عشق بلا رحمة (( روايات ليبية)) 🔞🔥🔥🔥

🔥🔥الحلقة العشرون🔥🔥

#عشق_بلا_رحمه
البارت 20
نوكوميس ♕فتاة القمر♕

___________________________________

صوت خطوات رجلين هاديه،صوت اشخاص يتكلمو بهدوء مش قادره تفتح عيونها،ف كل محاولة تفتحهم حست نفسها في بير ومش قادره تنوض منه!! اذا هيا وين وشدير اهني؟.
فتحت عيونها وصوره مشوشه قدامها،تشوف في اشخاص لابسين ابيض يدورو جنبها ريحة الدواء والمعقمات،خلتها تفيق،حتى صوت جهاز القلب اللي اعلن على وجود شخص لازال حي، واخيرا قدرت نوران تجمع كل المعلومات والاحداثيات وتفهم انها هيا في مستشفى!

وقف دكتور، على نوران وهوا يتفحص في عيونها كويس حتى يقول لي للمرضه اللي جنبه
"بدت تستاقض"
ردت الممرضه بدورها" اذا اني ح نطلع نطمن عيلتها"
شافلها الدكتور: من هما عيلتها؟ جابها راجل وبعدها معاش جي!
الممرضه: لا جي توا شبحته،شكله راجلها خلي نفرحه.
الدكتور: بري اجري معناها.

طلعت الممرضه حتى طمن آنذاك الشخص اللي واقف في بداية الممر،وحاط يديه في جيوب بنطاله. ويراقب في اللي صير بصمت.
لحظات وقفت بجنبه الممرضه وهيا تقول بصوت ناعم"الحمد لله ع سلامتها والف مبروك ليك جوك توأم ولاد"
شافلها بنضراته الحاده حتى خلت الممرضه اللي ماليهاش علاقه بشي ترتبك وتفوت من جنبه وهيا تهدرز في روحها من الخلعه.
وقفها صوته الخشن،حتى تتجمد هيا في مكانها وكأنه حد صب عليها ميه بارده.،ومن ثم سمعت نبرته وهوا يقول" وين الحظانه؟"
الممرضه لتفتت عليه: الحظانه؛ في ال،
الممرضه كانت مرتبكه ومش فاهمه شن تقول، واخيرا استجمعت قوتها ورجعت قالت
"في الدور التاني ع يمينك تلقى الحظانه"
انهت الممرضه كلماتها وامشت بينما لتفت قيصر وركب بسرعة البرق للدور التااني.

نوران حطت يدها ع الجرح وهيا حااسه بألك فضيع مش زي الم المره الاولى ابدا،للحظات حست نفسهاا بتموت من الوجع،نوران اللي تحملت اكبر الأوجاع،اكيده مش ح توقف عند الم يعتبر بسيط قدام الالم اللي مرت بيها.

وقف كل شي لحظه وهيا تذكر في اللي صاار،دماغها وقف حست بقلبها ح يقوف نبضاتها بدت مش منتظمه،خافت لي كونه قيصر ح يدير شي لي ولادها وهما بروحهم في الحظانه،يقدر توا يطلعهم بكل سهوله من المستشفى من غير ماحد يكلمه ويدير فيهم شن يبي،ويقدر يقتلهم قدام الجميع توا! ويقدر يحطهم قدام جامع او في دار الايتام،ومش مهتم. اكيد ح تكون جميع الاساليب ساهله لي واحد ماعنداش في قلبه الرحمه.
وقفت نوران رغم الالم بس مش حاسه بشيء حولت الكالونا اللي في يدها ياذوب قدرت تلبس وشاحها. وتطلع من الغرفه وتمشي في الممر بخطوات متعثره،اقسم بأنه المرات اللي طاحت فيهم كانو اكثر من المرات اللي وقفت ومشت فيها.
مش عارفه كيف قدرت تركب من الدروج رغم وضعها الحرج بس فيه نيران داخلها من وقتها ماقدرتش انها توقف ولا لحظه. بدت تمشي تمشي تمشي وتمشي الا ان وصلت للحظانه.
وقفت قدام الباب الكبير والالم كاد ان يفتكها،ياذوب كانت قادر تتنفس طاحت ع الارض لي مجرد ماشافت انه قيصر واقف عليهم وشاد واحد منهم.ويمرر في صبعه ع خده.❤
هل  هي حنيه! ام انها بداية العذاب.!!
بينما نوران كانت تلهث في انفاسها تكلم بنبره حاده،وهوا عطاها بضهر ومزال ولده بين يديه.
قيصر: شن نوضك من مكانك؟؟
تسمعله نوران وهيا مش فاهمه كيق حس بوجودها،غقط اكتفت بصمت.
رجع قيصر ولده لي مكانه ومسح ع شعره حتى يقول بهمس مخيف: جايكم يوم لطلما خليتو حبيبتي تتعذب.
من حرارة الكلمات وقفت نوران وهيا من شويه كانت بيغمى عليها الا ان تأثير مفعول الكلمات كان قوي عليها هلبا.
ابتسم ابتسامه مخيفه ووقف قدام نوران ويشوفلها من فوق للي لوطه،حتى ركز على رجليها الباينات من لوطه،ف قرمبيول العمليه كان جايها قصير.
قيصر: انتي كيف تطلعي هكي؟ مش خطر عليك،!
نوران: شن بديرلهم؟
قيصر بغباء مصطنع: من هما؟
نوران: اولادي شن بديرلهم؟
قيصر تجاهل سوؤالها: هي انزلي.
نوران: جاوبني؟
قيصر: مانحبش الكلام،نحب الفعل وانتي عارفه.
نوران: ق..
ماكملتش كلامها الا ان قيصر رفعها على بين يديه،ونزل بيها قدام الناس بدون مايهتم لي نضراتهم... عكس نوران اللي كانت محرجه من تصرفاته.