عشق بلا رحمة (( روايات ليبية)) 🔞🔥🔥🔥

🔥🔥الحلقة التاسعة عشر🔥🔥

#عشق_بلا_رحمه 🔥
"البارت 19"

"في حين بدت جروحي تبرا، رجعت فتحتها من الجديد وفي حين خليت قلبي يحبك، رجع كرهك من جديد"!

بعتت نوران هالرساله لي قيصر،وحطت الرقم في الحظر حتى تتسند بتعب ع الفراش وهيا تشووف لي سقف الغرفه،لطلما ذكرت كل شي صاار في هذاك اليوم.

.
.
.

قبل خمسه شهور

ايناس وهيا تشووف لي نوران: مش قتلي بنقول،علاش ماقلتش
قيصر: اطلعي برا
ايناس: مش ح نطلع لن تعرف نوران كل شي.
قيصر: نوران اركبي فووق
نوران: مانبيش نركب لن نعرف شن فيه
ايناس: الضمير بيقتلني،مش قادره نرقد وصورة اميره في باالي ديما
نوران: من اميره؟
قيصر مسح ع شعره بعصبيه
ايناس: امك اميره
نوران: لا،امي اسمها سميه
ايناس: امك اميره وبوك احساان.
ايفانا: كيييف؟؟
احسان: شن تقولي انتي اني عندي بنت وحده
ايناس لتفتت: اي ونوران هيا بنتك الوحيده.
اهني كانت الصدمه للجميع، ايفانا،نوران،بتول،اما البقيه ف كان عندهم علم،يعني زي ارجوان،وسكينه.وقيصر

من اهني بدت ايناس تسرد في القصه من البدايه،في حين ذكر احسان،انه في اليوم اللي ماتت فيه مرته اميره كذبت عليه ايناس حتى تقوله انه بنته ماتت هيا وامها،وانها ايفانا من مرته الاولى فقط لا غير. وبالفعل فاتت عليه القصه الانه احسان كان متزوج وحده قبل اميره اللي هيا ام نوران.

صدمت نوران كانت صدمتين،اولا انها تنتمي للعيله اللي تكرها،وتانيا انه قيصر عنده علم بكل شي وماقللهاش هل يمكن يكون متعاون معااهم؟لطلما سألت نوران ايناس هالسوؤال حتى ترد عليها" اي،عشان يحافظ عليك تكتم ع الحقيقه"، بس قيصر غلطت الانه نوران نجرحت منه هلبا

_____________________________________

نرجعو للي صار من بعد هاليوم.

قيصر حدف الهاتف ع الحيط حتى تكسر، من بعد ماقري كلام  نوران في الرساله، حطم كل شيء قدامه حتى بدت الغرفه حطاام مش باين فيها شي...  يشوف لي مكانها لي ذكرياتها معاه حتى لو كانت اغلبها معبيه حزن، بس كانت ذكريات جميله بنسبه ليه هوا...  خدي مفتاح سيارته وطلع.  ونيران الدنيا كلها كانت تشتعل داخل قلبه

________________________________

لحظه شويه،كلكم تسألو في نفسكم! شن صااار بعد هذاك اليوم،اللي صار انه نوران طلبت من قيصر يتبعد عليها وبالفعل هذا اللي صار سبعه شهور مرو من دون ماحد فيهم يشوف التاني الا ان يتنازل احد الطرفين ويمشي للتاني.
في حين كان نوران بتطلع من القصر وبتاخد حوش بروحها تستقل فيه،بس قيصر منع انها تطلع ولو خطوه من البوابه،ف عشان نوران ماتتلقاش معاه قرر انه هوا اللي يطلع من القصر ويمشي لي حوشه بعيد عليها. وتماما هذا اللي صاار.
وهكي فاتت الايام وشهور على نوران وهيا مش عارفه روحها لو تبيه؟ وتبي ترجعله؟ ام انها تبيه هوا اللي يرجع! ام انها ترتاح من العذاب وتطلب الطلاق!
وعلى مايبدو القرار الاخير كانت نوران تشوف فيه الانسب ليها.