Episode - 15🩺❤️
ရက်လနာရီလေးများကြာမြင့်လာသောအခါ Sunday Meetingမှာ သူမအိမ်သို့ပြောင်းရွေ့သွားလေသည်။အကြောင်းမှာမိမိအိမ်ကိုတကူးတကလာနေရလျှင် သူမပင်ပန်းနေမည်စိုးသည့် Rose၏တောင်းဆိုမှုကြောင့်ပင်။သို့ဖြစ်၍ Roseကသာ သူမအိမ်သို့သွားလေ့ရှိသည်။
"အဖွားရေ ဘိုမလေးရောက်ပြီ"
"မြေးလေးပါလား"
"သမီးရေ ဒီမှာဘိုမလေးရောက်နေပြီ"
"အင်း လာပြီလာပြီမေမေ"
မီးဖိုချောင်ထဲတွင်ချက်ပြုတ်နေရင်း ကမန်းကတန်းထွက်လာ၍ မျက်နှာတွင်အိုးမဲပေနေသည်ကိုသတိမထားမိပဲ ဧည့်ခန်းထဲကို အေပရွန်လေး၀တ်လျက်ထွက်လာသည်။Roseကသူမကိုကြည့်လိုက်စဉ်တွင် ပါးပေါ်က အိုးမဲရာလေးကိုတွေ့သွားကာ ခပ်ပြုံးပြုံးလေးဖြစ်သွားလေသည်။သူ့အတွက်ဒီလောက်ကြိုးစားချက်ပြုတ်နေရသလားဟူသော အပြုံးလေး ~~~~~
" ကလေးရောက်လာပြီလား ဟင်းချက်နေတာမပြီးသေးဘူး ခဏစောင့်ဦး"
"ရပါတယ် ဒေါက်တာရယ်"
"ဧည်သည်ကြီးလုပ်လို့"
"အဖွားသမီးမီးဖိုခန်းထဲလိုက်သွားဦးမယ်နော် ဒေါက်တာနဲ့"
"ကောင်းပါပြီတော်"
Roseမီးဖိုခန်းထဲသို့၀င်လိုက်ကာ နောက်ကျောဘက်မှသူမပုခုံးလေးနှစ်ဖက်ကိုကိုင်လိုက်ပြီး -
"ဒီဘက်လှည့်"
"ဘာလုပ်မလို့လဲ"
"လှည့်မှာသာလှည့်စမ်းပါ ဒေါက်တာရာ"
"အင်းလှည့်ပြီ ဘာလဲ"
(မျက်နှာချင်းဆိုင်အနေအထားသို့ရောက်သွားကာ)
"ဒီမယ်လေ အိုးမဲတွေပါးမှာပေနေတာမသိဘူးလား"
(လက်ထဲက လက်ကိုင်ပဝါလေးကိုထုတ်ကာ သုတ်ပေးလျက်)
"ဟင်ဟုတ်လား မသိလိုက်ဖူးဒေါက်တာလည်း"
"အိုးမဲနဲ့တော်တော်ရုပ်ဆိုးနေလားဟင်"
"မဆိုးပါဘူး လှတုန်းပဲ"
"သွား အပိုတွေ"
"မသွားပါဘူး ခုမှရောက်တာ"
