قلوب حائره

الحلقه الثانية والثلاثون

الحلقه الثاني الثلاثون
نور ارتعبت \ عماد انت اكيد مش هتعمل كده
عماد بصلها وزقها لكنها تشبثت به بخوف \ لا لا انت هتعمل فيا ايه
....واحد من الشباب ساعده ليرموها من السياره (كانت السياره مسرعه )
نور صرخت بفزع \ لا لا............... ...................................................

وقعت نور من السياره واصتدمت راسها بالرصيف
رامزر لمح نور وهى تقع على الار ض وكاد يصتدم بها ولكن تفادها بسرعه
اوقف السياره وخرج الجميع يركضون نحو نور
رامز اقترب منها ليلمح الدماء تنزف من راسها فهز يدها بخوف \ نور ردي عليا
ولاء برعب \ نور علشان خاطري فوقى
حازم بقلق \ يلا بسرعه لازم نوديها المستشفى
رامز اقترب منها ليحملها وركض بها الى السياره ووضعها بالخلف وجلست بجوارها ولاء التى احتضنت راسها وظلت تبكي بخوف على شقيقتها
رامز صعد الى السياره وحازم جلس بمقعد السواق
وانطلقو بسرعه
......
رحاب \ بقولك ياجدو هو انتو ليه مخبين الموضوع
ايهاب \ ايوه ياجدو ليه نعرف بالصدفه
عبد اللطيف \ كله هيعرف في الوقت المناسب
ندي \يعرف ايه انتو ليه بتتكلمو بالالغاز
فجاءه رن هاتف عبد اللطيف
عبد اللطيف \ ايوه يا رامز فى حاجه
رامز \ احنا فى المستشفى
عبد اللطيف بقلق \فى ايه ايه الى حصل
رامز \ عماد خطف نور ولما شافنا ماشيين وراه رماها من العربيه
عبد اللطيف بصدمه \ حصلها حاجه
رامز \لسه الدكتور مخرجش يطمنا
عبد اللطيف بقلق \ طيب طيب انا جاي علطول
هيام بقلق \ فى ايه يابابا
عبد اللطيف \ نور فى المستشفى
رحاب بقلق \ ليه ايه الى حصل
عبد اللطيف \ مش عارف مفيش وقت انا رايح على المستشفى
................
رامز لمح الممرضه وركض عليها \ هو ايه الى بيحصل ليه الدكتور اتاخر
الممرضه \ بنعملها اشاعات علشان نتاكد ان مفيش كسور .
رامز بقلق \ طيب ارجوكي طمنينى هي كويسه
الممرضه \ الدكتور هو الى هيقولك لو فى اي حاجه
ولاء مستنده على الحائط تبكي بخوف \ ليه ماخدنيش انا ليه انقذتني
حازم بحزن \ متقلقيش صدقينى هتبقى كويسه
ولاء نظر ت له وقالت بين دموعها \ يارب
عبد اللطيف اتى من بعيد هو وهيام
عبد اللطيف بقلق \مفيش اي جديد
رامز \ اتاخرو اوى جوه وبيقولو انهم بيعملو اشاعات علشان يتاكدو انها كويسه
هيام \ يارب استر
خرج الطبيب وانتبه لشخص ظل يتطلع عليها ثم وجه نظره لعبد اللطيف \ الحاله الى جوه تبعكم
عبد اللطيف \ خالد انت بتشتغل هنا
خالد \ ايه حضرتك نسيت انى دكتور
هيام ابعدت وجهها عنه
حازم نظر له بشك
رامز بقلق \خير يادكتور هي كويسه
عبد اللطيف \ طمني ياخالد نور عامله ايه
خالد \ هى الواقعه سببتلها كدمات بسيطه
هيام بتنهيدة راحه \ يعني هى كويسه
خالد بتنهيده \ للاسف احنا اكتشفنا حاجه لما عملنا الا شاعات
