𝐈'𝐦 𝐒𝐨𝐫𝐫𝐲ʲᵏᵏ |✔|

22. Уучлаарай [ending]

"Японоос оролцож буй багийн *** Солонгосын багийн Пак Жиминийг хүнд цохилтонд оруулж багтаа ялалтыг авчирлаа!"

Солонгосын талаас сүүлийн дэвжээнд гарч ирсэн багийн сүүлчийн болон хамгийн залуу гишүүн Пак Жимин дэвжээн дээр амьсгал хураав.

Сүүлийн үед нэрд гараад буй холимог тулааны шинэ залуу тамирчин Пак Жимин Азийн аварга шалгаруулах тэмцээний үеэр дэвжээн дээр амьсгал хураажээ. Тэрээр Японы томоохон тамирчны өрсөлдөгч байсан ба ялагдаж явсан ч эцсийн цохилтоороо нөхцөл байдлыг эргүүлж улсдаа ялалт авсан байна...

Хормын дотор л дэлхий даяар мэдээ тархаж Жиминий дэмжигчдийг цочролд оруулж орхив.

Жонгүг чихэндээ итгэж ядан суудлаасаа босон урагш алхалаа.

Торны цаанаас хайртай залуугаа удтал ширтэв.

Чих нь шуугиж нүд нь нулимсаар бүрхэгдэв.

Урдах нь ч харагдахгүй бүрэлзэж хоолойд нь юм тээглэх шиг болон шүлсээрээ түлхэх гэж оролдов.

Болсонгүй.

Цээж нь хөндүүрлэн зүрх нь базалж эхлэв.

Гараараа атгаад цээжин дээрээ цохилоо.

Өвдсөөр л байв.

Юу ч сонсогдохоо больж толгойгоо барин газар өвдөглөн суув.

Хайртынх нь аниагүй нүд өөдөөс нь тас ширтэж сулбайсан бие нь дэвжээний шалан дээр хөдөлгөөнгүй хэвтэнэ.

"Итгэхгүй байна!"

"Жон Жонгүг!! Бүгд чамаас болсон! Бүх юм чамаас эхэлсэн! Чи миний дүүг алчихлаа! Хараал идсэн хүний үнэргүй новш. Чи миний дүүг тэнгэрт залчихлаа гэж байна!"

Цаанаас Бугом орилсоор хүрч ирэн заамдаж босгоод хүчтэйхэн шанаадаад авав.

"Чиний буруу!"

Угаас тэнцвэргүй байсан Жонгүг түүний цохилтонд эрчээрээ буцан газар унахад Бугом дээр нь гарч суугаад үргэлжлүүлэн цохиж эхлэв.

"Боль л доо. Та наад хүнээ алах нь байна!"

"Чамд ямар хамаатай юм?! Зайлж үз!"

"Дүү чинь нас барчихаад байхад яаж хайртай хүнийг нь ингээд нүүр нүдгүй зодож чадаж байна аа?! Жимин ах ийм юм хүсэхгүй байх байсан"

"Чи хэн болчихоод ийм юм яриад байгаа юм?!"

"Би... тэдэнтэй хамт удаан амьдарсан юмаа. Тэднийг сайн мэднэ. Жонгүг ах Жиминийг авч үлдэх гэж өөрөөсөө хүртэл түлхэн байж хичээж байсан юм. Та тэдний талаар юу ч мэдэхгүй"