قلوب حائره

الحلقه الثاني عشر

الثاني عشر
ولاء بغضب عضت ايده ليبتعد عنها  فقالت بصراخ / حرامي...............
بسرعه وضع يده على فمها ليكتم صراخها وقال / انتى مجنونه انا هشيل ايدي بس قسما بالله لوصوتك على مش هيحصلك طيب فاهمه
ولاء بخوف هزت راسها بايجاب 
....فابعد يده من على فمها ببطء \قوليلى بقا انتى مين انا اول مره اشوفك هنا
ولاء \ انا ابقى طباخه جديده
حازم  ارتمي على الاريكه وقال بارهاق \ جايه فى وقتك قومي يلا حضريلي الاكل
ولاء باستغراب\ اكل ايه انت مين اصلا انا معرفكش ومشوفتكش قبل كده
حازم بسخريه \ انتي متعرفيش انا ابقى مين
ولاء لمحت سخريته فقالت بتافف \ لا والله انا معرفش انت مين
حازم  بغرور \ انا بقى ابقى حازم المنياوي
ولاء بانزعاج \ اتشرفنا
حازم \ يلا بقا زي الشاطره كده روحي حضريلى الاكل
ولاء اتغاظت منه فقالت بعصبيه \ اسفه والله الاكل بح مفيش خلص , ودلوقتى مواعيد النوم يعني لو عايز حاجه تقدر تقوم كده زي الشاطر وتعملها
حازم نهض من مكانه واقترب منها وقال بعصبيه \ انتى ازاى تسمحي لنفسك تتكلمى معايا بالاسلوب ده
ولاء توترت  \ انا مقولتش حاجه غلط انت الى تصرفاتك تعصب
حازم اقترب منها اكثر وقال بحده \ انا اتكلم زي ما انا عايز انما انتى خدامه هنا ودورك تنفذي كل طلباتى انتى فاهمه
ولاء نظرت له بغضب شديد وقالت له بصوت عالى نسبيا \ خدامه فى عينك انت فاكر نفسك ايه لا صحصح كدة وشوف بتكلم مين
حازم نظر اليها بدهشه واستغراب وقال \ انتى بتكلمينى كده ازاى
ولاء لمحت نظراته المندهشه كتمت ضحكتها ولكنها اصدرت صوت خافت
حازم اتعصب جامد \ انتى بتضحكي على ايه
ولاء خافت من عصبيته بس مبينتش وقالت \ انا مضحكتش
تافف حازم منها وقال بامر\ روحي اعملى اي حاجه اكلها يلا بلاش لكاعه
ولاء بغيظ\ هو البعيد اطرش مبيسمعش قولنا مفيش اكل استني للصبح
جز على اسنانه بغيظ وقال بحده \ بت انتى لمي لسانك ده انا مش فاهم ازاى يشغلو واحده بيئه زيك هنا
ولاء اتنرفزت جامد وقالت  \ متلم نفسك ياجدع انت
حازم \ اللهم طولك ياروح
ولاء ابتعدت عنه وكادت تذهب الى غرفتها
حازم بحده \ انتى رايحه فين
لم تعيره اهتمام فقال بحده \ لما اتكلم تقفى وتسمعى انا بقول ايه انتى فاهمه
ولاء \ اوف بقى عايز ايه
حازم \ انا مش قولت عايز اكل ليه كلامي مبيتسمعش
ولاء \ هو حد قالك اني الداده بتاعتك وانا مالى انا
حازم \ استغفر الله العظيم يارب انا بجد فى حياتى مشوفت كده
تقدمت ولاء لكى ترحل من أمامه فأمسك معصم يدها وقال /شكلك مش هتجبيها البر
ولاء ابعدت يده عنها وقالت بخوف  \ ايعد عني احسنلك
حازم اقترب منها اكثر عندما لمح خوفها وقال بسخريه\هتعملي ايه يعني 
ولاء بغضب امسكت يده وعضته بقوه
حازم ابعدها عنه بالقوه ونظر ليده وقال بحده \ انتى غبيه ايه الى انتى عملتيه ده
