ည ဒီနေ့ ဂေဟာသို့သွားဖို့ ကားစီးနေရင်း အရင်က ရှိုင်း(ဂျူနီယာ မောင်လေး) ပါတုန်းကတော့ မောင်နှမနှစ်ယောက် တွတ်ထိုးသွားကြတော့ သွားရတာ ပျော်စရာကောင်းလှသည်။
အခုတော့ မောင်ရှိုင်းတစ်ယောက်ဟာ သူ့ရဲ့ ချစ်သူ ယုယ ဆီသို့ အခတော်စား ဝင်ရောက်သည့်အတွက် မလိုက်နိုင်တာ ကြာပါပြီ။
ဂေဟာလေးကလဲ အမြဲ ကြပ်ကြပ်မတ်မတ် စောင့်ရှောက်ပေးမယ့် အဖွဲ့အစည်းမရှိ၊ ငွေအင်အား မလုံလောက်မှူ တို့ကြောင့် ည နှင့် ဆေးကု အဖွဲ့တွေ ဘယ်လောက်ကြိုးစားကြိုးစား အခြေအနေ မဆိုးသွားတာပဲရှိတာ ကောင်းမွန်မလာာခဲ့ဖူး။
နောက် အဓိကက သူတို့မှာ မိသားစု ဆီက ချစ်ခင်မှူမရခြင်း၊ စွန့်ပစ်ခံရခြင်း၊ အလုပ်နှင့်ပတ်သတ်၍ အောင် မြင်အောင် မလုပ်နိုင်ခဲ့ခြင်း၊ အထီးကျန်ခြင်း စသော ရိုက်ခတ်မှုများကြောင့်လဲ သူတို့ဟာ နလန်မထူနိုင်ဖြစ်ခဲ့ပုံရတယ်။
ညလဲ အရမ်းစွမ်းစောင်နိုင်သူ မဟုတ်ခဲ့တော့ ည လုပ်နိုင်တာလေးပဲ အားမ လျော့ဆက်လုပ်နေရတယ်။
ညသွားခဲ့တဲ့ ဂေဟာ လေးမှာ လောကကြီးမှ အပြီးတိုင် နှုတ်ဆက်ထွက်ခွါသွားသူ များသလို (၉၆ပါးသော ရောဂါဖြင့်သေကြတာ) ထပ်ဝင်လာသူတွေလဲ များတော့ ညလဲ ကိုယ်လုပ်ပေးနိုင်တာ အကောင်းဆုံး လုပ်ပေးပြီးပဲ စိတ်ဖြေနေမိတယ်။
အခုမှ သတိရလို့ ပြောဦးမယ်နော်။ ညက ပရဟိတတွေလုပ်တယ်ဆိုလို့ ည မိသားစုက ချမ်းသာတယ်လို့မထင်ပါနဲ့နော်။
ည ဆေးရုံမှာ လုပ်လို့ရတဲ့ ငွေကို ည ချွေတာသုံးပြီးအိမ်ကို ပြန်ပို့ ပေးနေရတာ။ အိမ်မှာက ည အကြီးဆုံးမို့ အငယ်နှစ်ယောက်ကလဲ ကျောင်းမပြီးသေးတော့ ည ဝင်ငွေကို မျှော် နေကြရတာ။
ဒါတောင် အမေက ရပ်ကွက်ထဲ အိမ်ဆိုင်လေး ဖွင့်ပြီး တဖက်တလမ်းက စီးပွားရှာသလို အဖေကလဲ လက်သမားအလုပ်လေး ကြို့ကြား လက်ခံရှာကြသေးတာ။
ညက တော့ အဖေ့ရော အမေ့ကိုပါ ဘာအလုပ်မှ မလုပ်စေချင်တော့လို့ နားဖို့ ခဏခဏ ပြောပေမယ့် ည ဝင် ငွေလေးကလဲ တအိမ်လုံး စရိတ်ကို မလောက်ငှ သေးတော့ လုံးဝ မလုပ်ဖို့တော့ မပြောနိုင်ခဲ့ဖူး။
ВЫ ЧИТАЕТЕ
ကာရန်မညီသော ချစ်ခြင်း Completed
Любовные романы" Intro" လူ့ဘဝဆိုတာ တိုတိုလေးမို့ အသက်ရှင်စဉ်အချိန်ခဏလေးမှာ ဘယ်သူ့ကိုမှ အမုန်းမပါ ချစ်ခြင်းတွေဖြင့်သာ နွေးထွေးစွာဆက်ဆံချင်တယ်။ အများအတွက် လုပ်ပေးနိုင်သလောက် ပရဟိတလုပ်ငန်းတွေ လုပ်မယ်။ပျော်အောင်နေမယ်။ဝါသနာပါတဲ့အလုပ်လေးတွေ လုပ်မယ်ဆိုတဲ့ မိုးညဆိုသည့် ကျ...
