عشق بلا رحمة (( روايات ليبية)) 🔞🔥🔥🔥

🔥🔥الحلقة التاسعة🔥🔥

#عشق_بلا_رحمه
البارت9
نوكوميس♕ فتاة القمر ♕

_____________________________________

انهرت ع الارض وأني مش عارفه شن اللي يصير!! كنت بنقوله اني نحبك بس اقعد معاي،كنت بنقوله خليك جنبي اني ضعيفه من غيرك كنت بنقوله اني من غيرك زي الطفل اللي ضايعه امه من لما طلع حسيته مش ح يرجع من لما طلع حسيت روحي طلعت معاه،انا كنت من ضمن الاشخاص اللي توؤمن بأحساسها واللي احساسها مايخيبهاش ديما..
حطيت يدي ع قلبي وأني نلتقط في انفاسي..!
مش قالي مستحيل نخليك؟؟ مش قالي اني وياك نمومتو مع بعض؟؟ اني اعترف كل الاعتراف اني بدونه ضايعه بدونه ولا شي اني نعترف اني نحبك بكل كراهيه 🖤
نحبك للنخاع بس ارجع

حاولت ناخد قوتي مش من قلبي انما من عنان عقلي اما قلبي الغبي اللي ديما محطمني عفست عليه شفت جنبي اذا الفلاش طايح ع الارض خديته وشفتله تمعنت فيه كويس اعتقد انه الفلاش فيه كل شي من ماضي وحاضر يخص قيصر ويخص العيله كلها.....
من بعدها خديت نفسي ونضت وين تولين ماليهاش حس؟؟ ظورت عليها في الشقه كلها بس ماليهاش اثر كنت للحظه بنفقد بقايا عقلي الا ان لقيتها مقعمزه خلف الباب وتبكي يمكن،تولين ماكنتش احسن مني! كانت بنفس ألمي ويمكن اضعاف عندها كونه في مكان بوها
نزلت لي مستواها واصطنعت القوه تنهدت ورفعت،راسها بأنامل يدي حتى شفت عيونها حمر وشواربها يرجفو..
نوران: علاش تبكي؟؟
تولين بصوت ياذوب طالع: الانه بابا امشي وخلاني بروحي!
نوران: لا هوا بيرجع
تولين بفرح: حق بيرجع؟
نوران: اي هوا قالي انه ح يرجع
تولين حضنت نوران ك ردة فعل،وبتردد لفت نوران يدها عليها،
_$ ياريت لو اني طفله صغيره ويجي حد يكذب عليا هكي ونفرح زي فرحة تولين توا

__________________________________

ركب قيصر طيارته من بعد ما أعطى امر لي جوزيف انه يجي لي تركيا وياخد معاه نوران وتولين، انما هوا ف كان متوجه الا دوله تانيه،  قعمز في الكرسي ودار حزام الامان وما ان قلعت الطياره حط راسه ع الكرسي وغمض عيونه عشان يسترجع ذاكرته في اول يوم يشوف فيه نوران وانما كان هذاك اليوم عيد بنسبه ليه..

🎬 فلاش باك

كانت بنت ذو عمر 15 العام بشعر قهوي ذاكن وبعيون عسليه مياله للاخضر.. مروحه من المدرسه وهيا في طريقها للحوش حتى تتعرض للمعاكسات من قبل زعران الطرق، حطت راسها لوطه وساوت ملابسها وسرعت في مشيتها...
بس مزال زعران الطرق يتعرضو لي طريقها..  وقفت بعد ما أيست منهم حتى تتعامل معاهم بالحسنه الغبيه كانت تحساب انه لو كلمتهم بأسلوب ح يمشو في حالهم ويخلوها..
نوران: شن تبي مني انت وياه؟؟
الشاب ١: بكم الحلوه؟
نوران: مانبيعش في الحلوه لكن تلقاها في سوبر ماركت
ضحك الشاب التاني ونزلو اتنين من سياره.. وفي كل خطوه يقربو منها كانت هيا تبعد للخلف بخطوات سريعه
نوران:  بعد عليا
قيصر:  بست
شافوله الشباب اتنين
قيصر قرب منهم:  خير شن فيه؟
شاب 1 يتفحص في قيصر بعيونه ف كان جسمه كله عضلات..
قيصر ضربه بوكس ع وجها حتى طاح وضرب التاني حتى يطيح فوق منه اعتقد انه اتنين كانو مش قادرين يتحركو الانه قيصر برحهم بضرب.. شاف لي نوران اللي كانت مغمضه عيونها وخايفه وترجف ..
قيصر بصوت حاد؛ روحي لي حوشكم ومعاش تفوتي من الطريق هاذي
فتحت نوران عيونها: بس صاحبتي قالتلي انه الطريق هاذي اقرب من الحوش
قيصر تنهد ع غبائها: طريق هاذي كلها زعران بري بسرعه
مشت نوران من جنبه وهيا تجري بسرعه بينما ركب قيصر سيارته وبدي يتبع فيها حتى خشت لي حوشهم تحت
عيونه، كانت ديما في نضره وبين عيونه اصبحت شي مش طبيعي مسيطر عليها القلب والعقل، ماقدرش قيصر يمحي هذيكا البنت الصغيره البريئه من راسه حتى بدي يمشي لي حوشها يوميا عشان يشوفها..  ولما بدت في سن قانوني وقرر يخطبها نصدم بأنها خطيبة خوه!!!  خوه المتزوج وعنده بنت!!