عشق بلا رحمة (( روايات ليبية)) 🔞🔥🔥🔥

🔥🔥الحلقة الحادية عشر🔥🔥

#عشق_بلا_رحمه
البارت 11
نوكوميس♕فتاة القمر♕

_________________________

فتحت نوران اول فيديو جي قدامها بس نصدمت لما سمعت صوت رصاص جاي من لوطه سكرت الاب توب ونزلت تجري نست الفلاش وكل شي،  نزلت من الدروج في مره وحده عشان تشوف شن اللي يصير،  وقفت مش فاهمه شي وهيا تشوف لي السيارات المصفحه تقريبا كانو سته او خمسه سيارات ورا بعض كان جوزيف واقف وحازم جنبه وتولين تتفرج من البلكونه كذلك فتحي لي تقدم قدام السيارات عشان يستقبل هالشخص اللي نزل من السياره وكان كبير شوية ومتأنق بلبسه رسميه سلم ع فتحي بالاحضان وشوية ونزلت بنت في منتصف عمرها كانت مش متحجبه وشعرها لونه برتقالي قصير وحواجبها برتقليات وبيضه هلبا يعني كانت صهباء،  قصيره وضعيفه لابسه كبوط وسروال جينز وسبيدرو وشال.  سلمت ع عمها فتحي وخشو  

نوران: بس حازم
حازم:  شني
نوران:  مني هاذم؟
حازم:  عمي وبنته ايفانا
سكتت نوارن وهيا الطالع فيهم بصمت حتى خشو وسلمو عليهم سلام عادي وعرفهم فتحي ببعض... 
احسان:  اذا هاذي زوجة قيصر؟
فتحي:  اي هيا
احسان:  عظم الله اجرك في،  زوجك
اعتقد انه قالها بهزوه.
نوران:  شكر الله سعيكم
احسان شاف لي تولين.. 
احسان:  هاذي بنت سامي صح سبحان الله نفس لون العيون.
شافتله نوران بصدمه مش مصدقه اللي تسمع فيه!!  اعتقد انه احسان جاي بيفضح كل شي مانحكيلكمش قداش كان احسان يشبه من ارجوان هلبا في افعاله وكلامه وهلبا حركات حتى شكله.
انسحبت نوران من جنبهم وهيا على حافة الانهيار، وهيا في طريقها لي غرفتها تلاقت بكميليا
نوران:  كميليا؟ 
كميليا حظنتها:  مشيت لي دارك مالقيتكش
نوران بادلتها الحظن:  كميليا  نتكلمو بعدين توا مش في مزاجي
كميليا:  تمام براحتك
امشت نوران لي غرفتها،  وقعمزت ع السرير حاطه يديها ع راسها وافكارها مضربه، بس مانتبهتش لي الفلاش اللي اختفي فجأه!!  من اللي ممكن يكون خداه؟؟ 

"نوران قدرت تشد اول خيط من انه سامي كان يضحك عليها،  !  بس مش قادره تحول فكرة انه سامي طيب وكويس ومستحيل يكذب عليها"

____________________________

ايفانا:  بابا تعبت
احسان حاط رجل ع رجل : فتحي وين بترقدنا؟🙂
ارجوان بملامح مستفزه: في نار جهنم
احسان:  اجمعين بنية خوي 👊🔥
ارجوان سكتت وفي بالها تقول،  اول مره حد يقصفني هكي
حازم يشوف لي ايفانا ويفصل فيها تفصيل..حتى انتبهتله ارجوان اللي بدت الغيره تنهش داخلها كانت تشوف وساكته
فتحي: اكيد دايرلك جناح ليك انت وبنتك تفضل
احسان: هي تصبحو ع خير، فتحي غدوه بنشوف بوي تجي معاي
فتحي: لالالا اعفيني منه خود معاك واحد من الولاد
جوزيف: اني قاعد عريس 🙃
حازم: واني غدوه عندي عمل بكري
احسان: ح نرفع معاي ارجوان
ارجوان سكتت بدون ردة فعل الانها كانت تشوف لي حازم اللي كان يبتسم لي ايفانا
ارجوان بغيض: حازم
حازم شافلها بدون مايرد
ارجوان: هاتفي مش عارفة خيرها قعد فوق في الدار تعالى شوفه .. انهت كلامها وامشت من جنبهم.. حتى يلحقها حازم برغم من انه عارفها تكذب
انسحب كل حد لي داره، ف جوزيف امشي لي داره، واحسان وايفانا امشو لي جناحهم .