قلوب حائره

الحلقه التاسع عشر

التاسعة عشر ......
عبد اللطيف \ اقعدي ياهيام عايز اقولك على حاجه مهمه
هيام بقلق \ خير يابابا فى ايه
عبد اللطيف \ عايزك تنقلى نور وولاء  من الاوضه الى هما فيهم
هيام بقلق \ هو في ايه يا بابا انا مش فاهمه حاجه
عبد اللطيف \ مش عايزهم يختلطو بمورجانا
هيام بتفكير \ طيب اوديهم فين انت عارف معندناش اوض فاضيه
عبد اللطيف  صمت قليلا وهو يتطلع بابنته بقلق من رد فعلها \ لا في اوضه فاضيه ....الاوضه الى تحت
هيام لمحت نظراته فقالت  بصدمه \ اكيد مش قصدك .......
قطعها عبد اللطيف \ هي ديه الى انا اقصدها
هيام  \الاوضه ديه حسن عاملها لولاده ........
عبد اللطيف \ نفذي الى قولتلك عليه
هيام بشك \يبقى في حاجه انت مخبيها عني ومش همشي غير لما اعرفها
............................

سليمان بغضب / كنت فين
عماد /كنت بدور عليها
سليمان /  وياتري لقيتهم و لا لا
عماد / هموت واعرف راحو فين
سليمان / اه لو شوفتهم هربيهم ومش بعيد اقتلهم
عماد بغضب / قولتلك جوزني ولاء بس انت قولتلي لا ديه لسه صغيره وبتدرس
سليمان /امها رفضت واصرت ان البنات يكملو تعليمهم 
عماد / اهو كملو تعليم وهربو
سليمان بغل \ وانت فاكر انى هسيبهم بقى بيهربو مني انا
عماد  /انا مستعد اعمل المستحيل علشان اوصلها هتجوزها يعني هتجوزها بالزوق بالعافيه هتجوزها
...............
انتفضت من مكانها عندما استمعت لصوت دق على الباب فمسحت دموعها بسرعه واعادت الصور لمكانها  واقتربت من الباب وقامت بفتحه
رحاب / عمتو جدو بيسئل عليكى وقالي اطمن عليكى
هيام بحزن / انا نازله حالا اسبقينى انتى 
رحاب / لا ماهو جدو قالى اجيبك معايا وننزل سوي
هيام \ معلش يا رحاب سيبينى دلوقتى
رحاب \مالك ياعمتو انتى زعلانه ليه
هيام \ هو باين عليا اوي كده
رحاب \قوليلى مين مزعلك
هيام بابتسامه\ هو فى حد يشوف القمر ديه ويزعل
رحا ب \ والله انتى الى قمر ياعمتو
هيام احتضنتها \ انا مش عارفه هعمل ايه لما تتجوزي وتسيبى البيت
رحاب ابتعدت قليلا \ انا مستحيل اتجوز
هيام  \ ليه بتقولى كده يارحاب
رحاب بتوتر \ الصراحة ياعمتو ...ماما قالتلى انى جدو عايزنى اتجوز حازم
هيام باستغراب \ مش ده الى انتى عايزااه
رحاب \ ياعمتو انا ديما شايفه حازم اخويا وعمري مشوفته غير كده 
هيام \ بس تصرفاتك بتقول غير كده
رحاب بخجل \ اصل ماما قالتلى اني لازم اعمل كده علشان حازم يحبنى
هيام بعدم تصديق \ وليه شيماء تعمل كده
رحاب \ لان جدو قالها ان انا لازم لما اتجوز..اتجوز من العيله
هيام بزعل \ ليه يابابا تعمل كده بس
رحاب بدموع \ عمتو انا مش عايزه اتجوز ويحصلى زي الى حصل لهند وزي الى حصل لماما 
هيام احتضنتها \ اوعدك انى مش هيحصلك زيهم ابدا
رحاب مسحت دموعها \ يلا علشان كده اتاخرنا على جدو  
بعد قليل
هيام / مفيش حاجه صدقنى
عبد اللطيف / انتى زعلتى منى
هيام احتضنته / انت عارف يابابا عمري مهزعل منك
عبد اللطيف / يبقى ليه بتخبى عليا
هيام ابتعدت عنه / صدقنى مفيش انا بس زعلانه على حسن
شيماء / وانا كمان خايفه عليه اوى
ندي /ان شاء الله يكون كويس
عبد اللطيف / وعد انى هدور عليه وهخليه يرجع
ندي بتوتر / كنت عايزه اقولكم حاجه مهمه
محمد امسك يدها وقال بسعاده \ عندنا ليكم خبر حلو جدااااا
عبد اللطيف / خير ايه الخبر ده 
ندي بخجل / انا حامل
هيام بسعاده \ الف الف مبروك يا ندي ياحبيبتى 
هند / الف مبروك ياندي
ندي بابتسامه / الله يبارك فيكى عقبالك ياهنود
ماذن غامزا لهند / قريب ان شاء الله
هند بخجل / بس ياماذن بقى
رحاب  \ اخيرا هنفرح 
رامز / شوفتو وشى حلو عليكو ازاى
حازم بسعاده / بجد ده احلى خبر سمعته يعنى انا هبقى عم 