عبد اللطيف بخوف \حاجة ايه
رامز \ ارجوك يادكتور طمنا
خالد \ للاسف عندها مشكله فى القلب
ولاء \ نور عمرها ما اشتكت من حاجه
رامز \ بسبب الواقعه
خالد \ لا من الواضح انها بتعانى منه من زمن
ولاء بصدمه \ بس نور عمرها مقالتلى على حاجه زي ديه
هيام \ ايه المشكله بالظبط
خالد \ عندها مشكله فى صمام القلب واضح انها اهملت فى علاجه
عبد اللطيف ابتلع ريقه بصعوبه \ يعني ايه الموضوع خطير
خالد \لو اتاخرت فى عمل العمليه الموضوع هيبقى فعلا خطير
ولاء وضعت يدها على فمها وقالت بخوف \ ليه مقالتش ليه عملت كده لو حصلها حاجه ممكن اموت
حازم اقترب منها \ لازم تعمل العمليه هو ده الحل الوحيد
خالد \ محتاج حد قريب منها يمضي على اقرار
هيام بخوف \ اقرار ايه هو ممكن يحصلها حاجه
خالد \ متقلقيش ان شاء الله مش هيحصل حاجه ده مجرد اجراء قانوني
عبد اللطيف \ انا همضي
ولاء نظرت له وقالت \ بس انا اختها
عبد اللطيف ابتسم بحزن \ وانا ابقى جدها
ولاء بصدمه \ انت كنت عارف
عبد اللطيف اقترب منها \ كل حاجه هتبقى كويسه
ولاء ارتمت بحضنه وظلت تبكي فمسد على شعرها وقال \ متقلقيش نور هتقوم بالسلامه
خالد نظر لهيام لمحها تبكى فاقترب منها \ ممكن تمسحي دموعك
رفعت نظرها له فمسحت دموعها \ شكرا ياخالد بس ارجوك انقذها
ولاء مسحت دموعها \هو انا ينفع اشوفها
خالد \ اكيد تقدري تشوفيها
............
فى غرفه كانت نور نائمه على السرير وموصول بيدها المحلول
ولاء اقتربت من احدي الكراسي وجذبته بيدها لتجلس امامها
نور لمحتها وقالت بصوت مبحوح \ انتى كويسه
ولاء هزت راسها بنفى وسالت الدموع من عينيها فقالت نور وهى ايضا تبكي \ مش عايزه اشوف دموعك
ولاء بدموع \ ليه مقولتيش ليه خبيتى عليا
نور \ علشان مش عايزه ازعلك
ولاء \ عرفتى ازاى
نور مسحت دموعها \ فى يوم روحت لماما المستشفى وشوفت دكتور وحكتله على الاعراض عملى اشعه وقالى
ولاء \ ومفكرتيش تتعالجي
نور \ مكنش فارق معايا غير انى اطمن عليكى واوديكي عند بابا
ولاء ببكاء\ كنتى دايما بتحمينى وانا مقدرتش اعملك اي حاجه
نور \ كفايه انى اشوفك مبسوطه
ولاء \ وانتى مكنش ينفع تكوني مبسوطه
نور \ مش مهم اي حاجه المهم انك كويسه
ولاء \ على فكره رامز بيحبك اوي
نور ابتسمت \ كنت عارفه
ولاء \ وانتى بتحبيه صح
نوراغمضت عيناها \ مش عارفه
ولاء بتنهيده \ ليه بتحاولى تباني قاسيه ليه دايما بتخافى تضحكي حتى خايفه تعرفيه انك بتحبيه
نور \ انا مش ضامنه هعيش قد ايه
ولاء ببكاء \ هتعيش يانور الدكتور قال انك هتعملى العمليه وهتبقى كويسه
نور ابتسمت بحزن \ لو حصلى حاجه عيشي حياتك كفايه زعل
دلفت الممرضه \ كفايه كده
ولاء مسحت دموعها\ هتعيشي يانور علشان انا مليش غيرك.... انتى طول عمرك بتكوني قويه بلاش دلوقتى تضعفى
اقتربت منها وقبلت راسها وخرجت
......
