"ကလေးတွေ...စကားမများနဲ့.."
ကျွတ်ကျွတ်ညံနေသောထမင်းစားဝိုင်းအတွင်းကျိုမား၏အသံကဟိန်းထွက်သွားပြီးစားပွဲဝိုင်းတစ်ခုလုံးမှပြောလက်စစကားများပြတ်သွားကြလေသည်။ထိုသို့ငြိမ်သက်သွားကြသူများမှာလဲကျိုချန်းတို့လိုယွီပင်းတို့လိုကလေးကြီးတွေသာဖြစ်၏။
"ရိပေါ်ရော...မဆင်းလာသေးဘူးလား"
"သွားခေါ်လိုက်မယ်ဒေါ်လေး"
ဒေါ်လေးယွီကမေးရုံရှိသေးအသွက်မအောရိန်းကအခန်းပြင်ဝတောင်ရောက်အောင်ပြေးထွက်ပြီးနှင့်နေပြီ။
"ခေါ်ပီးပီ...နင်ပြန်လာ.."
ကျိုမားကသူ့သမီးသူအံကြိတ်သံလေးနှင့်ထိန်းရသည်။
ရှောင်းကျန့်တစ်ယောက်စားပွဲခုံ၏တစ်နေရာတွင်ဝင်ထိုင်နေမိသော်လည်းရိပေါ်ထမင်းဆင်းမစားမှာပူနေမိသည်။
သိပ်မကြာလိုက်ခင်မှာပင်ဘကြီးကျူးဟောက်နဲ့ဘကြီးကျူးလူတို့ဝင်လာပြီးလူစုံတက်စုံဖြစ်သွားသဖြင့်အားလုံးဇွန်းကိုင်ခရင်းကိုင်နှင့်ဟင်းခွက်တွေစနှိုက်ကုန်ကြလေသည်။
ရှောင်းကျန့်တစ်ယောက်သာထမင်းထည့်ဝါးလိုက်အပေါက်ဝကိုငေးလိုက်ခုံအလွတ်လေးကိုကြည့်လိုက်နဲ့ထမင်းစားရတာအရသာမရှိဖြစ်နေမိသည်။
'ဘယ်သူ့အမိန့်နဲ့သူကအငတ်ခံနေရတာလဲ...သူဆင်းစားတာနဲ့ဘယ်သူကထထွက်ပြေးမှာမို့လို့လဲ'
"ဟိုမှာလွတ်နေတဲ့ခုံကဘယ်သူ့ခုံလဲ"
"ရိပေါ်လေ...ဘာလို့မစားမှန်းမသိဘူး"
ကျိုမားနဲ့ကျိုပါးကအချင်းချင်းမကြားတကြားပြောနေချင်းပါ။
"ရိပေါ်ကိုကျွန်တော်မဆင်းလာခင်ကထမင်းစားဖို့ဝင်ခေါ်သေးတယ်...အဟွတ်...သူကနောက်မှစားမယ်တဲ့...အဟွတ်..ဟွတ်...အိပ်နေတာလားမသိဘူး"
ကျိရန်ကချောင်းတဟွတ်ဟွတ်ဆိုးရင်းကဝင်ပြောလိုက်သည်။
"သားကဘာလို့ချောင်းဆိုးနေတာလဲနေမကောင်းဘူးလား"
"အအေးနဲနဲမိသွားလို့ပါ"
"ဪဆေးလေးသောက်ထားဦးလေကွယ်"
VOCÊ ESTÁ LENDO
My Crush In My Area >.<
Fanficစပ်စလူးစိန်ရှောင်းကျန့်နဲ့သူ၏crhကြီး တစ်လောကလုံးကိုပတ်ချေနေသောရိပေါ်တို့ ဘော်ဒါဆောင်တွင်ထိပ်တိုက်တွေ့သောအခါ... ဘာတွေဆက်ဖြစ်မလဲ? သိချင်ဝင်ဖတ်လိုက်ပါ😶👋 ဒရမ်မာမပါဘာမပါနဲ့လုံးဝSeသီးသန့် အဲမှားလို့Heသီးသန့်ပြောတာ။
