" ဘယ်ကနေဘယ်လိုရောက်တာလဲ
ခဗျား! "
" ကိုယ် ဒေါက်တာကိုသတိရလို့လေ "
မျက်စောင်းနုနုတွေနဲ့သူ့ရင်ကိုပိတ်ထိုးနေတဲ့ ဒေါက်တာမျက်လုံးတွေကသူ့အတွက်ဖြေဆေးမရှိတဲ့ ရောဂါဆိုတာ ဒေါက်တာသိပါရဲ့လားဗျာ...။
" ဘာလာလုပ်တာလဲဆို!
ကျွန်တော် ဂျူတီမပြီးသေးဘူးလေ ခဗျားရယ် ! "
သူ့ကိုကြည့်ပြီး တွေငေးငေးလေးဖြစ်နေတဲ့ထိုလူကြီးကို မျက်ဝန်းချင်းအကြည့်စုံစေလို့ သူကစကားဆိုမိသည်။
" ကိုယ်မစ်ရှင်းတစ်ခုအရေးပေါ်သွားစရာရှိလို့ ဒေါက်တာ "
" ဟင် အခုလား"
ထိုအခါမှ သူကဝတ်စုံအပြည့်ဝတ်ဆင်ထားပြီး သူတို့ဆေးရုံအရှေ့မှာစောင့်နေတဲ့စစ်ကားကြီးကိုတစ်ချက်ကြည့်မိခဲ့သည်။ထိုလူကြီးကိုပါ အဆင်ပြေနေရဲ့လားဆိုပြီး သူကအခုမှထိုလူကြီးကိုပါ အကဲခတ်လို့ကြည့်နေမိသည်။
" ကိုယ် အဆင်ပြေပါတယ်ဒေါက်တာရဲ့၊စိတ်မပူနဲ့နော် "
" အင်း..."
နှစ်ဦးသားအကြား တဒင်္ဂတိတ်ဆိတ်သွားတဲ့အခြေအနေက အရမ်းထူးဆန်းလို့နေနေသည်။ဘာဖြစ်သွားမှန်းမသိတဲ့သူ့ရဲ့စိတ်အခြေအနေနဲ့ဘာဆက်ပြောမှန်းမသိတဲ့အနေအထားတစ်ခုကို ဂယောင်ဆူးက ရင်မဆိုင်နိုင်စွာ၊ဝမ်းနည်းစိတ်အချို့နဲ့ သူခံစားနေခဲ့ရသည်။
" ဒေါက်တာ ကိုယ့်စီလာပါအုန်း "
" အင်း.."
ရင်ခွင်ကျယ်ကြီးဖွင့်ပေးကာထားတဲ့
ထိုလူ့အနား သူကတိုးလှမ်းလို့သွားခဲ့ပြီး ထိုလူ့ရင်ခွင်ကျယ်ထဲဝင်တိုးမိခဲ့သည်။
" ကိုယ့်ကိုလွမ်းနေမယ်မလား ဒေါက်တာ"
" အင်း..."
" ကိုယ်အားတာနဲ့ ဒေါက်တာစီ ဖုန်းဆက်မယ်နော် "
" အင်း..."
" ကိုယ့်ကို သတိရနေပေးနော် "
" အင်း..."
"ကိုယ့် ကိုအများကြီး...
စိတ်ပူမနေနဲ့နော် "
" အင်း..."
ရင်ခွင်ကျယ်ထဲ ထိုလူ့ရင်ဘတ်နေရာမှာ
ဘေးတစ်စောင်းလေး ခေါင်းမှေးမှီတင်ထားနေရင်းထိုလူကြီးရဲ့ စီးချက်ညီညီနှလုံးခုန်သံလေးကိုတိတ်တဆိတ် နားထောင်နေမိသည်။ပြီးတော့ ထိုလူကြီးရဲ့ကိုယ်သင်းရနံ့ရယ်၊နွေးထွေးမှုအပြည့်အဝပေးနိုင်တဲ့ ထိုလူကြီးရဲ့သူ့အပေါ်ချစ်ခြင်းမေတ္တာနဲ့စိတ်လုံခြုံမှုအနွေးဓာတ်တွေကို တစ်ဝကြီးရူရှိုက်လို့နေမိခဲ့သည်။
YOU ARE READING
Army head & Doctor { Completed }
RomanceI will love you until the last breath leaves your body or mine... မင်းဖြစ်စေငါဖြစ်စေ နောက်ဆုံးထွက်သက်ကိုရောက်လာသည်အထိ ငါမင်းကိုချစ်သွားပါ့မယ်... #cover by mayalinkar❣️
