عشق بلا رحمة (( روايات ليبية)) 🔞🔥🔥🔥

🔥🔥الحلقة السادسة عشر🔥🔥

#عشق_بلا_رحمه
البارت 16
نوكوميس ♕فتاة القمر ♕

خرج ولم يعد، في حين طلع قيصر هوا وحازم في الليل الساعه 1 بتاريخ 27 _2  رجع حازم في ذات النهار الا قيصر اللي رجع يوم 15 _3

كانت مده كفيله انها تخلي نوران لما تشوفه ح تحظنه وتبوسه،تماما زي توا

نوران: وين مشييت؟؟! علاش كل هالمده خيرك متغير؟ ضاعف هلبا! ولحيتك طاوله هلبا. شن دارو فيك وعلاش يديك جرووح؟. خيره صدرك علامات،قيصر رد عليا!

قيصر يشوف لي معذبت قلبه اللي كانت لابسه قفطان نوم قصير هلبا ومضبوط عليها،
وقفت نوران قدامه وهيا تتلمس في جروح وجها بينما هوا كان يشوفلها
نوران: قيصر؟
قيصر يشوف لي عيونها وساكت
نوران: بديت تخوف فيا قول شي خيرك ساكت؟
قيصر: شن بنقوولك؟ هوا انتي جميله من ربي ولا عيوني الانهم يحبوك يشوفو فيك اجمل في وحده في العالم
نوران: اني وين وانتي وين؟
قيصر: اني اهني مكاني، وحط يده ع قلبها،
بينما نوران كانت ياذوب قادره تتنفس لي هدرجه كانت دقات قلبها عااليه بدرجه انه حتى قيصر سمعها
نوران تحاول تسيطر ع نفسها: وين كنت كل هالايام؟
قيصر تكلم بجديه: كنت محبوس وهربت من السجن.
نوران: هربت! كيف يعني احتمال يجو ياخدوك مره تانيه!
وهكي تزيد عقوبتك وبدل ماتقعد سنه تقعد سنتين
قيصر: محاميه شاطره
نوران: نتكلم بجديات
قيصر: واني مانبصرش معااك
نوران: هما عذبوك هكي؟
قيصر شافلها وبدون مايرد عليها و طلع من الغرفه
نوران خبطت برجلها ع الارض: اووف يااااربي ساعدني.

_____________________________________

ايناس: خيرك عطلتي؟؟
سكينه: تعرفي انتي الطلوع من القصر مش سااهل،
ايناس: باهي خشي
خشت سكينه مع ايناس.
ايناس: ها شن حال بنتي وشن صاير في القصر؟
سكينه: بنتك حالها باهي،لكن صاير شي تاني واني خايفه
ايناس بخوف: شن فيه تكلمي؟
سكينه: ارجوان
ايناس: خيرها
سكينه: مش ناويه ع خير بككل والواضح انها تعرف حاجات وبتقولها
ايناس: حاجات زي شني؟
سكينه بلعت ريقها وشافتلها: عرفت بقصة نوران واحسان
ايناس حطت يديها ع راسها ووقفت: يااااربي لا بالله عليك قولي غير هالكلام.
سكينه: يااريت لكن عرفت القصه كلها
ايناس: منو قاللها ومافيش حد يعلم بالقصه غيري وغيرك اكيده انتي قولتي!
سكينه: متخافيش ماجبتش سيرتك في الموضوع نهائيا
ايناس: لالالالالا بندوووخ يااربي ساعدني في مصيبتي
سكينه: وعلاش هيا مصيبتك برووحك؟ ره حتى اني معاك في كل شي!
ايناس: خايفه ع بنتي يديرولها شي، بتول ماليهاش علاقه بشي
سكينه: وعلاش اني خير منك؟ هددتني ببنتي هذيكا الكلبه
ايناس: ارجواان مش سااهله بس اني نعرف كيف نتعامل معاها
سكينه: شن بديري!
ايناس: اقسم بالله لو وصل فيا الموضوع او بنتي صارلها شي ح نفظحها هيا وحازم
سكينه: شن قصدك؟
ايناس: نوضي روحي قبل مايجي فرج ويشوفك
سكينه: هوا هذا اصلا حتى اني مانقدرش نعطل ع القصر
هي بسلامه
ايناس وصلت سكينه لي الباب: خليك متواصله معاي وشوفي بنتي كويس.
سكينه:ولا يهمك، هي سلامات
ايناس: بسلامه، سكرت ايناس الباب وخشت وهيا تفكر شن ممكن ادير بس فيه شعوور الندم بيقتلها من الداخل للحظه ذكرت كل شي صاار معاهم.