فى الشركه (فى مكتب عبد اللطيف )
دلف رجل الى المكتب فقال عبد اللطيف \ اقعد
....\ حضرتك طلبتني هو فى حاجه
عبد اللطيف \ اقعد ياخيري فى موضوع مهم عايز اكلمك فيه
خيري جلس امامه وقال بقلق \حضرتك كنت عايزنى فى ايه
عبد اللطيف نهض واقترب منه \ عايز اعرف كل حاجه عن ليلى وسبب طلقكم
خيري بقلق \ انا مليش علاقه بليلى من ساعة لم اطلقنا وكل واحد فى حاله
عبد اللطيف \ طلقتها ليه
خيري \ ديه اسرار بيت
عبد اللطيف \ ليلى بتكره شاديه ليه
خيري \ ايه الى فكرك بالموضوع ده
عبد اللطيف \ ولاد حسن رجعو ومراتك بتحاول تماشيهم وتكرهم فى ابوهم وفيا
خيري ابتسم \ شاديه رجعت
عبد اللطيف بتنهيده \ شاديه اتوفت
خيري بحزن \ ان لله وانا اليه راجعون
عبد اللطيف \ناوي تحكي
خيري \ ليلى هى الى جابت شاديه على القصر وقالت بنت غلبانه تشتغل وتكسب فيها ثواب
عبد اللطيف \ وايه الى خلاك تطلقها
خيري بضيق \ لانها كذابه كذبت عليا وعلى شاديه وعلى حسن بيه
عبد اللطيف \ ازاى وليه
خيري \ انت ليه مسالتش نفسك مين ليه مصلحه يعرفك انهم متجوزين
عبد اللطيف \ خدامه كانت شغاله عندنا هى الى قالتلى انا مصدقتش بس اتاكدت بنفسي
خيري \ ليلى هى الى بعتت البنت ديه كانت مصلحتها انها تبعد شاديه هى وعيالها وتخوفهم منك وتقولهم انك هتاخد البنات وهترميها فى الشارع
عبد اللطيف \ انت عرفت ازاى
خيري \ وقعت بلسانها قدامي ولما سالتها عن السبب قالتلى انها خدت كتير وكفايه عليها قوي
عبد اللطيف \ وليه مجتش قولتلي
خيري \ الصراحه خفت على بنتى تعرف ان امها خرابة بيوت
........
رامز دلف الى غرفة نور لمحها فابتسم وقال \ انتى كويسه
نور \ الحمد الله
رامز \ انتى عارفه انى قلقت عليكى
نور \ ولاء قالتلى
رامز \ متقلقيش انتى هتبقى كويسه وهتعملى العمليه
نور \ رامز فى حاجه لازم اقولهالك
رامز \ حاجة ايه
نور \ شكر على كل حاجه عملتهالى
رامز \ مفيش بنا الكلام ده
نور \ رامز ممكن تسامح مامتك
رامز \ لا مستحيل
نور \ انت قولتلى اسامح بابا وانا سامحته
رامز \ بجد سمحتيه
نور هزت راسها \ ايوه بس انت لازم تسامح مامتك هى غلطت لانها فكرت فى نفسها ونسيت انكم اهم من اي جاجه بس صدقنى العمر مش مضمون مش عايزاك يجي يوم وتندم على انك ضييعت فرصه انكم تكونو عيله بجد ام واب
رامز بحزن \بس الى عملته فيا ,.,,,,,
نور قطعته \ الى فات راح وخلص بكل حاجه مره عيشناها النهارده هو الى بنعيشه صدقنى بلاش يجي يوم متلقيهاش وهتندم عمرك كله على انك مسمحتهاش وضيعتها للابد
رامز \ اوعدك انى هحاول بس اوعدينى انك تقومي بالسلامه
نور \ فى حاجه عايزه اقولهالك علشان لو حصلى حاجه
رامز \ بعد الشر عليكى صدقينى هتبقى كويسه
نور \ رامز انا كمان حبيتك حبيت اهتمامك بيا مقدرتش اقولك لاني مش عايزه اعلقك بيا اكثر وانا مش ضامنه ممكن يحصلى ايه
............
فى عرفة رحاب
رحاب كانت تقطع الغرفه ذهابا وايابا تفكر فى امر ما وفجاءه التقطت هاتفها ورنت على الرقم لياتيها هذا الرقم مغلق ظلت تدور حول نفسها حتى اتت لها فكره فارسلت رساله صوتيه \ بابا فى حاجه لازم تعرفها نور وولاء موجدين هنا .........ارجوك تعالى بسرعه هما مجتجينلك
............................................................................