عشق بلا رحمة (( روايات ليبية)) 🔞🔥🔥🔥

🔥🔥الحلقة السابعة🔥🔥

#عشق_بلا_رحمه
البارت7
نوكوميس"فتاة القمر"♕

_____________________________

قيصر واقف ورا الباب" نوران! "
نوران فتحت  الباب" لا مافيه شيء يمكن بارده.
قيصر يمشي وراها: طبعا بتبردي ماهو قتلك اني البسي حاجه كويسه صقع
نوران: باهي خلاص ماتكبرش الموضوع اطفي الضي بنرقد!
قيصر.تجاهل كلامها حتى يحط يده على جبهتها يتلمس اذا كان عندها حراره " مافيكش حراره"
نوران:بطل تعملني زي الصغار
قيصر؛ ومن قال انك كبيره؟؟
نوران: اني قلت
قيصر حضنها: اخخ بنتي السمحه استاحشتها... وباسها من راسها..
بينما بادلااته نوران الحضن وابتسمت مستغربه تصرف قيصر الغريب وين الهزايب؟ وين الضرب والقتل
نوران شافتله: حي خيرك تقول في كلام قنين كان مابتموت وتودع؟؟؟ 🙂
قيصر: عينك مانمشيش ونخلي بنتي ♥
نوران تساويله في جاكته: قصدي عادي كان بتموت نعيش بروحي ره 🙂
قيصر: سكري فمك خير مانقلتك،توا
نوران بعدت عليه حتى تتكا ع السرير: اطفي الضي قتلك
قيصر: انتي امتى نضتي باش ترقدي؟؟
نوران: امس مارقدتش كويس
قيصر طفا الضي وفتح الباب عشان يطلع، بينما تكلمت نوران عشان توقفه...
نوران: قيصر .. خليك معااي باهي ❤
في كل مره كان يحاول مايضعفش قدام نبرة صوتها الناعسه لكن مايقدرش كان قلبه ضعيف ديما، رجع بخطوات هاديه للخلف ورقد جنبها حتى تخش في صدره بسرعه لف يديه عليها وهو يشتم في روحه،وين قساوتك؟ وين مشت فجأه!_تلاشت قدام صوتها الناعس .

__________________________________

كانت على حافة الانتحار لما حطت رجلها ع البلكونه ورمت نفسها زي ماترمي قشرة موزه ع الارض بدون اهتمام...
كان مجبره مكانتش قويه باش تنتصر ع الجميع كانت اكثرهم ضعف من الداخل واقاوهم من الخارج،

بينما كان جوزيف مقعمز في مكتبه فتحت الخادمه الباب بدون ماطق وكانت اول مره تتصرف هكي
شافلها جوزيف بعيون قادره تنهيها ف تكلمت رغم الخوف بتعلثم
سكينه: اسفه ان خشيت هكي بس كميليا خانم طيحت نفسها من البلكونه..
وما أن انهت سكينه كلامها حتى يطلع جوزيف من مكتبه بدون وعي بدون تفكير حتى، مخلي وراه سكينه ترعش

الدم تحت رجليها واضح انه نزيف صارلها من الطيحه حتى راسها كان ينزف كانت طبيبة تعالج في الجميع بس مالقتش من يعالجها،
جوزيف حط راسها ع رجلها يحاول يفيقها بشتى الطرق
" كميليا نووضي كميليا تسمعي فيا نوضي
بس مكانش في رد طبيعي ح يكون مافيش رد،منها الانها نتقلت للعالم الاخر، كان جوزيف وقتها غبي هلبا لدرجه انه يصب عليها في الميه عشان تفيق..
استوعب غبائه وفهم انه كميليا مش ح تنوض بطريقه العبيطه هاذي، ف خداها ورفعها للمستفى..

____________________________________

في سنة 2000

سكرت وذانها تحاول ماتسمعش صوت عياط امها وبوها صريخهم العالي كان ح يفجر طبلة اذنها مش ح يبطلو عياط؟ امتى ح ترتاح ويكون عندها عيله عاديه بسيطه زي صحباتها؟... طلعت من الدار الا الدار التانيه حتى تفتح الباب وتخش منه بينما كان قيصر مقعمز ع السرير بهدوء ويقرا في كتاب وكأنه مافيه شيء،
ارجوان: انت كيف قادر تكون ب هالبرود كله
قيصر وعيونه في الكتاب: نعطيك منه.؟؟
صوت رصاص!!
سكر قيصر كتابها ما إن سمع الطلقه وطلع يجري، ولحقاته ارجوان،
فتح القيصر باب الدار وهو يلتقط في انفاسه،شن اللي يشوف فيه حقيقه ام كذب؟؟ هاذي امه اللي طايحه ع الارض والدم ينزف منها؟؟ وهذا بوه اللي شاد سلاحه؟
ارجوان عيطت بقوه: ماما ااااااااااااااااااا
بينما قيصر يشوف لي بوه،اي نضره بتشوفله قيصر؟ نضرة الكره او الحقد الانه قتل امك؟
ارجوان تضرب في قيصر: قيصر ديييير شيء ماتخليش ماما هكي ماما بتموت قيصر،
شاف لي امه الملوحه عالارض ف القى نضره للدار بحيث كانت امه مجهزه شنطتها! وين كانت ح تمشي وهيا مقطوعه من شجره!!!!
كانت بتهرب مع عشقيها هذا ماقاله فتحي لي صغاره يوم وفاة امهم مش معروف اذا كان يبرر في موقفه او كلامه صح؟