عشق بلا رحمة (( روايات ليبية)) 🔞🔥🔥🔥

🔥🔥الحلقة السابعة عشر🔥🔥

#عشق_بلا_رحمه
البارت 17
نوكوميس♕فتاة القمر♕

__________________________________

طلعو الشرطه بقيصر ونوران تشوفله من بعيد مش قادره دير شي،  بنظرات عيونه كأنه كان يقوللها استريحتي مني نوران ليك الحريه.،
"ومن قال انها اتريحت؟  ولا ذاقت طعم الراحه اصلا!  بالعكس هيا زادت تعذبت،  "

حازم، جوزيف، احسان، كلهم واقفين مش قادرين يديرو شي،  الانهم عارفين انه ح يصير شي زي هذذا في يوم من الايام وبرغم من انهم حاولو يقنعو قيصر بأنه يهرب بعييد بس ماكنش قادر يطلع برا من باب القصر كونه نوران مش معاه.

طاحت نوران ع الارض حتى تجي سكينه تجري ومعاها كميليا وبتوول يفيقو فيها.  بينما هيا كانت في عالم تاني او يمكن صارلها انهيار من اللي تشوف فيه. 

______________________________

وزي ما كان القصر مصدوم من اللي صار برضو كانو مصدومين من اللي قلاته ارجوان، هل سامي الطيب الحنون هكي يطلع منه؟؟  كلام مايصدقاش العقل،

خبطت ارجوان برجلها ع الارض حتى تقول بنبره هزت القصر..
ارجوان:  مش ح يقف كل شي لي عند اهني، معليشي اني مجبوره نحكي. 
حازم شافلها بنضرات، بمعنى شن تقوولي؟؟ 
بس ماعطتاش اهميه حتى ترجع تقول بنبره مستفزه ونوران مقعمزه ع الكنبه تشوفلها وعيونها دمووع
ارجوان:  انتي اكثر وحده كنتي غبيه، الشخص اللي انقدك هوا قيصر الشخص اللي انتي مديونه ليه هوا قيصر وجي الوقت باش ترديله دينه.
نوران تشوفلها وساكته... 
جوزيف شدها من مرفقها:  ارجوان؟
ارجوان شافتله حتى تقول برفعة حاجب:  ها ارجوان شني!  مش هاذي الحقيقه؟  ، رجعت شافت لي نوران
ارجوان:  خوك اتفق مع سامي انهم يبيعوك للدعاره بثمن وياخدو حقك فلووس بس قيصر الانه يحبك ماسمحش انه يصير هكي وعاقب سامي وخوك.  نوران انتي مديونه لي قيصر توا بااش طلعيه من السجن
حازم:  انتي غبيه؟؟  قيصر بتليفون واحد يديره يقدر يطلع من السجن وبدون ماحد يكلمه
ارجوان:  اي صح،  بس ح تفرق هلبااا لما نوران تطلعه. 
احسان: اني مش فاهم شي.
ناضت نوران من جنبهم  ، لي غرفتها وخلتهم غارقين في تفكيرهم.

__________________________________

بتول سكرت الباب وتكلمت وهيا تشوف لي جوزيف:" انتم مستحيل تكونو عيله طبيعيه ع فكره.
جوزيف رفع حاجبه بمعنى شن تقولي؟
بتول:  اي خيرك هكي تشوفلي!  بجديات انتم عيله من طراز اخر.
جوزيف: شن رايك تتغطي وترقدي الاني مش رايقلك تواا؟؟
بتول: وانت بترقد!
جوزيف: لا اكيد مش ح يجيني نوم وقيصر راقد في سجن
بتول: قيصر قوي ماينخافش عليييه
جوزيف: اي صح هوا اكثر شخص قوي ولولا اصلا احني ولا شي
بتول سكتت بعدم فهم من كلامه
جوزيف: هوا اللي ربانا وتكلف بينا، اهتم بينا هلبا رغم انه قاسي بس كان مايحبش يبين طيبة قلبه
بتول بفضول: جديااات! وين امك بوك باش رباك قيصر؟
جوزيف شافلها بطرف عين وحدف عليها المخده: ارقدي ماتنفخيش راسك بوجع قلوبنا.
بتول: اي براحتك
اتكت بتول ع السرير وفي يدها هاتفها وكل شويه تراقب في جوزيف وتحركاته وهوا مقعمز ع الكرسي ومركز في الاب توب كوييس. فجأه سكر الاب توب وتنهد بتعب.
قرب بخطوات بطيئه،  حتى يقعمز ع السرير جنب بتول اللي كانت تبين انها مش مهتمه بيه
جوزيف خدي منها الهاتف.
بتول: لااا وعلاش باهي
حدف الهاتف ع السرير، وحط راسه في حظنها حتى.يقول بنبره تاعبه
جوزيف: خليني شويه بتوول.
بتول،!!
"شن ح نحكي ع بتووول اللي كانت مصدومه من جوزيف وحركته الغريبه،تفرح ولا تعيط، حست بنفسه بدي منتظم يعني رقد، حطت يدها بتردد ع شعره حتى تمررها بين خصلات شعرها السوداء، استسلمت لي جوزيف وسكرت السهاره ورقدت وهيا حاطه يدها ع رقبته ❤❤."