ولاء \ انت لسانك طويل كده ليه متلم نفسك شويه
حازم بغيظ \ اقسم بالله نهايتك على ايدي
ولاء ذهبت بسرعه الى غرفتها قبل ان يلحق بها واغلقت الباب
حازم جلس على الاريكه ونظر ليده ليري اثار عضتها \ ايه المجنونه ديه اقسم بالله مهرحمها يانا يانتى فى البيت ده
..........................................اشرقت شمس يوم جديد
اشرقت شمس الصباح استيقظت نور وايقظت  ولاء
نور \نمتى كوىس
ولاء وهى تتمطع \ انا كويسه متقلقيش بس انتى ايه الى صحاكى بدرى
نور \المفروض نحضر الفطار
مرجانه اتت \ يلا قومو بسرعه بلاش لكاعه
ولاء بتمتمه \ ربنا ياخدك ياشيخه
نور ضاحكه \ معلش قومى يلا بسرعه بدل متيجى تكلك هههه
ولاء بلوى شفتيها \ اضحكى اضحكى انا مش عارفه هنقعد لحد امتى فى الهم ده
نهضت من على السرير ودلفت الحمام وعندما خرجت لم تري احد فركضت الى الخارج
ودلفت الى المطبخ لتري مرجانه تصرخ فى الجميع
مرجانه \ ازاى المطبخ يبقى بالشكل ده
ولاء نظرت الى منظر المطبخ فكان بشكل فوضوي / هو ايه الى حصل للمطبخ
مرجانه بحده \ هو ده الى انا بسئله
نور \ واحنا مالنا احنا
مرجانه \ ماهو ده اول مره تحصل هنا
ولاء \ انتي بتلمحى لايه بالظبط
مرجانه \ اصلا انا مش مرتحالكم انتو الاثنين
ولاء بغضب \ انا خلصته ودخلت نمت معرفش مين الى عمل كده فياريت تشوفى حد غيرنا ترمي عليه بلويكى
مرجانه اقتربت من  ولاء  \ انتى بت قليلة الربايه صحيح والله لهوريكي
نور بحده\ اسمعى بقى هتقلى ادبك هنقل ادبنا  فياريت تلمي لسانك ده 
مرجانه بغضب\طيب  اعتبرو ان ده اخر يوم ليكو هنا 
خرجت مرجانه غاضبه وذهبت لهيام وقالت \ انا اسفه انى جيت الصبح كده لكن انا مش هستحمل البنتين الجداد دول
هيام بضيق \ فى ايه يامرجانه
مرجانه \ البنتين دول لازم يمشو دمرولى المطبخ خالص دول مبيفهموش
هيام  \ طيب تعالى معايا
نزلت هيام الى الاسفل لترى  ولاء ونور ممسكان بحقيبتهم
هيام بقلق \ انتو رايحين فين
نور \ احنا من ساعة مجينا هنا والى اسمها مورجانه ديه مستقصدانا وانا مبحبش حد يعلى صوته عليا
هيام \ طيب ممكن نقعد نتفاهم
مورجانه \ سبيهم يمشو دول مش نفعين فى حاجه
هيام \ مورجانه اسكتى شويه خلينى اعرف اتكلم
مورجانه \ ماهو ياانا ياهما فى البيت ده
نور \ وانا مش قاعده فى البيت ده دقيقه واحده غير لما تعتزر
مورجانا \اانا اعتزر منك انتى ليه ان شاء الله انا هنا الريسه يعنى انتى الى تعتزريلى
عبد اللطيف بحده \ فى ايه ايه الصوت العالى ده
ولاء اختبات خلف نور \ اوف انا كل اما اشوفه اترعب ليه
ليراها عبد اللطيف فقال بهدوء \ فى ايه ايه الى حصل 
حازم استمع لصوت عالى فانتفض من على السرير وركض الي الاسفل ليري نور و ولاء ومورجانا الغاضبه فابتسم بخبث \ ياسلام عليك ياواد ياحازم لعبتها صح اشربي بقا