رحاب \ وانا هخليه يقولى يا رورو
محمد ضاحكا\ انا هخليه يقولك يابت
رحاب \ مش مهم هيبقي على قلبى زي العسل
ولاء اتت ووضعت الشاي على الطاوله 
ولاء \ عايزين اي حاجه تانى
هيام نظرت لابيها فنظر فهمس لها \ كل شيء هيتغير
حازم نظر لها لتلمحه ولاء ولكنها اشاحت بنظرها بعيدا عنه 
ذهب حازم خلف  ولاء واوقفها
حازم \ مالك ضربه بوز كده ليه
ولاء \ وانت مالك انت
حازم \ انا كنت عايز اتكلم معاكي 
التفتت له \  انا بقى مش عايزه اتكلم معاك 
حازم بابتسامه  \ على فكره  انا جبتلك كراسة رسم كبيره والوان
نظرت له بغضب \ وانا مش محتاجه منك حاجه
حازم \ انا عارف انى زعقتلك بس انا جاي علشان اتاسف
ولاء  \لو سمحت سيبنى امشي اشوف ورايا ايه
حازم اتعصب \ تصدقى ان انا الى غلطان الى جيت علشان اعتذر لواحده زيك
ولاء تجاهلته وابتعدت عنه
عبد اللطيف بسعاده / كله يجهز نفسه هعمل حفله كبيره بمناسبه حمل ندي
محمد بسعاده / ربنا يخليك ليا ياجدو
شيماء / يا مورجانا
مورجانا / نعم ياست هانم
شيماء / جمعي كل الخدم وراكم شغل كتير هنحتفل بكره بحمل ندي
مورجانا ذغرطة / مبروك ياست ندي
ندي / الله يبارك فيكى يامورجانه
فتح الباب فالجميع وجهو نظرهم على الباب
ايهاب لمح السعاده علي وجههم وتيقن ان حازم تقدم لرحاب 
ايهاب بضيق / ايه ده انتو لسه صاحيين
هيام نهضت واقتربت منه وقالت بحده / كنت فين لحد دلوقتي
ايهاب / كنت مع صحابي
هيام / اهو انا مش قولتلك تيجى بدري
ايهاب بغضب / انا حر وياريت متعمليش فيها امى
حازم اقترب منه / في ايه يا ايهاب من امتى بتكلم ماما كده
ايهاب بسكر / سيبونى فى حالى انا مش ناقصكم  تصبحو على خير
هيام جذبته من يده وقالت بحده/ انت شارب ايه انطق اتكلم
ايهاب / اوف بقا انتو مالكم انتو انا حر ديه اخر مره تدخلو فى الى مالكمش فيه
حازم بغضب / لا هندخل بمزاجك او غصب عنك انا اخوك ولازم افهم في ايه ومن امتى ايهاب يعلى صوته على امه الى ربيته واعتبرته ابنها  بالشكل ده 
ايهاب بحزن / امي الى مش مهتمه بيا وكل اهتمامها بابنها المطيع حازم وانا اتنسيت انت  بتاخد كل حاجه منى ا يه الفرق بيني وبينك 
هيام بصدمه / انت اكيد اتجننت انت ازاي تتكلم كده انا غلطت معاك في ايه انت وهو اخوات وانا بعتبركم اولادي في الاخر تكلمني بالاسلوب ده
ندي اقتربت من هيام وربتت على كتفها \ خلاص يا ايهاب   مينفعش كده
محمد / انت  تصرفاتك بقت لا تطاق قولي في ايه انا اخوك الكبير 
ايهاب بسخريه \ انت كبير على الفاضي  مش فضيلنا بتفكر فى مصلحتك لكن تراعى اخواتك الى ملهمش حد غيرك لا  اهم حاجه   تمشي  تطبل لجدك الى عايزة تعملة 
محمد يغضب  \ انت بتقول ايه انت اتجننت
هيام  قطعتهم \ ايهاب قولى ايه الى حصل وليه بتعمل فينا كده 
ايهاب  بحزن/ من ساعة ما حازم ساب حبيبته وكله متعاطف معاه وانا محدش سالنى وقالى مالك تعبان ليه بتتاخر ليه
رحاب / فى ايه يا ايهاب ايه الى حصل لكل ده
ايهاب بغضب \ انتى بالذات تسكتى انتى السبب فى كل ده
رحاب \ ليه عملت ايه يعنى انت الي مش طايقني
ايهاب بحده\ انا مش عايز اسمع صوتك خالص فاهمه 
رحاب بدموع   \ .....
رحلت رحاب بسرعه من امامهم 
هيام \ ايه الي انت بتعمله ده من امتى انا بهملك 
ايهاب بحنق \ ايوه بتفضلي تقرنيه بيا
حازم بغضب / انت شايف كده طب امش بقي من قدامي علشان مش عايز امد ايدي عليك
ايهاب بغضب / لا مد ورينى شطارتك
حازم / ايهاب بلاش تنرفزني
ايهاب بسكر/ لو ممشيتش من قدامى مش  هيحصلك طيب
حازم امسكه من قميصه / انا سكت عليك كتير عامل خاطر لامي
ايهاب بصراخ \ امك ماتت واوعى تنسي ده
حازم اقترب منه وقام بصفعه امام الجميع......................
منتظره تفاعلكم .....