عشق بلا رحمة (( روايات ليبية)) 🔞🔥🔥🔥

🔥🔥الحلقة الخامسة عشر🔥🔥

#عشق_بلا_رحمه
البارت 15
نوكوميس♕فتاة القمر♕

_________________________________

الصدمه كانت صدمتين قيصر وهوا يشوف لي عيونها ضعف ومعاش قدر حتى يتحرك وين الوحش اللي داخله؟ وين الشخص القاسي الجامد اللي كان من شويه مع الاسف كلمات نوران كانت ح تقتله حزن مش فرح،تعرفو وعلاش؟ الانه قالتها وهيا مش واعيه ف بتأكيد لو كانت واعيه كانت مش ح تقول. 💔🔥
حطت نوران راسها ع صدره حتى ياخد قيصر الشيشه من يدها ويحطها جنبه ع الطاوله... تنهد بعمق وهوا واقف مش عارف لو يبادلها الحظن! او يصفعها عشان تنوض! كل اللي داره انه رفعها بين يديه ويمشي بخطواته الثابته ديما لي الغرفه.
كم تمنى انه نوران قالت الكلام هذا وهيا بكامل قواها العقليه.

حطها ع السرير ف فتحت عيونها بشويه وهيا تشوفله
نوران: قيصر
قيصر شافلها وهوا ساكت بس كان يراجي في اي جحيم ح تلقيه بيه المره
نوران ياذوب قدرت تتكلم: خليك ماتمشيش
بلع قيصر ريقه وغمض عيونه بتعب وهوا يحاول يسيطر ع هدوءه.
دار قيصر ضهره بعدم اكثرات لي كلامها او صوتها،حدف بنفسه ع الكنبه الانه بالفعل معاش قادر يتحرك، خلينا نقولو هالمره قيصر فقد كل طاقته واستنفدتها نوران بغبائها وعنادها ولسانها وافعالها، بس لطلما حاول قيصر انه يبعدها عليه كل ما قرب منها بدون مايحس. لي اول مره بعد سنين حس قيصر بأنه تاعب ومش قادر حتى يفتح عيونه .

_________________________________

بينما في اليوم التاني ناضت نوران وهيا تحس بألم في راسها كان مش طبيعي، وكانت في الوقت ذاته مش فاهمه شن اللي يصير كل ما تحاول تذكر تحس براسها بيوجعها اكثر. شافت للغرفه كانت مختلفه هاذي مش غرفة نوران؟ هاذي غرفة تانيه، هيا وين وشن اللي قاعد يصير. ناضت بصعوبه من السرير حتى تتقدم بخطواتها الضعيفه ع الشباك بس وقتها عرفت انها مش في القصر،اذا يا أما فيه حد خطفها او قيصر يوفي بوعوده الان!!
وع الاغلب كان الاحتمال التاني هوا الاصح. حاولت نوران وبشتى الطرق انها تنادي لي حد يساعدها او انها تحاول تفتح باب الغرفه، بس مع الاسف كانت محاولاتها فاشله حتى استسلمت كالعاده. بعد ما طاحت ع الارض والالم ينهك في جسدها،

___________________________________

ارجوان: نمووووت ونعرف سكينه وعلاش خشت لي دار جدي في الليل؟؟
جوزيف: مادخلناش بيهم
ارجوان: انت تقول هكي بس اني لازم نععرف الاني ح نموت لو ماعرفتش، بعدين لازم نشد جدي من يده اللي بتوجع.
جوزيف: تعالي وين ماشيه؟
ارجوان خدت هاتفها ووقفت: بنلعب اني وسكينه شويه
جوزيف: تحبي ادخلي روحك وعلاش؟
ارجوان: مادخلكش والهى في مرتك وحبيبتك 🙂
جوزيف: تافها..

_______________________________

خشت ارجوان للمطبخ حتى توقف سكينه وبنتها جنب بعض ع اساس احترام وهكي. اشارت ارجوان بصبعها سبابه لي سكينه عشان تتقدم بدورها قدام ارجوان
ارجوان: سكينه، انتي اكيد ماتبيش بنتك توا يضيع شرفها صح!
سكينه شافت لي ارجوان بخوف وصدمه وكذلك ايلا كانت خايفه
كملت ارجوان بذات النبره: وماتبيش بابا يلزك من القصر ويحرمك من المعاش ويقتل راجلك المقعد.
ومزالو اتنين مصدومين،حتى تكلمت سكينه بنبره خايفه
سكينه: شن تبي مني؟
ارجوان: اطلعي انتي، كانت قصدها ع ايلا،وبالفعل طلعت ايلا تجري
سكينه: شن فيه؟
ارجوان: شوفي يا سكينه انتي ربيتني وتعبتي عليا وزي امي وهكي يعني،بس اني مايهمنيش هذا كله قد مايهمني وعلاش خشيتي لي دار جدي يومها وفي الليل متأخر
سكينه: اني خشيت؟
ارجوان شدت سكينه من رقبتها : تكلمي خيرلك واقسم بالله بنتك اللي واقفه برا توا نخلي واحد من الحراس يتعدي عليها.
سكينه: احووو احووو،
ارجوان بعدت عليها، بينما سكينه قعدت دلك في رقبتها.
سكينه:بالله عليك اعفيني منه الموضوع والله جدك لو عرف يقتلني.
ارجوان:جدي مش ح يعرف لاني مش ح نقوله لكن اللي بيقتلك هوا اني.
سكينه: ارجوان..
ارجوان: قاعده محترماتك الى الان ف يايريت تحترمي نفسك وتتكلمي
سكينه هزت براسها بمعنى بااهي ومن اهني بدت تسرد في القصه. وارجوان تسمع بانتباه....