ចំណងស្នេហ៍ប៉ាកូនចិញ្ចឹម

ភាគទី៣១: ចិញ្ចៀនគូស្នេហ៍

បុរសស្លៀកឈុតខ្មៅមិនស្គាល់អត្តសញ្ញាណម្នាក់មុខបិទបាំងដោយពាក់មួកឃ្លប់ជិតឈឹងអង្គុយនៅតុម្ខាងឆ្ងាយពីប៉ាកូនទាំងពីរនោះក៏បន្លឺប្រយោគឡើងតិចៗទាំងងឿងឆ្ងល់ ពេលដែលឃើញពួកគេទាំងពីរស្និតស្នាលគ្នាខ្លាំងដូចមិនមែនមានឈ្មោះជាលោកប៉ានិងកូនប្រុសចិញ្ចឹមតាមដែលអ្នកស្រីរបស់គេបានប្រាប់។

នាយម្នាក់នោះក៏ប្រញាប់ដកទូរស័ព្ទចេញពីហោប៉ៅខោរបស់នាយលួចថតរូបរបស់ពួកគេរួចក៏បញ្ជូនវាផ្ញើរទៅកាន់នរណាម្នាក់ក៏មិនដឹងដែរ!!!

« ឆាប់ញ៊ាំទៅនឹងអាលបានទៅកន្លែងផ្សេងទៀត » អ្នកជាលោកប៉ាតឿនពេលដែលម្ហូបលើកមកដល់កន្លែង។ ពួកគេទាំងពីរក៏នាំគ្នាចាប់ផ្ដើមញ៊ាំអាហាររៀងខ្លួន តែរំពេចនោះទូរស័ព្ទរបស់រាងក្រាស់នៅលើតុក្បែរដៃក៏លោតសារឡើងទើបនាយងាកក្រោយសម្លឹងមើលបុរសឈុតខ្មៅម្នាក់ដែលដើរចេញទៅមុននេះ យ៉ាងលឿមស្លេវ មុននឹងបែរមកវិញងាកសម្លឹងមុខរាងតូចដែលគេក៏កំពុងសម្លឹងមើលមុខនាយដូចគ្នា។

« មានរឿងអីមែនទេលោកប៉ា ?? » រាងតូចសួរនិងងាកមើលតាមនាយតែបែរជាមិនឃើញមានអ្វីប្លែកទៅវិញ មានត្រឹមតែភ្ញៀវដើរចេញចូលប៉ុណ្ណោះ!!

« គ្មានអីទេអូនញ៊ាំបន្តទៅ Daddy ទៅបន្ទប់ទឹកបន្តិចសិន » ប្រាប់រួចនាយក៏ក្រោកឈរដើរចេញទៅបន្ទប់ទឹកឯរាងតូច ថេយ៉ុង មិនបានគិតច្រើននោះទេប្រហែលជាលោកប៉ាមានការងារសំខាន់ហើយមើលទៅ ទើបគេក៏បន្តការញ៊ាំអាហាររបស់គេវិញ។

+Bathroom

« វាជានរណា ?? » ជុងហ្គុក សួរឡើងទៅកាន់ខ្សែទូរស័ព្ទម្ខាងទៀតដែលបានផ្ញើរសារមកប្រាប់នាយមុននេះ។

"ខ្ញុំក៏មិនដឹងដែរចៅហ្វាយ មានកូនចៅម្នាក់មកប្រាប់ខ្ញុំថាមានមនុស្សប្លែកមុខលួចតាមដានសកម្មភាពរបស់ចៅហ្វាយនិងអ្នកប្រុសតូច ថេយ៉ុង ពេលនេះខ្ញុំបានឲ្យពួកគេទៅចាប់វាមកហើយ ទាន!!" ជីហ្យុន នេះហើយដែលជាអ្នកផ្ញើរសារមកកាន់ ជុងហ្គុក ថាមានមនុស្សលួចតាមដានសកម្មភាពរបស់ពួកគេមុននេះដែលធ្វើឲ្យ ជុងហ្គុក ងាកក្រោយសម្លឹងមើលអម្បាញ់មិញនោះឯង។