عشق بلا رحمة (( روايات ليبية)) 🔞🔥🔥🔥

🔥🔥الحلقة الثامنة🔥🔥

#عشق_بلا_رحمه 🔥
البارت 8
نوكوميس"فتاة القمر" ♕

________________________________

عقدت نوران حاجبها وهيا تشوف للبنت كيف تحضن في قيصر بقوه ،  وهيا مزالت مش فاهمه شيء حست نفسها بدوخ ومحتاجه هواء طلعت من دون ما ينتبه قيصر الانه مش منتبه لي حد.. 
قربت مها ام تولين حتى تسلم ع قيصر مدت يدها بس قيصر حط يده في جيب بنطاله وبدون مايشوفلها تكلم بنبره حاده
قيصر:  شن جابك انتي اهني؟؟
مها: تولين مريضه شويه،
قيصر شاف وراه مالقاش نوران عقد حواجبه ورجع شاف لي مها
قيصر: خودي تولين وبري .. ولتفت عشان يطلع بس وقفاته مها بصوتها
مها: تزوجتها انت؟
لتفت قيصر عليها: مادخلكش نهائيا بالموضوع
مها: تولين بري قعمزي ع الكرسي وتو نجيك
مشت تولين تجري بجسمها المكعبر
مها: اني معاش نقدر نتحمل قتلت راجلي ويتمت بنتي ورملتني واني مزلت صغيره
قيصر: الخلاصه؟ بعدين اني شن منقصه عليكم؟
مها: مش قصة فلوس
قيصر: امالا شنو
مها: من فتره تعرفت ع واحد ليبي وعرض عليا الزواج واني وافقت بس طلب مني انه تولين تقعد عندكم ومافيش غيرك
قيصر: بتتخلي ع بنتك؟
مها: ح نزورها كل شويه
قيصر بنبره حاده: انسي من اليوم انه عندك بنت.. 
مها:  لا قيصر ماديرش هكي
قيصر:  اني مادرت شيء انتي اللي درتي
مها:  قي.. 
قيصر قاطعها بنبرته الحاده:  تولين تعالي بنتي
مها بعيون مدمعات:  انتم ابشع عيله شفتها في حياتي انت وخوك الكلب
جت تولين لي قيصر تجري شدها في حضنه وطلعوا معاهم بينما قعدت مها تشوف لي بنتها وساكته تتفرج ع بنتها اللي مشت من بين يديها ع خاطر زواج يمكن يكون فااشل

_________________________________

ركب قيصر في السياره وحط تولين في حجره شاف لي نوران اللي متكيه ع الشباك وساكته مافيش غير صوت انفاسها الغير منتضمه،شن يصير؟ مافيش حد فاهم
حست نوران بصوت تولين وهيا تهدرز في قيصر وهوا يرد عليها بانسجام واضح انه كانت علاقتهم اقوى من اب وبنته
داخل نوران مشاعر فتاكه مش مفهومه هل هيا غيره؟؟ او انها حاسه نفسها رخيصه عند قيصر! لا لا لا هاذي الفكره نوران حولها من راسك خليك ع الفكره الاولى الواضح انك غايره 🔥 انها نيران الغيره..

تولين: بابا
قيصر يسوق: نعم
تولين: منو هادي؟ وأشرت ع نوران
بينما نوران كانت تسمع وساكته
وشوشها قيصر في وذنها بصوت وااطي
تولين: محلاها لكن خيرها ساكته
قيصر: مريضه
تولين: باهي خيره..
قيصر: شن رايك تسكتي
تولين: اممباهي لكن وين ماما خيره ماجتش معانا؟؟
قيصر: بعدين نقولك
تولين: اصلا اني عارفه انها بتتزوج واحد تاني وبتخليني صح
قيصر: صح
استغربت نوران ع ذكاء البنت كيف في عمر صغير وفاهمه انه امها بتتزوج! لحظه نوران لو عيا بتتزوج يعني مش مرت قيصر؟ابتسمت نوارن بروحها لما عرفت انها مش مرت قيصر لكنها من تكون؟؟؟
اووف رجعت تكت ع الكرسي وغمض عيونها هاربه من نضرات قيصر
___________________________________