيف من يده حتى يقول بنبرة اشمئزاز"ولا يهمك ماتقعدش في خاطرك ح نديروها يوم من الايام بس مش توا"
قرب فتحي منهم عشان يقول وهوا شاد في يده كوب من القهوه يرشف فيه بهدوء
"شفت جزاء الضاالم! حتى جثه محروقه مايبان منها شي موته تليق بيه"
حازم فقد اعصابه وطلع سلاحه من خصره،ولكن شده جوزيف ف قال" ماتخليشي يستفزك بكلامه خليه ينبح ويمشي شن وضيفة الكلاب غير انها تنبح ولما ماحدش يهتم بيها تمشي "
تنهد حازم ورجع سلاحه في خصره كان تصرف جنوني والناس كلها تشوفلهم، ف وقف جوزيف ع الكرسي حتى يشوفوه الناس كلهم.
جوزيف" بارك الله فيكم جميعا،عزاءكم مقبول"
انهى كلامه حتى يروحو الناس كل واحد لي مكانه،
"اعتقد انها كانت فرحه كبيره لي هلبا نمادج رذيله"