عشق بلا رحمة (( روايات ليبية)) 🔞🔥🔥🔥

🔥🔥الحلقة الثانية عشر🔥🔥

#عشق_بلا_رحمه
البارت 12
نوكوميس♕فتاة القمر♕

_____________________________

فتحت نوران عيونها بشويه تتفحص في الغرفه  ب عيونها ثواني حتى لتفتت يمينها وشافت لي قيصر اللي كان راقد ع الكرسي،كان مرتاح هلبا في نومته. 
ياذوب طلعت كلمات بصوت تااعب " قيصر! 
ماسمعهاش المره الاولى ف رجعت قالت بصوت عالي شووويه "قيييصر
استاقظ. قيصر ع صوتها التاعب،  حتى يقول بصوت ناعس
قيصر:  واخيرا ليك اربعه ساعات راقده،  ح نعاقبك الانك كنتي بتموتي لو مانقوضكش في اخر لحظات
نوران متجاهله كلامه:  ولدي وين!
قيصر قرب كرسيه منها ومسح ع شعرها بخفه:  امشي لي من ارحم واحن عليه  مني ومنك
نوران: شن قصدك يعني ولدي مات؟
قيصر هز براسه بمعني اي وبكل بروود
نوران شداته من تشيرته: انت اللي قتلته! اني متأكده انت قتلته الانك ماتبيش صغار انت واحد عديم الاحساس
قيصر بعد يديها وشدهم بيد وحده وبيده التانيه شدها من راسها حتى خلاها تتألم،ثم قالت بنبرته الرجوليه الحاده: لي حسن حظه انه طلع من بطن امه ميت والا كنت قتلته بدم باارد..
انهى كلماته االلي كانت اشبه بسكين في قلبها. وبعد عليها وطلع. وقف قدام كميليا
قيصر: جهزي نوران  بنروح بيها
كميليا: ماتقدرش تطلع توا
قيصر: ومن امتى في حد يمنع فيا؟؟
كميليا: باهي خلاص، بس قولي الدكتور اللي خطفته شن درتله؟
قيصر: انتقل لي جوار ربه باش مره تانيه مايتعداش ومايتكلمش بحقاره معاي. نراجي فيها في السياره وانتي قولي لي راجلك المعكرش يجي يروح بيك.. شافلها بنضره بارده وامشي.
تنهدت كميليا وغمضت عيونها بتعب من الشخص اللي كان قدامها كم بارد والسواد مغلف قلببه، خشت لي غرفة نوران حتى تلاقيها تبكي ومنهاره
كميليا: نوران حبيبتي
نوران: كميليا صح ولدي مات؟
كميليا: مع الاسف مات الانه كان مش كامل ومن غير شي هوا عنده تشوه خلقي،
نوران: يارتني اني اللي متت وهوا اللي عاش
كميليا: احمدي ربك لو كان عاش كان قتله قيصر الانه بيعتبره هوا السبب في موتك ماتعرفيش جنون العظمه اللي عند راجلك
نوران: تعرفي اني نقول في نفسي ياريت قيصر مات وريح الناس من شره
كميليا: انتي تقولي هكي؟؟ وهوا كان يبكي ع خاطرك! تصدقي اول مره نشوف قيصر محروق وضعيف ويبكي طلعتي انتي نقطة ضعف لي قيصر
سكتت نوران وهيا تكرر في كلام كميليا داخل راسها،بعدين رجعت قالت.
نوران: بس مع هذا هوا قاسي وقليل ادب ومش محترم حد وفوق من هذا كله مجرم ويقتل في الناس.
قيصر؛ اي شن تاني؟ زيدي قولي!
تفاجأت نوران من وجود قيصر كيف خش وحتى كميليا ماحستش عليه؟؟
قيصر: صراحه كنت متمني نفرحك بخبر وفاتي واني جدييات متت بس يالله خيرها في غيرها
حست نوران بتانيب الضمير من كلامها تجاه قيصر
نوران: يارتني متت وارتحت منكم كلكم.
"كانت نوران مش عارفه شن تتكلم"
شاف قيصر لي كميليا بمعنى نوضي وبالفعل هيا فهمت عليه وناضت بحجة انها بتروح.
اما نوران كانت خايفه منه حتى انها قعدت تترجى في كميليا بعيونها انها ماتروحش بس مافيش فايده
قرب منها قيصر بخطواته الهاديه الثابته في الوقت نفسه.
ف بلعت نوران ريقها بخوف وتكت ع السرير، حاصرها قيصر بيديه..
قيصر: شن الكلمه اهيا اللي قلتاها متع يارتني متت او حاجه هكي
نوران بغباء : اني ماقلت شي 😓
قيصر ابتسم ع جنب وقرب من فمها باسها بهدوء حتى يهمس في وذنها" استاحشتك ع فكره! وانتي اكثر شخص تعرفي الوحش لما يستاحش معذبته شن يديرلها!"
نوران بلعت ريقها: بنروح كرهت المستشفى
عض قيصر شفته السفليه وبعد عليها شويه عشان تنوض.
وناضت نوران بس لقت روحه مش قادره توقف وكانت ح اطيح لو مشدهاش قيصر  من خصرها. شدت في يده بقوه حتى ماطيحش ❤بينما قيصر كان يشوف لي عيونها اللي بدو خضر لما نعكست عليهم الشمس ، مامنعتش نوران نفسه من انها تفصل ادق تقاسيم وجها وتتفحصه كويس ف كم كانت مستاحشه ملامحه الحاده والوسيمه في الوقت نفسه 🤤، سندها قيصر حتى لصقت في صدره ولف يده عليها ويده التانيه شاد سلاحه كالعاده، وطلعو من الغرفه والناس كلها تشوفلهم تخبت نوران من عيون الناس في صدره عكس قيصر اللي كان يمشي ومش مهتم لي اي حد. 💪🏻
ركبو في السياره حتى ساد الهدوء بينهم ومافيش غير صوت انفاس نوران البطيئه التاعبه وانفاس قيصر الهاديه